Kpojemi 22:19 - Somi He Ɔ

¹⁹ Nɛ ke nɔ ko je nɔ́ ko kɛ je kikɛmɛ a gbami womi nɛ mi munyu ɔmɛ a mi ɔ, Mawu ma je e blɔ nya kɛ maa je wami tso ɔ yiblii ɔ yemi kɛ ma klɔuklɔu ɔ kɛ nihi nɛ a ngma ngɛ womi nɛ mi ɔ mi.

BAIBLO ALOO NGMAMI KLƆUKLƆU Ɔ

¹⁹ Mo nɔ nɛ o ma je munyuhi nɛ a gba ngɔ to, nɛ a ngma ngɔ wo womi nɛ ɔ mi ɔ eko kɛ je mi ɔ, ní kpakpahi nɛ a wo si ngɛ womi nɛ ɔ mi ɔ, Mawu ma je o blɔ fa mi nɔ́ kɛ je mi. O blɔ nya kaa o maa ye tso nɛ haa nɔ wami ɔ yiblii ɔ eko, nɛ o maa hi ma klɔuklɔu ɔ mi ɔ, Mawu ma kpɔ ngɛ o dɛ.

Kpojemi 22:19 ပူးပေါင်းရင်းမြစ်များ

Luka 11:52

“Musu tloo nyɛ, mlaa tsɔɔli, ejakaa nyɛ ngɔ ni lemi ɔ nya safe ɔ kɛ je! Nyɛ nitsɛmɛ ɔ nyɛ sɛ we mi, nɛ nihi nɛ hlaa kaa a maa sɛ mi ɔ hu nyɛ tsiɔ mɛ blɔ.”

Kpojemi 1:3

A gbaa nɔ nɛ kaneɔ ɔ kɛ nihi nɛ nuɔ gbami munyu ɔmɛ ɔ, kɛ nihi nɛ ngɔɔ nihi nɛ a ngma ngɛ mi ɔ ngɔ toɔ ɔ, ejakaa be ɔ su ta.

Kpojemi 11:2

se kpo nɛ ngɛ sɔlemi tsu ɔ agbo ɔ nya a, si kɔlɔ ɔ, nɛ o ko kale, ejakaa a kɛ ha majemaje li ɔmɛ konɛ a naa ma klɔuklɔu ɔ nɔ hlami nyingmi eywiɛ kɛ enyɔ.

Kpojemi 13:8

Nɛ nihi kulaa nɛ ngɛ zugba a nɔ ɔ ma ja lɛ, nihi nɛ a ngmɛ́ a biɛ ngɛ Tobi nɛ a gbe ɔ wami womi ɔ mi kɛ je je mi sisije ɔ.

Kpojemi 14:13

Nɛ i nu gbi kɛ je hiɔwe ngɛ dee ke: “Ngmaa: A gbaa ni gbogboehi nɛ gboɔ ngɛ Nyɔmtsɛ ɔ mi ɔ, kɛ je mwɔnɛ kɛ yaa nɛ ɔ. Ee, Mumi ɔ ke, konɛ a jɔɔ a he kɛ je a haomi ɔmɛ a mi; se a ni tsumi ɔmɛ nyɛɛ a se.”

Kpojemi 2:11

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Kunimi yelɔ ɔ, a be lɛ nɔ ko yaya ko pee ngɛ gbenɔ nɛ ji enyɔ ɔ mi.”

Kpojemi 2:26

Nɛ kunimi yelɔ ɔ kɛ nɔ nɛ hɛɔ ye ni tsumi ɔmɛ a mi kɛ ya suu nyagbe ɔ, ma ha lɛ he wami ngɛ je ma amɛ a nɔ,

Kpojemi 2:7

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Nɔ nɛ yeɔ kunimi ɔ, ma ha lɛ wami tso ɔ nɛ ngɛ ye Mawu ɔ Paradeiso ɔ mi ɔ nɔ yiblii ɔ eko nɛ e ye.”

Kpojemi 21:2

Nɛ imi Yohane i na ma klɔuklɔu ɔ nɛ ji Yerusalem he ɔ je Mawu ngɔ ngɛ hiɔwe kɛ ngɛ si kplee, nɛ a dla lɛ kaa ayɛflo nɛ a wo lɛ ni ha e huno.

Kpojemi 21:5

Kɛkɛ nɛ nɔ nɛ hii si ngɛ matsɛ sɛ ɔ nɔ ɔ de ke: “Oʼɛ, i ngɛ nihi kulaa ehe pee.” Nɛ e de mi ke: “Ngmaa, ejakaa kikɛmɛ a munyuhi nɛ ɔmɛ ji munyuhi nitsɛ nɛ maa si kpɛii.

Kpojemi 22:12

“Oʼɛ, i ma nɔuu, nɛ i hɛɛ ye hiɔwo ɔ kɛ ma, nɛ ma wo nɔ tsuaa nɔ hiɔ ngɛ e ni tsumi ɔ nya.

Kpojemi 22:2

nɛ ma a kpɛti kɛ pa a tue hiɛ ɔ kɛ hiɛ ɔ kulaa a wami tso ɔ maa si, nɛ e woɔ yiblii si nyɔngma kɛ enyɔ, hlami tsuaa hlami ɔ, e woɔ yiblii si kake, nɛ tso ɔ yi ba amɛ ɔ, a kɛ tsaa je ma amɛ.

Kpojemi 22:7

“Oʼɛ i ma nɔuu. A gbaa nɔ nɛ kɛ kikɛmɛ a womi nɛ mi gbami munyu ɔmɛ toɔ ɔ.”

Kpojemi 3:12

Kunim yelɔ ɔ, ma ngɔ lɛ ngɔ pee Titima ngɛ ye Mawu ɔ sɔlemi tsu ɔ mi, nɛ e be kpo jee hu, nɛ ma ngma ye Mawu ɔ biɛ, kɛ ye Mawu ɔ ma nɛ ji Yerusalem he nɛ jee ye Mawu ngɔ ɔ biɛ, kɛ mi nitsɛ ye biɛ he ɔ ngɛ e nɔ.

Kpojemi 3:21

Kunimi yelɔ ɔ, ma ha lɛ blɔ nɛ e kɛ mi nɛ hi ye matsɛ sɛ ɔ nɔ, kaa bɔ nɛ imi hu i ye kunimi nɛ i kɛ Tsaatsɛ hii si ngɛ e matsɛ sɛ ɔ nɔ ɔ.