Kpojemi 3:15 - Somi He Ɔ

¹⁵ I le oni tsumi ɔmɛ kaa o be yluduu nɛ o be kɛlakɛla hulɔ. Oo, jinɛ o ko pee yluduu loo o ko pee kɛlakɛla!

BAIBLO ALOO NGMAMI KLƆUKLƆU Ɔ

¹⁵ I le ní nɛ o tsuɔ. I le kaa o be yluduu, nɛ o be kalakala hulɔ. I ná nɛ o ngɛ yluduu, loo kalakala!

Kpojemi 3:15 ပူးပေါင်းရင်းမြစ်များ

Mateo 10:37

“Nɔ nɛ dɔɔ e tsɛ loo e nyɛ he pe mi ɔ, e sɛ́ mi; nɛ nɔ nɛ dɔɔ binyumu loo biyo he pe mi ɔ e se sɛ́ mi.

Mateo 24:12

Nɛ nɔ́ nɛ mlaa kuami maa hiɛ he je ɔ, nihi fuu a suɔmi ɔ he maa jɔ.

Mateo 6:24

“Nɔ ko be nyɔmtsɛmɛ enyɔ nyɛe ma sɔmɔ; ejakaa eko ɔ e maa nyɛ nɔ kake nɛ e maa suɔ nɔ kpa a; aloo e maa pɛtɛ nɔ kake he, nɛ e maa gbe nɔ kpa a he guɛ. Nyɛ be Mawu kɛ mamona (ni nami) nyɛe ma sɔmɔ.

Romabi 12:11

Nyɛ mɔde bɔmi ɔ nya ko ba si; nyɛ mumi ɔ he nɛ dɔ la; nyɛ sɔmɔ Nyɔmtsɛ ɔ.

1 Korintobi 16:22

Ke nɔ ko sume Nyɔmtsɛ Yesu Kristo sane ɔ, jamɛ a nɔ ɔ e plɛ musutsɛ! Wa Nyɔmtsɛ, ba! (Maran ata.)

2 Korintobi 12:20

Ejakaa i ngɛ gbeye yee kaa alinɔ ke i ba a, i ba be nyɛ nae bɔ nɛ i ko suɔ, nɛ nyɛ hu nyɛ be mi nae bɔ nɛ nyɛ ko suɔ; kaa eko ɔ pɛ, hunga jemi, mi mi la, huhui, sieku yemi, munyu huitihuiti tumi, he nɔ womi, basabasa peemi ngɛ nyɛ kpɛti.

Filipibi 1:9

Enɛ ɔ he pɛɛ i kpaa kaa, nyɛ suɔmi ɔ nɛ hiɛ kɛ ya nɔ, nɛ e be nɔ pe kekle ɔ ngɛ ni lemi kɛ nɔ se kɔmi tsuo blɔfami, nɛ nyɛ yo nihi nɛ hi nitsɛ,

2 Tesalonikabi 1:3

E sa kaa wa naa Mawu si daa ngɛ nyɛ he bɔ nɛ sa, mamimɛ, ejakaa nyɛ hemi kɛ yemi ɔ ngɛ klee wawɛɛ nitsɛ, nɛ nyɛ tsuo nyɛ ti nɔ tsuaa nɔ suɔmi nɛ e kɛ suɔ e nyɛmimɛ ɔ ngɛ hiɛe kɛ ngɛ nɔ yae hulɔ,

Yakobo 1:8

juɛmi enyɔenyɔtsɛ ko nyɛɛ we tutuutu ngɛ e blɔhi a nɔ.

1 Petro 1:22

Jehanɛ, akɛnɛ nyɛ tsukɔ nyɛ klaa amɛ a he ngɛ anɔkuale tue bumi mi ha nyɛmimɛ a he dɔmi nɛ lakpa be mi he je ɔ, nyɛɛ kɛ tsui klɔuu nɛ suɔ nyɛ he saminya.

Kpojemi 2:2

I le o ni tsumi ɔmɛ kɛ o dengme gbomi ɔ, kɛ o tsui si tomi ɔ, kɛ bɔ nɛ o kplɛɛ we nimli yayami ɔmɛ a ni peepee ɔmɛ a nɔ, se ɛo ka nihi nɛ deɔ ke bɔfohi ji mɛ se a pi ja a, nɛ o na kaa lakpatsɛmɛ ji mɛ.

Kpojemi 2:4

Se kɛ ɔ, i kɛ mo ngɛ sane ko, lɔ ɔ ji kaa, o sume mi kaa bɔ nɛ o suɔ mi sa a.

Kpojemi 3:1

“Nɛ Sarde asafo ɔ bɔfo ɔ, ngmaa ya ha lɛ ke: “Nihi nɛ nɔ nɛ ngɛ Mawu mumihi kpaago ɔ kɛ dodoehi kpaago ɔ de ji nɛ ɔ nɛ: I le o ni tsumi ɔmɛ kaa o hɛɛ biɛ kaa o hɛ ngɛ, se o gbo.

Kpojemi 3:16

Se kikɛ nɛ ɔ, akɛnɛ o ngɛ kulɔkulɔ nɛ o be yluduu nɛ o be kɛlakɛla hulɔ he je ɔ, ma la mo ngɛ ye nya mi ngɔ pue he.