Kpojemi 3:3 - Somi He Ɔ

³ Lɔɔ he ɔ kaii nɔ́ nɛ a tsɔɔ mo kɛ bɔ nɛ o nu ɔ nɛ o kɛ to, nɛ o tsake o tsui. Se jehanɛ ke o hɛ tsɛ́ ɔ, ma tua mo kaa juɔ, nɛ o be lee ngmlɛfia nɔ nɛ ma ba a kulaa.

BAIBLO ALOO NGMAMI KLƆUKLƆU Ɔ

³ Lɔ ɔ he ɔ, kaii nɔ́ nɛ a tsɔɔ mo, kɛ nɔ́ nɛ o nu ɔ. Bu tue, nɛ o tsake o tsui. Ke o pee we ja a, ma ba na mo tlukaa kaa julɔ be mi nɛ o hɛ be o he nɔ.

Kpojemi 3:3 ပူးပေါင်းရင်းမြစ်များ

Kpojemi 2:5

Lɔ ɔ he ɔ kaii he nɛ o je kɛ nɔ si ɔ, nɛ o tsake o tsui, nɛ o tsu kekle ni tsumi ɔmɛ; se ke pi ja a, ma ba o ngɔ oya, nɛ ma je o kane tso ɔ kɛ maa je e ma he ɔ, ja o pia o he.

2 Petro 3:10

Se Nyɔmtsɛ ɔ ligbi ɔ maa ba ka juɔ baa nyɔ mi, nɛ jamɛ a be ɔ, hiɔwe maa be kɛ ho kɛ huami wawɛɛ, nɛ je nɛ ɔ mi sisije ni ɔmɛ maa sle ngɛ la mi, nɛ je ɔ kɛ e mi ni tsumi ɔmɛ maa sã.

1 Tesalonikabi 5:2

Ejakaa nyɛ nitsɛmɛ nyɛ le tutuutu kaa Nyɔmtsɛ ɔ ligbi ɔ maa ba kaa juɔ baa nyɔ mi ɔ.

Kpojemi 16:15

“Oʼɛ i ma kaa juɔ. A gbaa nɔ nɛ huɔɔ nɛ e hyɛɛ e tade ɔmɛ a nɔ saminya a, konɛ e ko nyɛɛ he gu nɛ e zo ba je kpo.”

Mateo 25:13

Lɔ ɔ he ɔ nyɛɛ huɔ, ejakaa nyɛ li jamɛ a ligbi ɔ loo ngmlɛfia a.”

Hebribi 2:1

Lɔ ɔ he ɔ e sa kaa waa pɛtɛ nihi nɛ wa nu ɔmɛ a he wawɛɛ konɛ wa ko tsɔ kɛ je he.

1 Timoteo 6:20

Oo Timoteo! nihi nɛ a tu ngɔ wo o dɛ mi ɔ baa yi, nɛ o kua yakayaka ni sɛɛmi nɛ bleɔ nɔ kɛ nɔ jemi munyu nɛ je lakpa ni lemi mi ɔ,

Marko 13:36

konɛ e ko ba tlukaa nɛ e ba na nyɛ kaa nyɛ ngɛ mahɛ hwɔe.

Marko 13:33

Nyɛɛ hyɛ saminya, nyɛɛ fɔ nyɔ nɛ nyɛɛ sɔle, ejakaa nyɛ li be mi nɛ be ɔ maa su.

Kpojemi 3:19

Imi lɛɛ, nihi abɔ nɛ i suɔ ɔ, i kãa mɛ nɛ i gblaa a tue; lɔ ɔ he ɔ, o hɛ nɛ dɔ nɛ o tsake o tsui!

2 Petro 3:1

Mamimɛ, enɛ ɔ ji womi nɛ ji enyɔ sɔuu nɛ i ngɛ nyɛ ngmae, nɛ lɛ tsuo mi ɔ, i kɛ kaimi tsɛ̃ɛ nyɛ juɛmi klɔuu ɔ hɛ.

Kpojemi 3:11

Oʼɛ, i ma oya; pɛtɛ nɔ nɛ o ngɛ ɔ he nɛ wa, konɛ nɔ ko ko kpɔ o jlasi ɔ!

Kpojemi 2:25

Se nɔ́ nɛ nyɛ ngɛ ɔ nyɛɛ hɛɛ mi ka ya su be nɛ ma ba.

2 Petro 1:13

Se be abɔ nɛ i ngɛ kikɛmɛ a bo tsu nɛ ɔ mi nɛ ɔ, i buu lɛ kaa e da kaa i kɛ kaimi nɛ tsɛ̃ɛ nyɛ hɛ;

2 Timoteo 1:13

Pɛtɛ tsami munyu nɛ o nu kɛ je ye nya a nɔ hyɛmi nɔ́ ɔ he ngɛ hemi kɛ yemi kɛ suɔmi nɛ ngɛ Kristo Yesu mi ɔ mi.

Kpojemi 3:2

Lɔ ɔ he ɔ, fo hɛ nɛ tsɛ, nɛ o waje nihi nɛ piɛ nɛ ngɛ hlae nɛ a gbo ɔ. Ejakaa i nɛ o ni tsumi ɔmɛ eko nɛ hi kɛ pi si ngɛ ye Mawu ɔ hɛ mi.

Kpojemi 22:7

“Oʼɛ i ma nɔuu. A gbaa nɔ nɛ kɛ kikɛmɛ a womi nɛ mi gbami munyu ɔmɛ toɔ ɔ.”