Kpojemi 3:12 - Somi He Ɔ

¹² Kunim yelɔ ɔ, ma ngɔ lɛ ngɔ pee Titima ngɛ ye Mawu ɔ sɔlemi tsu ɔ mi, nɛ e be kpo jee hu, nɛ ma ngma ye Mawu ɔ biɛ, kɛ ye Mawu ɔ ma nɛ ji Yerusalem he nɛ jee ye Mawu ngɔ ɔ biɛ, kɛ mi nitsɛ ye biɛ he ɔ ngɛ e nɔ.

BAIBLO ALOO NGMAMI KLƆUKLƆU Ɔ

¹² Nɔ nɛ maa ye kunimi ɔ, ma ngɔ lɛ ngɔ pee titima ngɛ ye Mawu ɔ sɔlemi we ɔ, nɛ e be lejɛ ɔ jee gblegbleegble. Ma ngma ye Mawu ɔ biɛ, kɛ ye Mawu ɔ ma, Yerusalem he ɔ biɛ ngɛ e he. Ma he nɛ ɔ maa je ye Mawu ɔ ngɔ ngɛ hiɔwe kɛ ba. Jehanɛ, ma ngma ye biɛ he ɔ hu ngɛ e he.

Kpojemi 3:12 ပူးပေါင်းရင်းမြစ်များ

Marko 12:16

Nɛ a kɛ ba. Nɛ e bi mɛ ke: “Mɛnɔ foni ji nɛ ɔ, nɛ mɛnɔ biɛ a ngma ngɛ nɔ ɔ?” A de lɛ ke: “Kaisare nɔ ʼi.”

Galatabi 2:9

Benɛ a yo dloomi nɛ a kɛ ha mi ɔ, Yakobo kɛ Kefa kɛ Yohane nɛ a buu mɛ kaa titimahi ɔ, kɛ huɛ bɔmi hiɛ ɔ nine sa i kɛ Barnaba dɛ, konɛ wɔɔ lɛɛ waa ya majeli ɔmɛ a ngɔ nɛ mɛɛ lɛɛ a ya nɔ poli ɔmɛ a kpɛti;

Efesobi 3:15

nɔ mi nɛ nɔ tsuaa nɔ nɛ ngɛ hiɔwe kɛ zugba a nɔ ɔ naa e biɛ nitsɛ ɔ,

Hebribi 12:22

Se mohu, Zion yoku ɔ he nyɛ ba, kɛ Mawu hɛ kalɔ ma nɛ ji hiɔwe Yerusalem ɔ, kɛ hiɔwe bɔfohi akpe akpehi abɔ,

Hebribi 13:14

Ejakaa wa be ma nɛ ngɛ daa ngɛ hiɛ ɔ, se ma nɛ maa ba a mohu se blɔ wa ngɛ hlae.

1 Yohane 4:4

Bimɛ tsɔwi, nyɛɛ lɛɛ nyɛ je Mawu mi, nɛ nyɛ ye lakpa gbali ɔmɛ a nɔ kunimi; ejakaa mumi nɛ ngɛ nyɛ mi ɔ kle pe mumi nɛ ngɛ je ɔ mi ɔ.

Kpojemi 14:1

Kɛkɛ nɛ i hyɛ, nɛ oʼɛ, Tobi ɔ daa si ngɛ Zion yoku ɔ nɔ, nɛ nimli akpe lafa nyingmi eywiɛ kɛ eywiɛ nɛ a ngma e biɛ kɛ e Tsɛ biɛ ngɛ a hɛ nya a piɛ e he.

Kpojemi 17:14

Ni nɛ ɔmɛ kɛ Tobi ɔ maa huw ta, nɛ Tobi ɔ maa ye a nɔ, ejakaa lɛ ji nyɔmtsɛmɛ a Nyɔmtsɛ kɛ matsɛmɛ a Matsɛ, nɛ nihi nɛ a kɛ lɛ ngɛ ɔ ji ninɛmɛ nɛ a tsɛ kɛ ninɛmɛ nɛ a hia kɛ ninɛmɛ nɛ heɔ yeɔ ɔ.”

Kpojemi 2:11

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Kunimi yelɔ ɔ, a be lɛ nɔ ko yaya ko pee ngɛ gbenɔ nɛ ji enyɔ ɔ mi.”

Kpojemi 2:17

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Nɔ nɛ yeɔ kunimi ɔ, ma ha lɛ mana nɛ a kɛ laa a eko nɛ e ye, nɛ ma ha lɛ tɛ hiɔ, nɛ tɛ ɔ nɔ ɔ, a ngma biɛ he nɛ nɔ ko li ja nɔ nɛ naa a.”

Kpojemi 2:7

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Nɔ nɛ yeɔ kunimi ɔ, ma ha lɛ wami tso ɔ nɛ ngɛ ye Mawu ɔ Paradeiso ɔ mi ɔ nɔ yiblii ɔ eko nɛ e ye.”

Kpojemi 21:2

Nɛ imi Yohane i na ma klɔuklɔu ɔ nɛ ji Yerusalem he ɔ je Mawu ngɔ ngɛ hiɔwe kɛ ngɛ si kplee, nɛ a dla lɛ kaa ayɛflo nɛ a wo lɛ ni ha e huno.

Kpojemi 22:4

nɛ a maa na e hɛ mi, nɛ e biɛ ɔ maa hi a hɛ nya.

Kpojemi 3:5

Kunimi yelɔ ɔ, a maa wo lɛ tade hiɔ, nɛ i be e biɛ gbee ngɛ wami womi ɔ mi gblegbleegblee, nɛ ma wo e biɛ ta ngɛ Tsaatsɛ hɛ mi kɛ e bɔfo ɔmɛ a hɛ mi.