Kpojemi 22:10 - Somi He Ɔ

¹⁰ Nɛ e de mi ke: “Koo sɔu kikɛmɛ a womi nɛ mi gbami munyu ɔmɛ a nya, ejakaa be ɔ su.

BAIBLO ALOO NGMAMI KLƆUKLƆU Ɔ

¹⁰ Bɔfo ɔ ya nɔ nɛ e de mi ke, “Koo sɔu munyuhi nɛ a gba ngɔ to, nɛ ngɛ womi nɛ ɔ mi ɔ nya, ejakaa be ɔ su.

Kpojemi 22:10 ပူးပေါင်းရင်းမြစ်များ

Mateo 10:27

Nɔ́ nɛ i ngɛ nyɛ dee ngɛ diblii mi ɔ, nyɛ de ngɛ la hɛ mi; nɛ nɔ́ nɛ i woɔ nyɛ tue mi nɛ i deɔ nyɛ ɔ, nyɛɛ fiɛ ngɛ tsuhi a yi mi.

Romabi 13:11

Enɛ ɔ se ɔ wa le be ɔ kaa jeha nɛ ngmlɛfia nɛ waa kɛ maa te si kɛ je mahɛ mi ɔ su; ejakaa jeha nɛ wa yi wami hemi ɔ na wɔ pe kekle benɛ wa he ye ɔ.

Romabi 13:12

Nyɔ ɔ be ta, na je nami na wɔ. Lɔ ɔ he ɔ nyɛ ha nɛ waa ngmɛɛ diblii mi ni tsumi ɔmɛ a he, nɛ waa wo la ta hwumi ni ɔmɛ.

2 Tesalonikabi 2:3

Nyɛ ko ha nɔ ko nɛ e sisi nyɛ ngɛ blɔ ko blɔ ko nɔ, ejakaa ja Mawu jami kuami ɔ ba lolo, nɛ a je dikalɔ nɛ ji hɛ mi kpatami bi ɔ kpo,

1 Petro 4:7

Nihi tsuo a nyagbe ɔ su ta; lɔ ɔ he ɔ, nyɛ juɛmi mi nɛ tsɔ nɛ nyɛ hɛ nɛ ka si kɛ ha sɔlemi.

Kpojemi 1:11

nɛ de mi ke: “Ngmaa nɔ́ nɛ o ngɛ nae ɔ ngɔ wo womi mi, nɛ o kɛ mane asafohi kpaago nɛ ngɛ Efeso, kɛ Smirna, kɛ Pergami, kɛ Tiatira kɛ Sarde, kɛ kɛ Filadelfia, kɛ Laodikea a.

Kpojemi 1:3

A gbaa nɔ nɛ kaneɔ ɔ kɛ nihi nɛ nuɔ gbami munyu ɔmɛ ɔ, kɛ nihi nɛ ngɔɔ nihi nɛ a ngma ngɛ mi ɔ ngɔ toɔ ɔ, ejakaa be ɔ su ta.

Kpojemi 10:4

Benɛ hiɔwe simi kpaago ɔ wo a gbi mi ɔ, jinɛ i miɔ nɛ ma ngma; nɛ i nu gbi ko nɛ je hiɔwe de mi ke: “Sɔuu nihi nɛ hiɔwe simi kpaago ɔ de ɔ nya, nɛ o ko ngma.”

Kpojemi 22:16

“Imi Yesu, i tsɔ ye bɔfo ɔ konɛ e ba ye ni nɛ ɔmɛ a he odase ngɔ tsɔɔ ngɛ asafo ɔmɛ a mi. Ami ji David sipoku ɔ kɛ e nina a, nɔkɔ nɛ ngɛ kpee ɔ.”

Kpojemi 22:18

Imi Yohane i ngɛ nɔ tsuaa nɔ nɛ nuɔ kikɛmɛ a womi nɛ mi gbami munyu ɔmɛ kɔkɔ bɔe ke: Ke nɔ ko kɛ nɔ́ ko piɛ ni nɛ ɔmɛ a he ɔ, Mawu maa ngɔ haomihi nɛ a ngma ngɛ womi nɛ mi ɔ ngɔ piɛ he ngɔ ha lɛ.

Kpojemi 22:20

Nɔ nɛ yeɔ kikɛmɛ a ni nɛ ɔmɛ a he odase ɔ ngɛ dee ke: “Ee, i ma nɔuu.” Amen. Ee, ba, Mawetsɛ Yesu!

Kpojemi 22:7

“Oʼɛ i ma nɔuu. A gbaa nɔ nɛ kɛ kikɛmɛ a womi nɛ mi gbami munyu ɔmɛ toɔ ɔ.”

Kpojemi 22:9

Nɛ e de mi ke: “Koo pee! ejakaa o nyɛmi sɔmɔlɔ kɛ gbali kɛ nihi nɛ toɔ kikɛmɛ a womi nɛ mi munyu ɔmɛ a kpɛti nɔ ko ji mi; ja Mawu mohu!”

Kpojemi 5:1

I na womi kpo ko ngɛ nɔ nɛ hii si ngɛ matsɛ sɛ ɔ nɔ ɔ hiɛ ɔ nɔ, nɛ a ngma ni ngɛ e mi kɛ e se tsuo, nɛ a sɔu nya kɛ nya sɔumi ni kpaago.