Kpojemi 21:8 - Somi He Ɔ

⁸ Se ninɛmɛ nɛ ji sfɔli kɛ ninɛmɛ nɛ he we yi kɛ nihi nɛ peɔ ninyɛ nihi kɛ awi yeli kɛ ya holi kɛ nyuali kɛ wɔ jali kɛ lakpatsɛmɛ kulaa a, a ma na a blɔ nya ngɛ taku ɔ nɛ ngɛ tsoe kɛ la gligliigli ɔ mi, nɔ́ nɛ ji gbenɔ nɛ ji enyɔ ɔ.”

BAIBLO ALOO NGMAMI KLƆUKLƆU Ɔ

⁸ Se fɔ̃li, nihi nɛ he we yi, nihi nɛ peeɔ níhi nɛ a hiee, nɔmlɔ gbeli, yaholi, nyuali, wɔ jali, kɛ lakpatsɛmɛ tsuo lɛɛ he nɛ fɔɔ si ha mɛ ji taku kɛ e mi la nɛ ngɛ tsoe gegeege ɔ. Lɔ ɔ ji gbenɔ enyɔne ɔ nɛ.”

Kpojemi 21:8 ပူးပေါင်းရင်းမြစ်များ

Mateo 10:28

Nɛ nyɛ ko ye ninɛmɛ nɛ gbee nɔmlɔ tso ɔ nɛ a nyɛ we klaa a nɛ a gbe ɔ gbeye; se mohu nyɛɛ ye nɔ nɛ nyɛɛ klaa a kɛ nɔmlɔ tso ɔ tsuo hɛ mi kpataa ngɛ gehena mi ɔ gbeye.

Mateo 25:25

nɛ lɔ ɔ ha i ye gbeye, nɛ i ho nɛ i ya pu o talenta a ngɛ zugba mi; ne o ni.’

Mateo 8:26

Nɛ e de mɛ ke: “Mɛni he je nyɛ ngɛ gbeye yee kikɛ, nyɛ nɛ nyɛ hemi kɛ yemi pi?” Kɛkɛ nɛ e te se nɛ e ke kɔɔhiɔ ɔ kɛ wo ɔ yi nɛ a ngmɛ dii.

Marko 9:44

he nɛ ‘a gɔgɔ ɔmɛ gbo we, nɛ a la a hu gbo we ngɛ’ ɔ.]

Yohane 8:44

Nyɛɛ lɛɛ, nyɛ tsɛ nɛ nyɛ je e mi ji abosiami, nɛ nyɛ tsɛ ɔ tsui nya ni nyɛ suɔ kaa nyɛɛ pee. Lɛɛ nɔ gbelɔ ji lɛ kɛ je blema, nɛ e hi si ngɛ anɔkuale ɔ mi, ejakaa anɔkuale be e mi. Ke e ngɛ lakpa yee ɔ, lɛ nitsɛ e nihi a he munyu e tuɔ, ejakaa lakpatsɛ kɛ nya ngɔli a tsɛ ji lɛ.

2 Tesalonikabi 2:9

Dikalɔ ɔ maa be kɛ Satan ni tsumi nɛ mi wa ngɛ lakpa he wami kɛ okadihi kɛ nyakpɛ nihi tsuo mi,

1 Timoteo 4:2

ngɛ nya ngɔli a sato peemi mi, nihi nɛ a he nile gbo kaa nɔ nɛ a sã kɛ dade kɛ la,

Tito 1:16

A deɔ ke a le Mawu, se a kɛ a ni tsumihi kuaa lɛ, nɛ a ji musutsɛmɛ, kɛ tue gboli, nihi nɛ hi ha ni tsumi kpakpa ko kulaa.

Hebribi 12:24

kɛ Yesu nɛ ji somi he midalɔ ɔ, kɛ muɔ nɛ a kɛ fia nɛ tuɔ munyu kpakpa pe Habel nɔ ɔ ngɔ.

Hebribi 13:4

A wo gba hɛ mi nyami ngɛ nyɛ kulaa nyɛ kpɛti, nɛ a ko ble gba sa a hulɔ; se ajuama bɔli kɛ gba puɛli ɔmɛ ɔ, Mawu maa kojo mɛ.

1 Yohane 2:22

Lɛɛ mɛnɔ ji lakpatsɛ? Lɛ ji nɔ nɛ deɔ ke pi Yesu ji Kristo ɔ. Nɔ nɛ kuaa Tsɛ ɔ kɛ Bi ɔ, lɛ ji lakpa kristo ɔ nɛ.

1 Yohane 3:15

Nɔ tsuaa nɔ nɛ nyɛɛ e nyɛmi ɔ, nɔmlɔ gbelɔ ji lɛ; nɛ nyɛ le kaa nɔmlɔ gbelɔ ko nɔmlɔ gbelɔ ko be neneene wami ngɛ e mi.

1 Yohane 5:10

Lɔ ɔ he ɔ, nɔ nɛ heɔ Mawu Bi ɔ nɔ yeɔ ɔ, e ngɛ odase ngɛ lɛ nitsɛ e tsui mi; se nɔ nɛ he we Mawu yi ɔ, ha e plɛ lakpatsɛ, ejakaa e he we odase nɛ Mawu ye ngɛ e Bi ɔ he ɔ yi.

Kpojemi 14:10

lɛ hu e maa nu Mawu cmi mi fumi da nɛ a tsa we mi nɛ ngɛ e mi mi fumi kplu ɔ mi ɔ eko, nɛ a ma pii lɛ ngɛ la gligliigli ɔ mi ngɛ hiɔwe bɔfo klɔuklɔu ɔmɛ a hɛ mi kɛ Tobi ɔ hɛ mi.

Kpojemi 19:20

Nɛ a nu lohwe ɔ kɛ lakpa gbalɔ ɔ nɛ pee nyakpɛ nihi ngɛ e hɛ mi nɛ e kɛ sisi nihi nɛ he lohwe ɔ okadi ɔ kɛ nihi nɛ jaa e maga a. A ngɔ ni enyɔ nɛ ɔmɛ kulaa hɛ ngmengmle ngɔ wo la taku nɛ ngɛ tsoe gligliigli ɔ mi.

Kpojemi 2:11

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Kunimi yelɔ ɔ, a be lɛ nɔ ko yaya ko pee ngɛ gbenɔ nɛ ji enyɔ ɔ mi.”

Kpojemi 2:2

I le o ni tsumi ɔmɛ kɛ o dengme gbomi ɔ, kɛ o tsui si tomi ɔ, kɛ bɔ nɛ o kplɛɛ we nimli yayami ɔmɛ a ni peepee ɔmɛ a nɔ, se ɛo ka nihi nɛ deɔ ke bɔfohi ji mɛ se a pi ja a, nɛ o na kaa lakpatsɛmɛ ji mɛ.

Kpojemi 21:27

Nɛ nɔ́ ko nɛ he tsɔ we kɛ nɔ nɛ peɔ ninyɛ nihi kɛ nɔ nɛ yeɔ lakpa be mi sɛe kulaa, kaa ja ninɛmɛ nɛ a ngma a biɛ ngɛ Tobi ɔ wami womi ɔ mi ɔ?

Kpojemi 22:15

Se ma a se ɔ, gbe ɔmɛ kɛ nyuali ɔmɛ kɛ ya holi ɔmɛ kɛ awi yeli ɔmɛ kɛ amaga jali ɔmɛ kɛ nɔ tsuaa nɔ nɛ suɔ lakpa nɛ ngɔɔ nya a ngɛ lejɛ ɔ.

Kpojemi 9:17

Nɛ bɔ nɛ i na okpɔngɔ ɔmɛ kɛ a nɔ hili ɔmɛ ngɛ ni nami ɔ mi ji nɛ ɔ nɛ: A damahi nɛ a wo ɔ su ngɛ kaa la kɛ alamua yumu kɛ kungwɔ zɔ; nɛ okpɔngɔ ɔmɛ a yihi ngɛ kaa jatahi a yi, nɛ la kɛ lasuku kɛ suɔɔ ngɛ hiae kɛ ngɛ a nya mi jee.

Kpojemi 9:21

Jehanɛ hu, a tsake we a tsui kɛ ji a awi yemi kɛ a nyuami kɛ ajuama bɔmi kɛ a jumi ɔmɛ a mi.