Kpojemi 21:7 - Somi He Ɔ

⁷ Kunimi yelɔ ɔ maa pee kikɛmɛ a ni nɛ ɔmɛ kulaa yelɔ, nɛ ma pee e Mawu, nɛ lɛ hu e maa pee ye bi.

BAIBLO ALOO NGMAMI KLƆUKLƆU Ɔ

⁷ Nihi tsuo nɛ maa ye kunimi ɔ ma na nike ní nɛ ɔ kɛ maa je ye dɛ mi; ma pee a Mawu, nɛ mɛ hu a maa pee ye ma.

Kpojemi 21:7 ပူးပေါင်းရင်းမြစ်များ

Mateo 19:29

Nɛ nɔ tsuaa nɔ nɛ si wehi loo nyɛmimɛ nyumuhi loo nyɛmimɛ yihi loo tsɛ loo nyɛ loo bimɛ loo zugbahi ngɛ ye biɛ ɔ he ɔ, a maa ma lɛ nane mi totoe lafa, nɛ e ma na neneene wami.

Mateo 25:21

E nyɔmtsɛ ɔ de lɛ ke: ‘Ayekoo, sɔmɔlɔ kpakpa kɛ anɔkualetsɛ, o ye anɔkuale ngɛ nihi bɔɔ mi, ma ha o pee nihi fuu a nyatsɛ: sɛ o nyɔmtsɛ ɔ bua jɔmi ɔ mi.’

Mateo 25:34

Kɛkɛ nɛ matsɛ ɔ ma de nihi nɛ ngɛ e hiɛ ɔ nɔ ɔ ke: ‘Nyɛɛ ba, nyɛ nihi nɛ ye tsɛ gbaa nyɛ, nyɛ ba ngɔ matsɛ yemi ɔ nɛ a dla to nyɛ, kɛ je je mi sisije ɔ!

Marko 10:17

Nɛ benɛ e je kpo kɛ ma blɔ ɔ nɔ ɔ, nɔ ko sa fo kɛ ba na lɛ nɛ e ba kpla si ngɛ e hɛ mi, nɛ e bi lɛ ke: “Tsɔɔlɔ kpakpa, mɛni ma pee nɛ ma na neneene wami?”

Romabi 8:14

Ejakaa nihi abɔ nɛ Mawu Mumi ɔ kpakaa mɛ ɔ, mɛ ji Mawu bimɛ.

Romabi 8:19

Ejakaa adebɔ ni ɔmɛ a blɔ hyemi kpikpimaa a ngɛ Mawu bimɛ ɔmɛ wa kpo jemi ɔ mlɛe.

2 Korintobi 6:16

Nɛ jehanɛ hu, mɛni kake peemi Mawu sɔlemi we ɔ kɛ amagahi ngɛ? Ejakaa Mawu hɛ kalɔ ɔ sɔlemi tsu ji nyɛ, kaa bɔ nɛ Mawu de ke: “Ma hi a mi, nɛ ma nyɛɛ a kpɛti, Nɛ ma pee a Mawu, nɛ mɛ hu a maa pee ye ma.”

2 Korintobi 6:18

Nɛ ma pee nyɛ tsɛ, Nɛ nyɛ hu nyɛ maa pee ye bimɛ nyumuhi kɛ ye bimɛ yihi, Bɔ nɛ Nyɔmtsɛ, ope ɔ, de ha ji nɛ ɔ nɛ.”

Hebribi 8:10

Ejakaa enɛ ɔ ji somi nɛ i kɛ Israel we ɔ maa so Ngɛ jamɛ a ligbi ɔmɛ a se ɔ nɛ, Nyɔmtsɛ ɔ de ke: I kɛ ye mlaahi maa wo a juɛmi mi, Nɛ ma ngma ngɔ wo a tsui mi, Nɛ ma pee a Mawu Nɛ mɛ hu a maa pee ye ma.

1 Petro 3:9

Nyɛɛ kɛ yayami ko ma yayami nane mi aloo jɛmi ngɛ jɛmi nane mi, se mohu nyɛɛ gbaa, ejakaa nyɛ le kaa enɛ ɔ he nɛ a tsɛ nyɛ, konɛ nyɛ nine nɛ su gbaami ɔ nɔ.

Kpojemi 2:11

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Kunimi yelɔ ɔ, a be lɛ nɔ ko yaya ko pee ngɛ gbenɔ nɛ ji enyɔ ɔ mi.”

Kpojemi 2:17

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Nɔ nɛ yeɔ kunimi ɔ, ma ha lɛ mana nɛ a kɛ laa a eko nɛ e ye, nɛ ma ha lɛ tɛ hiɔ, nɛ tɛ ɔ nɔ ɔ, a ngma biɛ he nɛ nɔ ko li ja nɔ nɛ naa a.”

Kpojemi 2:25

Se nɔ́ nɛ nyɛ ngɛ ɔ nyɛɛ hɛɛ mi ka ya su be nɛ ma ba.

Kpojemi 2:7

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Nɔ nɛ yeɔ kunimi ɔ, ma ha lɛ wami tso ɔ nɛ ngɛ ye Mawu ɔ Paradeiso ɔ mi ɔ nɔ yiblii ɔ eko nɛ e ye.”

Kpojemi 21:3

Nɛ i nu gbi ngua ko je matsɛ sɛ ɔ mi de ke: “Oʼɛ Mawu bo tsu ɔ ngɛ nimli a kpɛti, nɛ e maa hi a kpɛti, nɛ a maa pee e ma, nɛ Mawu nitsɛ kɛ mɛ maa hi si, nɛ e maa pee a Mawu.