Kpojemi 21:9 - Somi He Ɔ

⁹ Nɛ hiɔwe bɔfohi kpaago nɛ hɛɛ tsinesa kpaago nɛ hyi tɔtɔɔtɔ kɛ nyagbe haomi kpaago ɔ a kpɛti nɔ kake ba ye ngɔ nɛ e kɛ mi ba tu munyu ke: “Ba, nɛ ma tsɔɔ mo ayɛflo ɔ nɛ ji Tobi ɔ yo ɔ.”

BAIBLO ALOO NGMAMI KLƆUKLƆU Ɔ

⁹ Jehanɛ ɔ, bɔfo kpaago ɔmɛ nɛ hɛɛ kplu kpaago ɔmɛ nɛ nyagbe haomi kpaago ɔmɛ hyi mɛ tɔtɔɔtɔ ɔ, a ti nɔ kake ba ye ngɔ, nɛ e ba de mi ke, “Ba nɛ ma tsɔɔ mo ayɛflo ɔ nɛ ji To bi ɔ yo ɔ.”

Kpojemi 21:9 ပူးပေါင်းရင်းမြစ်များ

Kpojemi 1:1

Yesu Kristo kpo jemi nɛ Mawu ngɔ ha lɛ nɛ e kɛ tsɔɔ e sɔmɔli ɔmɛ nihi nɛ sa kaa e ba mi ngɛ be kpiti mi, nɛ e kɛ tsɔ e bɔfo ɔ nɛ e kɛ ba tsɔɔ e sɔmɔlɔ Yohane,

Kpojemi 17:1

Kɛkɛ nɛ hiɔwe bɔfohi kpaago ɔ nɛ a hɛɛ tsinesa kpaago ɔmɛ a ti nɔ kake ba nɛ e kɛ mi ba tu munyu ke: “Ba nɛ ma tsɔɔ mo ajuama kpanaaku ɔ nɛ hii si ngɛ nyu babauu ɔ nɔ ɔ kojomi ɔ,

Kpojemi 19:7

Nyɛ ha wa bua nɛ jɔ nɛ wa mi nɛ flii wɔ nɛ waa wo e hɛ mi nyami; ejakaa Tobi ɔ yokpeemi ɔ su, nɛ e yo ɔ dla e he ngɔ to.

Kpojemi 21:17

Nɛ e kale e gli ɔ nɛ e pee nane kami lafa enyɔ kɛ nyɔngma kɛ ekpa ngɛ nɔmlɔ kalemi nɔ́ nɛ bɔfo ɔ hɛɛ ɔ nya.

Kpojemi 21:2

Nɛ imi Yohane i na ma klɔuklɔu ɔ nɛ ji Yerusalem he ɔ je Mawu ngɔ ngɛ hiɔwe kɛ ngɛ si kplee, nɛ a dla lɛ kaa ayɛflo nɛ a wo lɛ ni ha e huno.

Kpojemi 22:1

Nɛ hiɔwe bɔfo ɔ tsɔɔ mi wami nyu pa klɔuu nɛ mi tsɔ kaa kristalo ahuhuɛ nɛ ngɛ Mawu kɛ Tobi ɔ matsɛ sɛ ɔ mi jee kɛ ngɛ ma a gbejegbɛ ɔ mi gue,

Kpojemi 22:17

Mumi ɔ kɛ Ayɛflo ɔ ke: “Ba!” Nɛ nɔ nɛ nuɔ ɔ, e de ke: “Ba!” Nɔ nɛ kuma ngɛ lɛ tɔe ɔ, e ba, nɛ nɔ nɛ suɔ ɔ, e ba nɛ e ba yɛ wami nyu ɔ yaka gu.

Kpojemi 22:6

Kɛkɛ nɛ hiɔwe bɔfo ɔ de mi ke: “Anɔkuale munyu nɛ maa si pim ji nɛ ɔ nɛ. Nyɔmtsɛ ɔ nɛ ji gbali ɔmɛ a mumi ɔmɛ a Mawu ɔ tsɔ e bɔfo ɔ konɛ e ba tsɔɔ e sɔmɔli nihi nɛ sa kaa a ba nɔuu ɔ.”