Kpojemi 21:6 - Somi He Ɔ

⁶ Nɛ e de mi ke: “A gbe nya. Ami ji Alfa a kɛ Omega a nɛ, sisije ɔ kɛ nyagbe ɔ. Nɔ nɛ kuma ngɛ lɛ tɔe ɔ, ma ha lɛ wami nyu vu ɔ mi nyu ɔ eko nɛ e nu yaka gu.

BAIBLO ALOO NGMAMI KLƆUKLƆU Ɔ

⁶ E ya nɔ nɛ e de mi ke, “A gbe nya! Imi ji kekleekle no kɛ nyagbe no, sisije kɛ nyagbe! Nɔ tsuaa nɔ nɛ kuma ngɛ lɛ yee ɔ, ma ha lɛ nyu nɛ je vu nɛ baa nyu nɛ haa nɔ wami ɔ mi nɛ e nu nɛ e be he hiɔ woe.

Kpojemi 21:6 ပူးပေါင်းရင်းမြစ်များ

Yohane 4:10

Yesu he nɔ nɛ e de lɛ ke: “Kaa o le Mawu nɔke nɔ́ ɔ kɛ nɔ nɛ ngɛ mo dee ke: ‘Ha mi eko ma nu’ ɔ, jinɛ mo mohu o maa ba lɛ nɛ e ha mo wami nyu.”

Yohane 4:11

Yo ɔ de lɛ ke: “Nyɔmtsɛ, o be nɔ́ nɛ o kɛ maa yɛ, nɛ vu ɔ hu mi kuɔ; jije o ma na wami nyu ɔ kɛ je mɔ?

Yohane 4:14

se nɔ nɛ nuu nyu nɛ imi ma ha lɛ ɔ, kuma be lɛ yee gblee kɛ maa ya neneene; se mohu nyu nɛ ma ha lɛ ɔ ma plɛ nyu hɛngmɛ nɛ baa kɛ yaa neneene wami mi ngɛ e mi.”

Romabi 3:24

nɛ a kɛ e dloomi ɔ woɔ mɛ nguɔ yaka kɛ guu kpɔmi nɛ ngɛ Kristo Yesu mi ɔ nɔ.

Romabi 8:32

Mawu nɛ kamaa we wɔ elɛ nitsɛ e Bi ɔ, se mohu e ngɔ lɛ ngɔ ha ngɛ wɔ tsuo wa nane mi ɔ, anɛ e be nihi tsuo kulaa ngɔe ngɔ piɛ e he kɛ ke wɔ lo?

1 Korintobi 2:12

Wɔɔ lɛɛ, pi je nɔ mi mumi ɔ nɛ wa na, se mohu mumi nɛ je Mawu mi ɔ, konɛ waa le nihi nɛ Mawu kɛ dloo wɔ ɔ.

1 Korintobi 3:12

Ke nɔ ko kɛ sika tsu, sika hiɔ, tɛ nɛ he jua wa, tsohi, nga loo go ma sisi tomi nɛ ɔ nɔ ɔ,

1 Korintobi 3:21

Lɔ ɔ he ɔ nɔ ko nɔ ko ko fia ngɔ fɔ nimli a nɔ: se nihi kulaa a nyɛ nɔ ʼi,

1 Korintobi 3:5

Jeha nɛ Apolo ji mɛnɔ? Paulo ji mɛnɔ? Mɛ ji sɔmɔli nɛ nyɛ gu a nɔ he ye, nɛ nɔ tsuaa nɔ ɔ, bɔ nɛ Nyɔmtsɛ ɔ kɛ ha lɛ ɔ.

Kpojemi 1:11

nɛ de mi ke: “Ngmaa nɔ́ nɛ o ngɛ nae ɔ ngɔ wo womi mi, nɛ o kɛ mane asafohi kpaago nɛ ngɛ Efeso, kɛ Smirna, kɛ Pergami, kɛ Tiatira kɛ Sarde, kɛ kɛ Filadelfia, kɛ Laodikea a.

Kpojemi 1:17

Nɛ benɛ i na lɛ ɔ, i nɔ si ngɛ e nane nyɛ kaa nɔ gbogboe; nɛ e kɛ e hiɛ ɔ nine fɔ ye nɔ, nɛ e de mi ke: “Koo ye gbeye; ami ji kekleekle nɔ ɔ kɛ nyagbe nɔ ɔ,

Kpojemi 1:8

Nyɔmtsɛ Mawu ɔ nɛ ji nɔ nɛ ngɛ ɔ, kɛ nɔ nɛ hi si sa a, kɛ nɔ nɛ maa ba, nɛ ji ope ɔ, ke: “Ami ji Alfa a kɛ Omega a” (kekleekle nɔ kɛ nyagbe nɔ).

Kpojemi 10:6

nɛ e tsɛ nɔ nɛ hɛ ngɛ kɛ je neneene kɛ yaa neneene nɛ bɔ hiɔwe kɛ nihi nɛ ngɛ mi ɔ kɛ zugba kɛ nihi nɛ ngɛ mi ɔ kɛ wo kɛ nihi nɛ ngɛ mi ɔ nɛ e kɛ ka kita ke: “Be ko be ko be hu!

Kpojemi 16:17

Nɛ hiɔwe bɔfo nɛ ji kpaago ɔ plɛ e tsinesa a mi ni ɔmɛ ngɔ wo kɔɔhiɔ mi; nɛ gbi ngua ko je hiɔwe sɔlemi tsu ɔ mi kɛ je matɛ sɛ ɔ mi de ke: “A gbe nya!”

Kpojemi 22:13

Ami ji Alfa a kɛ omega a nɛ, sisije ɔ kɛ nyagbe ɔ, kekleekle nɔ ɔ kɛ nyagbe nɔ ɔ.”

Kpojemi 22:17

Mumi ɔ kɛ Ayɛflo ɔ ke: “Ba!” Nɛ nɔ nɛ nuɔ ɔ, e de ke: “Ba!” Nɔ nɛ kuma ngɛ lɛ tɔe ɔ, e ba, nɛ nɔ nɛ suɔ ɔ, e ba nɛ e ba yɛ wami nyu ɔ yaka gu.

Kpojemi 3:14

“Nɛ Laodikea asafo ɔ bɔfo ɔ, ngmaa ya ha lɛ ke: “Nihi nɛ Amen ɔ nɛ ji odase yelɔ anɔkualetsɛ ɔ kɛ anɔkua leyelɔ ɔ kɛ Mawu adebɔ ɔ sisije ɔ de ji nɛɔ nɛ:

Kpojemi 7:17

ejakaa Tobi ɔ nɛ ngɛ matsɛ sɛ ɔ kpɛti ɔ maa lɛ mɛ, nɛ e maa tsɔɔ mɛ blɔ kɛ maa ya wami nyu vuhi a he, nɛ Mawu ma tsu a hɛ mi vo nyu kulaa.