Kpojemi 3:10 - Somi He Ɔ

¹⁰ Ejakaa o ye ye munyu nɛ deɔ ke o to o tsui si ɔ nɔ he je ɔ, ma baa o yi ngɛ ka ngmlɛfia nɛ maa ba je mluku ɔ kulaa nɔ nɛ a kɛ maa ka nihi nɛ ngɛ zugba a nɔ ɔ mi.

BAIBLO ALOO NGMAMI KLƆUKLƆU Ɔ

¹⁰ I wo mo mlaa ke o to o tsui si ngɛ nɔ́ nami mi; nɛ o ye nɔ. Enɛ ɔ he je ɔ, amanehlu nguaa a nɛ ma je ɔ tsuo nɔ ɔ, ke be ɔ su ɔ, imi hu ma ha nɛ o maa ye o he. Ee, a kɛ amanehlu nɛ ɔ maa ka nihi tsuo ngɛ je ɔ mi.

Kpojemi 3:10 ပူးပေါင်းရင်းမြစ်များ

Mateo 24:14

Nɛ a maa fiɛ matsɛ yemi ɔ Sane Kpakpa nɔ ngɔ tsɔɔ je ɔ tsuo, nɛ a kɛ ye majemaje ɔ tsuo odase; nɛ kɔlɔ ɔ loko nyagbe ɔ maa ba.”

Mateo 26:41

Nyɛɛ fɔ nyɔ nɛ nyɛɛ sɔle, konɛ nyɛ ko sɛ ka mi; mumi ɔ ngɛ kplɛɛ e mohu, se he lo ɔ gbede.”

Mateo 6:13

Nɛ o kɛ wɔ ko ya kami mi se je wɔ kɛ je nɔ yayami ɔ dɛ mi.’

Marko 14:9

Niinɛ, i ngɛ nyɛ dee ke: He tsuaa he nɛ a maa fiɛ Sane Kpakpa a ngɛ, ngɛ je ɔ mi tsuo ɔ, a maa sɛɛ nɔ́ nɛ yo nɛ ɔ pee nɛ ɔ hu kɛ ma kai lɛ.”

Luka 2:1

Jamɛ a be ɔ mi ɔ, e ba mi kaa hiɔngɔ ko je Kaisare Augusto ngɔ ba ke a kane je ɔ tsuo nɛ a ngma.

Yohane 17:6

“I je o biɛ ɔ si ngɔ tsɔɔ nimli nɛ o ngɔ kɛ je je ɔ mi ha mi ɔ. O nihi ji mɛ, nɛ o ngɔ mɛ ngɔ ha mi, nɛ a ye o munyu ɔ nɔ.

Romabi 1:8

Kekleekle ɔ, i ngɛ Yesu Kristo nɔ gue kɛ ngɛ ye Mawu ɔ si nae ngɛ nyɛ kulaa nyɛ he, ejakaa a gbaa nyɛ hemi kɛ yemi ɔ he sane ngɛ je ɔ mi tsuo.

1 Korintobi 10:13

Ka ko bɛ nyɛ nɔ nɛ pi nɔmlɔ he nɔ́; se anɔkualetsɛ ji Mawu, nɔ nɛ be hae nɛ a ka nyɛ pe bɔ nɛ nyɛ ma nyɛ, se mohu e kɛ ka a nɔuu maa je blɔ ha nyɛ nɛ nyɛɛ je mi hulɔ, konɛ nyɛ nyɛ nya nɛ nyɛɛ da.

Efesobi 6:13

Lɔ ɔ he ɔ, nyɛɛ hɛɛ Mawu ta hwumi ni ɔmɛ kulaa mi konɛ nyɛ nyɛ ligbi yaya a nya nɛ nyɛɛ da, nɛ benɛ nyɛ gbe kulaa nya a nɛ nyɛ nyɛ si nɛ nyɛɛ da.

2 Timoteo 2:12

Ke wa mia wa hɛ mi ngɛ nɔ nami mi ɔ, waa kɛ lɛ maa ye matsɛ hulɔ; Ke wa kpa ngɛ e se ɔ, lɛ hu e ma kpa ngɛ wa se.

Yakobo 3:12

Mamimɛ, anɛ ngmɔkɔ tso ma nyɛ nu tso yiblii maa wo, aloo wai tso maa wo ngmɔkɔ? Ja nɔuu kɛ́ ngo nyu ko be nyu mua nyɛe maa pee.

1 Petro 4:12

Suɔli, nyɛ ko ha amanehlu la nɛ a kɛ ngɛ nyɛ kae ɔ nɛ pee nyɛ sane slɔɔto ko, kaa nɔ nɛ nɔ́ ko slɔɔto ko lɛ ngɛ nyɛ pee ɔ,

2 Petro 2:9

Lɔ ɔ he ɔ, Nyɔmtsɛ ɔ le bɔ nɛ e peɔ nɛ e jeɔ dali ngɛ ka mi, kɛ bɔ nɛ e peɔ nɛ e haa nimli yayamihi hii piimi mi kɛ maa su kojomi ligbi ɔ nɔ,

Kpojemi 1:9

Imi Yohane nɛ ji nyɛ nyɛmi kɛ nyɛ huɛ ngɛ Yesu Kristo amanehlu ɔ kɛ e matsɛ yemi ɔ kɛ e tsui si tomi ɔ mi ɔ, i ngɛ zugba kpɔ nɛ wo bɔle lɛ nɛ a tsɛɛ lɛ Patmo ɔ nɔ ngɛ Mawu munyu ɔ kɛ Yesu Kristo he odase yemi he.

Kpojemi 11:10

Nɛ nihi nɛ ngɛ zugba a nɔ ɔ ma nya ngɛ a gbenɔ ɔ he, nɛ a mi mi maa flii mɛ, nɛ a maa ke a he nihi, ejakaa kikɛmɛ a gbali enyɔ nɛ ɔmɛ hao ninɛmɛ nɛ ngɛ zugba a nɔ ɔ.

Kpojemi 13:10

Ke a to nɔ ko kɛ ha nyɔguɛ yemi ɔ, nyɔguɛ yemi mi e maa ya; ke nɔ ko kɛ klaate gbe nɔ ɔ, ja a kɛ klaate gbe lɛ. Hiɛ ɔ klɔuklɔu bi ɔmɛ a tsuisitomi kɛ hemi kɛ yemi ɔ ngɛ.”

Kpojemi 13:14

Nɛ e kɛ nyakpɛ nihi nɛ e na he blɔ kaa e pee ngɛ lohwe ɔ hɛ mi ɔ sisiɔ ninɛmɛ nɛ ngɛ zugba a nɔ ɔ, nɛ e deɔ nihi nɛ ngɛ zugba a nɔ ɔ ke, a pee amaga ngɔ ha lohwe ɔ nɛ a kɛ klaate plaa lɛ nɛ e hɛ ngɛ ɔ.

Kpojemi 13:8

Nɛ nihi kulaa nɛ ngɛ zugba a nɔ ɔ ma ja lɛ, nihi nɛ a ngmɛ́ a biɛ ngɛ Tobi nɛ a gbe ɔ wami womi ɔ mi kɛ je je mi sisije ɔ.

Kpojemi 14:12

Hiɛ ɔ klɔuklɔu bi ɔmɛ nɛ yeɔ Mawu kita amɛ kɛ Yesu nɔ hemi kɛ yemi ɔ nɔ ɔ a tsui si tomi ɔ ngɛ.

Kpojemi 14:6

Kɛkɛ nɛ i na hiɔwe bɔfo kpa ko nɛ e ngɛ tee ngɛ kɔɔhiɔ mi, nɛ e hɛɛ neneene Sane Kpakpa nɛ e yaa jaje ngɔ tsɔɔ nihi nɛ ngɛ zugba a nɔ kɛ je ma tsuaa je ma kɛ wɛtso tsuaa wɛtso kɛ mahi a nɔ gbi slɔɔtohi kɛ ma tsuaa ma a, nɛ e kɛ gbi ngua de ke:

Kpojemi 16:14

ejakaa mumi yayamihi a mumi ji mɛ, nɛ a peɔ nyakpɛ nihi, nɛ a yaa matsɛmɛ nɛ ngɛ je mluku ɔ kulaa mi ɔ ngɔ, konɛ a ya bua a nya kɛ ya Mawu Ope ɔ ligbi ngua a nɔ ta a.

Kpojemi 17:2

nɔ nɛ zugba a nɔ matsɛmɛ ɔmɛ kɛ bɔ ajuama, nɛ nihi nɛ ngɛ zugba a nɔ ɔ de da kɛ e ajuama bɔmi da a.”

Kpojemi 17:8

Lohwe ɔ nɛ o na a hi si hyɛ, se e be hu. E maa je muɔ voo ɔ mi kɛ je kpo kɛ ba be kɛ ho hɛ mi kpatami mi ya; nɛ nihi nɛ a ngɛ zugba a nɔ nɛ a ngmɛ́ a biɛ ngɛ wami womi ɔ mi kɛ je je mi sisije ɔ nya maa kpɛ a he, ke a na lohwe ɔ nɛ hi si hyɛ nɛ e be hu nɛ e maa ba a.

Kpojemi 2:10

Koo ye amanehlu nɛ o maa na eko eko gbeye, oʼɛ, abosiami maa ngɔ nyɛ ti ni komɛ ngɔ wo tsu mi, kone a kɛ ka nyɛ, nɛ nyɛ maa na amanehlu ligbi nyɔngma. Pee anɔkualetsɛ kɛ ya su gbenɔ mi, nɛ ma ha mo wami jlasi ɔ.

Kpojemi 3:8

I le o ni tsumi ɔmɛ; nɛ oʼɛ, i bi sinya ngɔ fɔ si ngɛ o hɛ kpɛ, nɛ nɔ ko be nyɛe ma nga, ejakaa he wami bɔɔ ngɛ, se o ye ye munyu ɔ nɔ, nɛ o kua we ye biɛ ɔ.

Kpojemi 6:10

nɛ a kpa ngmlaa wawɛɛ ke: “Nyɔmtsɛ Klɔuklɔu kɛ Anɔkuayelɔ, mɛni be o maa kojo nɛ o maa gbla nihi nɛ ngɛ zugba a nɔ nɛ gbe wɔ ɔmɛ a tue?”

Kpojemi 8:13

Nɛ i na, nɛ i nu kɔle ko he nɛ ngɛ tee ngɛ hiɔwe, nɛ e kɛ gbi wawɛɛ ngɛ dee ke: “Musu tloo, musu tloo, musu tloo nihi nɛ ngɛ zugba a nɔ,” benɛ hiɔwe bɔfohi etɛ nɛ piɛ ɔ ma kpa a titimati ɔmɛ ɔ.