Kpojemi 21:21 - Somi He Ɔ

²¹ Nɛ agbohi nyɔngma kɛ enyɔ ɔ, adiagba nyɔngma kɛ enyɔ ʼi, nɛ agbo kake ɔ adiagba kake a kɛ pee. Nɛ ma a mi blɔ ɔ sika tsu nitsɛ ʼi, nɛ e mi tsɔ kaa ahuhuɛ.

BAIBLO ALOO NGMAMI KLƆUKLƆU Ɔ

²¹ Agbo nyɔngma kɛ enyɔ ɔmɛ ɔ, adiagba nyɔngma kɛ enyɔ sɔuu, agbo tsuaa agbo ɔ, adiagba kake a kɛ pee. Gbɛjegbɛ nɛ ngɛ ma a mi ɔ, sika tsu ngmingmiingmi a kɛ pee; e mi tsɔ keikei kaa ahuhuɛ.

Kpojemi 21:21 ပူးပေါင်းရင်းမြစ်များ

Kpojemi 21:18

Nɛ nɔ́ nɛ a kɛ fia e gli ɔ ji yaspi tɛ, nɛ ma a sika tsu nɛ ngɛ kaa ahuhuɛ nɛ hɛ mi tsɔ ʼi.

Kpojemi 17:4

Nɛ yo ɔ wo tade nɛ hɛɛ alamua yumu su kɛ tade nɛ tsuɔ kaa muɔ, nɛ a kɛ sika kɛ tɛ nɛ he jua wa kɛ adiagba wo lɛ, nɛ e hɛɛ sika kplu nɛ hyi tɔ kɛ e ajuama bɔmi ɔ mi ninye nihi kɛ mu ni ɔmɛ ngɛ e dɛ mi;

Kpojemi 22:2

nɛ ma a kpɛti kɛ pa a tue hiɛ ɔ kɛ hiɛ ɔ kulaa a wami tso ɔ maa si, nɛ e woɔ yiblii si nyɔngma kɛ enyɔ, hlami tsuaa hlami ɔ, e woɔ yiblii si kake, nɛ tso ɔ yi ba amɛ ɔ, a kɛ tsaa je ma amɛ.

Kpojemi 18:16

nɛ a ma de ke: “Musu tloo, musu tloo ma kpetekpleenyɛ ɔ nɛ buɔ kploba nɛ ngɛ fɛu kɛ bo nɛ ngɛ kaa alamua yumu kɛ bo nɛ tsuɔ tsutsuutsu, nɛ dlaa e he kɛ sika tsu kɛ tɛhi nɛ a he jua wa kɛ adiagba a; ejakaa ngmlɛfia kake pɛ mi ɔ kikɛmɛ a ni babauu nɛ ɔ kulaa plɛ ma doku.”

Kpojemi 4:6

Nɛ nɔ́ ko kaa ahuhuɛ wo nɛ hɛ mi tsɔ kaa kristolo ngɛ matsɛ sɛ ɔ hɛ mi, nɛ hɛ kali eywiɛ nɛ hɛngmɛhi hyi a hɛ mi kɛ a se tɔtɔɔtɔ ngɛ matsɛ sɛ ɔ kpɛti kɛ e he kulaa.

Kpojemi 21:15

Nɛ nɔ nɛ kɛ mi tu munyu ɔ hɛɛ sika tsu glã kalemi tso konɛ e kɛ kale ma a kɛ e gbo ɔmɛ kɛ e he gli ɔ.