Kpojemi 22:7 - Somi He Ɔ

⁷ “Oʼɛ i ma nɔuu. A gbaa nɔ nɛ kɛ kikɛmɛ a womi nɛ mi gbami munyu ɔmɛ toɔ ɔ.”

BAIBLO ALOO NGMAMI KLƆUKLƆU Ɔ

⁷ Yesu ke, “Hyɛ! I ma nɔuu! A gbaa nɔ nɛ pɛtɛɔ munyuhi nɛ a gba ngɔ to nɛ ngɛ womi nɛ ɔ mi ɔ he!”

Kpojemi 22:7 ပူးပေါင်းရင်းမြစ်များ

Kpojemi 1:11

nɛ de mi ke: “Ngmaa nɔ́ nɛ o ngɛ nae ɔ ngɔ wo womi mi, nɛ o kɛ mane asafohi kpaago nɛ ngɛ Efeso, kɛ Smirna, kɛ Pergami, kɛ Tiatira kɛ Sarde, kɛ kɛ Filadelfia, kɛ Laodikea a.

Kpojemi 1:3

A gbaa nɔ nɛ kaneɔ ɔ kɛ nihi nɛ nuɔ gbami munyu ɔmɛ ɔ, kɛ nihi nɛ ngɔɔ nihi nɛ a ngma ngɛ mi ɔ ngɔ toɔ ɔ, ejakaa be ɔ su ta.

Kpojemi 16:15

“Oʼɛ i ma kaa juɔ. A gbaa nɔ nɛ huɔɔ nɛ e hyɛɛ e tade ɔmɛ a nɔ saminya a, konɛ e ko nyɛɛ he gu nɛ e zo ba je kpo.”

Kpojemi 2:16

Lɔ ɔ he ɔ tsakee o tsui; se ke pi ja a, ma ba o ngɔ mla, nɛ i kɛ ye nya mi hiɔ́ ɔ kɛ mɛ ma ba hwu ta.

Kpojemi 22:12

“Oʼɛ, i ma nɔuu, nɛ i hɛɛ ye hiɔwo ɔ kɛ ma, nɛ ma wo nɔ tsuaa nɔ hiɔ ngɛ e ni tsumi ɔ nya.

Kpojemi 22:18

Imi Yohane i ngɛ nɔ tsuaa nɔ nɛ nuɔ kikɛmɛ a womi nɛ mi gbami munyu ɔmɛ kɔkɔ bɔe ke: Ke nɔ ko kɛ nɔ́ ko piɛ ni nɛ ɔmɛ a he ɔ, Mawu maa ngɔ haomihi nɛ a ngma ngɛ womi nɛ mi ɔ ngɔ piɛ he ngɔ ha lɛ.

Kpojemi 22:19

Nɛ ke nɔ ko je nɔ́ ko kɛ je kikɛmɛ a gbami womi nɛ mi munyu ɔmɛ a mi ɔ, Mawu ma je e blɔ nya kɛ maa je wami tso ɔ yiblii ɔ yemi kɛ ma klɔuklɔu ɔ kɛ nihi nɛ a ngma ngɛ womi nɛ mi ɔ mi.

Kpojemi 22:20

Nɔ nɛ yeɔ kikɛmɛ a ni nɛ ɔmɛ a he odase ɔ ngɛ dee ke: “Ee, i ma nɔuu.” Amen. Ee, ba, Mawetsɛ Yesu!

Kpojemi 22:21

Wa Nyɔmtsɛ Yesu Kristo dloomi ɔ kɛ nyɛ tsuo nɛ hi si! Amen.

Kpojemi 3:11

Oʼɛ, i ma oya; pɛtɛ nɔ nɛ o ngɛ ɔ he nɛ wa, konɛ nɔ ko ko kpɔ o jlasi ɔ!

Kpojemi 3:3

Lɔɔ he ɔ kaii nɔ́ nɛ a tsɔɔ mo kɛ bɔ nɛ o nu ɔ nɛ o kɛ to, nɛ o tsake o tsui. Se jehanɛ ke o hɛ tsɛ́ ɔ, ma tua mo kaa juɔ, nɛ o be lee ngmlɛfia nɔ nɛ ma ba a kulaa.