Kpojemi 22:11 - Somi He Ɔ

¹¹ Nɔ nɛ dɛ ɔ, ha e ya nɔ nɛ e pee nihi nɛ dɛ ɔ; nɛ nɔ nɛ ji mutsɛ ɔ, ha e ya nɔ nɛ e wo e he mu; nɛ nɔ nɛ ji dalɔ ɔ, ha e ya nɔ nɛ e tsu dami ni ɔmɛ; nɛ nɔ nɛ ji nɔ klɔuklɔu ɔ, ha e ya nɔ nɛ e hi klɔuklɔu.”

BAIBLO ALOO NGMAMI KLƆUKLƆU Ɔ

¹¹ Lɔ ɔ he ɔ, yayami peelɔ ɔ, e ya nɔ nɛ e pee yayami; mutsɛ ɔ, e ya nɔ nɛ e wo e he mu; nɔmlɔ kpakpa a, e ya nɔ nɛ e pee kpakpa, nɛ nɔ nɛ ngɛ klɔuklɔu ɔ, e ya nɔ nɛ e pee e he klɔuklɔu.”

Kpojemi 22:11 ပူးပေါင်းရင်းမြစ်များ

Mateo 15:14

Nyɛ ko di a se! Hɛ yuyuili nɛ tsɔɔ hɛ yuyuili a blɔ ji mɛ; nɛ ke hɛ yuyuilɔ ngɛ hɛ yuyuilɔ blɔ tsɔe ɔ, mɛ ni enyɔ ɔ tsuo a maa nɔ muɔ mi.”

Mateo 21:19

Nɛ e na ngmɔkɔ tso ko ngɛ blɔ ɔ he, nɛ e gba kɛ ya he, se e nɛ nɔ́ ko ngɛ nɔ kaa ja bahi kɛkɛ; nɛ e de ngmɔkɔ tso ɔ ke: “Kɛ je be nɛ ɔ kɛ yaa a, o be yiblii ko woe gblegblee hu!” Nɛ ngmɔkɔ tso ɔ ngla amlɔ ɔ nɔuu.

Mateo 25:10

Se benɛ, a ho hemi ya a, ayɛflo huno ɔ ba, nɛ ninɛmɛ nɛ dla a he to lɛ ɔ kɛ lɛ ho yo kpeemi he ɔ ya, nɛ a nga sinya a.

Mateo 5:45

enɛ ɔ ma ha nyɛ ma plɛ nyɛ tsɛ nɛ ngɛ hiɔwe ɔ bimɛ, ejakaa e haa e pu jee ngɛ nimli yayamihi kɛ nimli kpakpahi a nɔ, nɛ e haa hiɔmi nɛɛ haa dali kɛ yayami peeli.

Mateo 5:6

“A gbaa ninɛmɛ nɛ a suɔmi nya ni ji kaa a pee nɔ nɛ Mawu suɔ ɔ: se Mawu ma ha a maa to kɛ bua jɔmi.

Yohane 8:21

Kɛkɛ nɛ Yesu kpale de mɛ ekohu ke: “Imi lɛɛ i yaa, se nyɛ ma hla mi, nɛ nyɛ he yayami mi nyɛ ma gbo ngɛ. He nɛ i yaa a, nyɛ be lejɛ ɔ nyɛe maa ba.”

Efesobi 5:27

konɛ e ngɔ lɛ ngɔ da si ha lɛ nitsɛ e he kaa hɛ mi nyami asafo nɛ he be piami ko loo hɛ mi kuami ko loo jamɛ a nɔ́ ko, se mohu e pee klɔuklɔu nɛ piami ko ko hi e he.

Kolosebi 1:22

jehanɛ, e kɛ e he lo nɔmlɔ tso ɔ gu gbenɔ mi kɛ kpata ha nyɛ, konɛ e kɛ nyɛ nɛ da si kaa ni klɔuklɔuhi nɛ he be piami ko loo nya pomi ko ngɛ e hɛ mi.

2 Timoteo 3:13

Se nimli yayamihi kɛ sisili maa ya hɛ mi ngɛ yayami peemi mi; a sisiɔ nihi, nɛ mɛ hu a sisiɔ mɛ.

Yuda 1:24

Lɛ, nɔ nɛ e ngɛ he wami nɛ e kɛ maa bu nyɛhe nɛ nyɛ ko tɛ si, nɛ e kɛ nyɛ ya da e nyami ɔ hɛ mi nɛ piami ko ko hi nyɛ he ngɛ bua jɔmi mi ɔ,

Kpojemi 16:21

Nɛ gbiɛ ngo ngu loo hiɔmi tɛ babauu nɛ kake jiɔmi maa pee sɛni mi tɛ jiɔmi pau lafa nɛ kɛ je hiɔwe ba pue nimli a nɔ; nɛ nimli ɔmɛ tu musu bɔmi munyuhi kɛ si Mawu ngɛ gbiɛ ngo ngu ɔmɛ a haomi ɔ he, ejakaaa a haomi ɔ nya wa tsɔ.

Kpojemi 22:3

Nɛ musu ko musu ko be lejɛ ɔ hu. Mawu kɛ Tobi ɔ matsɛ sɛ ɔ maa ma si ngɛ e mi, nɛ e sɔmɔli ɔmɛ ma sɔmɔ lɛ,