Kpojemi 22:1 - Somi He Ɔ

¹ Nɛ hiɔwe bɔfo ɔ tsɔɔ mi wami nyu pa klɔuu nɛ mi tsɔ kaa kristalo ahuhuɛ nɛ ngɛ Mawu kɛ Tobi ɔ matsɛ sɛ ɔ mi jee kɛ ngɛ ma a gbejegbɛ ɔ mi gue,

BAIBLO ALOO NGMAMI KLƆUKLƆU Ɔ

¹ Jehanɛ ɔ, bɔfo ɔ tsɔɔ mi pa kɛ e mi nyu nɛ haa nɔ wami ɔ; e mi tsɔ keikei kaa ahuhuɛ. Pa a hia kɛ je Mawu, kɛ To bi ɔ matsɛ sɛ ɔ he

Kpojemi 22:1 ပူးပေါင်းရင်းမြစ်များ

Yohane 13:32

Ke a wo Mawu hɛ mi nyami ngɛ e mi ɔ, Mawu hu maa wo e hɛ mi nyami ngɛ lɛ nitsɛ e mi, nɛ e maa wo e hɛ mi nyami oya.

Yohane 15:26

“Se Hepiɛlɔ ɔ, nɛ ma tsɔ lɛ nyɛ ngɔ kɛ je Tsɛ ɔ ngɔ ɔ, nɔ nɛ ji anɔkuale Mumi ɔ nɛ jee Tsɛ ɔ ngɔ baa a, lɛ nɛ ke e ba a, e maa ye ye he odase;

Yohane 4:14

se nɔ nɛ nuu nyu nɛ imi ma ha lɛ ɔ, kuma be lɛ yee gblee kɛ maa ya neneene; se mohu nyu nɛ ma ha lɛ ɔ ma plɛ nyu hɛngmɛ nɛ baa kɛ yaa neneene wami mi ngɛ e mi.”

Ni Tsumi 2:33

Jeha nɛ ɔ akɛnɛ a wo e nɔ kɛ ho Mawu hiɛ ɔ nine nɔ ya nɛ e na Mumi Klɔuklɔu ɔ he si womi ɔ kɛ je Tsɛ ɔ dɛ he je ɔ, e nɛ nɔ́ nɛ nyɛ ngɛ nae nɛ nyɛ ngɛ nue nɛ ɔ ngɔ pue si.

Kpojemi 1:1

Yesu Kristo kpo jemi nɛ Mawu ngɔ ha lɛ nɛ e kɛ tsɔɔ e sɔmɔli ɔmɛ nihi nɛ sa kaa e ba mi ngɛ be kpiti mi, nɛ e kɛ tsɔ e bɔfo ɔ nɛ e kɛ ba tsɔɔ e sɔmɔlɔ Yohane,

Kpojemi 21:11

nɛ ye hɛɛ Mawu hɛ mi nyami ɔ; nɛ e ngɛ kpee kaa tɛ nɛ he jua wa pe kulaa, kaa yaspi tɛ nɛ mi tsɔ kaa kristalo ahuhuɛ.

Kpojemi 21:6

Nɛ e de mi ke: “A gbe nya. Ami ji Alfa a kɛ Omega a nɛ, sisije ɔ kɛ nyagbe ɔ. Nɔ nɛ kuma ngɛ lɛ tɔe ɔ, ma ha lɛ wami nyu vu ɔ mi nyu ɔ eko nɛ e nu yaka gu.

Kpojemi 21:9

Nɛ hiɔwe bɔfohi kpaago nɛ hɛɛ tsinesa kpaago nɛ hyi tɔtɔɔtɔ kɛ nyagbe haomi kpaago ɔ a kpɛti nɔ kake ba ye ngɔ nɛ e kɛ mi ba tu munyu ke: “Ba, nɛ ma tsɔɔ mo ayɛflo ɔ nɛ ji Tobi ɔ yo ɔ.”

Kpojemi 22:17

Mumi ɔ kɛ Ayɛflo ɔ ke: “Ba!” Nɛ nɔ nɛ nuɔ ɔ, e de ke: “Ba!” Nɔ nɛ kuma ngɛ lɛ tɔe ɔ, e ba, nɛ nɔ nɛ suɔ ɔ, e ba nɛ e ba yɛ wami nyu ɔ yaka gu.

Kpojemi 22:6

Kɛkɛ nɛ hiɔwe bɔfo ɔ de mi ke: “Anɔkuale munyu nɛ maa si pim ji nɛ ɔ nɛ. Nyɔmtsɛ ɔ nɛ ji gbali ɔmɛ a mumi ɔmɛ a Mawu ɔ tsɔ e bɔfo ɔ konɛ e ba tsɔɔ e sɔmɔli nihi nɛ sa kaa a ba nɔuu ɔ.”

Kpojemi 3:21

Kunimi yelɔ ɔ, ma ha lɛ blɔ nɛ e kɛ mi nɛ hi ye matsɛ sɛ ɔ nɔ, kaa bɔ nɛ imi hu i ye kunimi nɛ i kɛ Tsaatsɛ hii si ngɛ e matsɛ sɛ ɔ nɔ ɔ.

Kpojemi 5:13

Nɛ i nu kaa bɔ ni ɔmɛ kulaa nɛ ngɛ hiɔwe kɛ zugba a nɔ kɛ zugba a sisi kɛ wo hɛ mi kɛ nihi kulaa nɛ ngɛ a mi ɔ ke: “A ngɔ gbaami kɛ agboje kɛ hɛ mi nyami Kɛ nɔ yemi ngɔ ha nɔ nɛ hii si ngɛ matsɛ sɛ ɔ nɔ Kɛ Tobi ɔ kɛ je neneene kɛ ya neneene!”

Kpojemi 5:6

Nɛ i hyɛ nɛ oʼɛ, matsɛ sɛ ɔ kɛ hɛ kali eywiɛ ɔmɛ a kpɛti, kɛ nikɔtɔmahi nyingmi enyɔ kɛ eywiɛ ɔmɛ a kpɛti ɔ, Tobi ko daa si kaa nɔ nɛ a gbe lɛ, nɛ e ngɛ koli kpaago kɛ hɛngmɛ kpaago nɛ ji Mawu mumi kpaago ɔ nɛ a tsɔ kɛ ya zugba a tsuo nɔ ɔ.

Kpojemi 7:17

ejakaa Tobi ɔ nɛ ngɛ matsɛ sɛ ɔ kpɛti ɔ maa lɛ mɛ, nɛ e maa tsɔɔ mɛ blɔ kɛ maa ya wami nyu vuhi a he, nɛ Mawu ma tsu a hɛ mi vo nyu kulaa.