Kpojemi 21:22 - Somi He Ɔ

²² I nɛ sɔlemi tsu ko ngɛ ma a mi, ejakaa Nyɔmtsɛ Mawu Ope ɔ kɛ Tobi ɔ ji e sɔlemi tsu.

BAIBLO ALOO NGMAMI KLƆUKLƆU Ɔ

²² I nɛ sɔlemi we ko ngɛ ma a mi. Nyɔmtsɛ Mawu Ope ɔ, kɛ To bi ɔ ji e sɔlemi we.

Kpojemi 21:22 ပူးပေါင်းရင်းမြစ်များ

Mateo 24:2

Se Yesu de mɛ ke: “Tse nyɛ ngɛ ni nɛ ɔmɛ tsuo hyɛe? Niinɛ, i ngɛ nyɛ dee ke: A be tɛ kake sie ngɛ eko nɔ ngɛ hiɛ ɔ nɛ a be kpae ngɔ bu si.”

Yohane 10:30

Imi kɛ Tsaatsɛ tsuo ɔ, kake ʼi.”

Yohane 13:32

Ke a wo Mawu hɛ mi nyami ngɛ e mi ɔ, Mawu hu maa wo e hɛ mi nyami ngɛ lɛ nitsɛ e mi, nɛ e maa wo e hɛ mi nyami oya.

Yohane 4:21

Yesu de lɛ ke: “Maa, he mi ngɔ ye kaa ngmlɛfia a ma nɛ pi yoku nɛ ɔ nɔ, nɛ pohu pi Yerusalem nɛ nyɛ ma ja Tsɛ ɔ ngɛ.

Yohane 4:23

Se ngmlɛfia a ma nɛ e su momo benɛ anɔkuale jali ɔmɛ ma ja Tsɛ ɔ ngɛ mumi kɛ anɔkuale mi, ejakaa nihi nɛ jaa lɛ kikɛ ɔ Tsɛ ɔ hu ngɛ hlae.

Kolosebi 1:19

Ejakaa e sa Mawu hɛ mi kaa fuu hyimi kulaa nɛ hi e mi;

Kolosebi 2:9

Ejakaa e mi Mawu fuu hyimi ɔ kulaa hii ngɛ nɔmlɔ tso su mi;

Kpojemi 1:8

Nyɔmtsɛ Mawu ɔ nɛ ji nɔ nɛ ngɛ ɔ, kɛ nɔ nɛ hi si sa a, kɛ nɔ nɛ maa ba, nɛ ji ope ɔ, ke: “Ami ji Alfa a kɛ Omega a” (kekleekle nɔ kɛ nyagbe nɔ).

Kpojemi 11:17

de ke: “Wa naa mo si, mo Nyɔmtsɛ Mawu Ope, Mo nɔ nɛ o ngɛ nɛ o hi si ɔ, Kaa o ngɔ o he wami kpetekpleenyɛ ɔ Nɛ o bɔni matsɛyemi,

Kpojemi 14:4

Nimli nɛ ɔmɛ ji nihi nɛ kɛ yihi ble we a he, ejakaa nihewi nɛ ngɔɛ yihi ji mɛ, nɛ a nyɛɛ Tobi ɔ se kɛ yaa he tsuaa he nɛ e yaa a. Nimli nɛ ɔmɛ ji nihi nɛ a kpɔ kɛ je nimli a kpɛti nɛ a plɛ kekleekle yiblii ha Nyɔmtsɛ ɔ kɛ Tobi ɔ.

Kpojemi 15:3

Nɛ a la Mawu tsɔlɔ Mose la a kɛ Tobi ɔ la a ke: “Nyɔmtsɛ Mawu Ope, O ni tsumi ɔmɛ kle, nɛ a ngɛ nyakpɛ! Mo je ma amɛ a nɔ matsɛ, O blɔ ɔmɛ da, nɛ anɔkuale ji mɛ.

Kpojemi 16:14

ejakaa mumi yayamihi a mumi ji mɛ, nɛ a peɔ nyakpɛ nihi, nɛ a yaa matsɛmɛ nɛ ngɛ je mluku ɔ kulaa mi ɔ ngɔ, konɛ a ya bua a nya kɛ ya Mawu Ope ɔ ligbi ngua a nɔ ta a.

Kpojemi 16:7

Kɛkɛ nɛ i nu nɛ bɔ sami latɛ ɔ ngɛ dee ke: “Ee, Nyɔmtsɛ Mawu Ope, anɔkuale kɛ dami ji o kojomi ɔmɛ ɔ nɛ.”

Kpojemi 19:15

Nɛ klaate nɛ nya ba ngɛ e nya mi jee konɛ e kɛ kɔlɔ ɔ nɛ fia majeli a bimɛ ɔmɛ ni; nɛ e kɛ dade tso nɛ kpaka mɛ. Nɛ lɛ nɔuu e maa naa Mawu Ope ɔ mi mi fumi nɛ nya wa a wai ngami nɔ ɔ nɔ.

Kpojemi 4:8

Nɛ hɛkali eywiɛ ɔmɛ a ti nɔ tsuaa nɔ ngɛ ple ekpa ekpa, nɛ a he kɛ a mi tsuo hyi tɔtɔɔtɔ kɛ hɛngmɛ sɔuu, nɛ a jɔɔ we lami nyɔ kɛ pia ke: “Klɔuklɔu, klɔuklɔu, klɔuklɔu ji Nyɔmtsɛ Mawu Ope, Nɔ nɛ ngɛ sa a, kɛ nɔ nɛ ngɛ ɔ, kɛ nɔ nɛ maa ba a.”

Kpojemi 5:6

Nɛ i hyɛ nɛ oʼɛ, matsɛ sɛ ɔ kɛ hɛ kali eywiɛ ɔmɛ a kpɛti, kɛ nikɔtɔmahi nyingmi enyɔ kɛ eywiɛ ɔmɛ a kpɛti ɔ, Tobi ko daa si kaa nɔ nɛ a gbe lɛ, nɛ e ngɛ koli kpaago kɛ hɛngmɛ kpaago nɛ ji Mawu mumi kpaago ɔ nɛ a tsɔ kɛ ya zugba a tsuo nɔ ɔ.

Kpojemi 7:15

Lɔ ɔ he nɛ a ngɛ Mawu matsɛ sɛ ɔ hɛ mi, nɛ a jaa lɛ nyɔ kɛ pia ngɛ se sɔlemi tsu ɔ mi ɔ nɛ; nɛ nɔ nɛ hii si ngɛ matsɛ sɛ ɔ nɔ ɔ maa ma e bo tsu ɔ ngɔ to anɔ.

Kpojemi 7:17

ejakaa Tobi ɔ nɛ ngɛ matsɛ sɛ ɔ kpɛti ɔ maa lɛ mɛ, nɛ e maa tsɔɔ mɛ blɔ kɛ maa ya wami nyu vuhi a he, nɛ Mawu ma tsu a hɛ mi vo nyu kulaa.