Kpojemi 21:2 - Somi He Ɔ

² Nɛ imi Yohane i na ma klɔuklɔu ɔ nɛ ji Yerusalem he ɔ je Mawu ngɔ ngɛ hiɔwe kɛ ngɛ si kplee, nɛ a dla lɛ kaa ayɛflo nɛ a wo lɛ ni ha e huno.

BAIBLO ALOO NGMAMI KLƆUKLƆU Ɔ

² Kɛkɛ nɛ i na ma klɔuklɔu ɔ, Yerusalem ma he ɔ nɛ je Mawu ngɔ ngɛ hiɔwe kɛ ma zugba. A dla e he ha lɛ kaa ayɛflo nɛ a wo lɛ ní ta nɛ a kɛ lɛ yaa ha e huno.

Kpojemi 21:2 ပူးပေါင်းရင်းမြစ်များ

Yohane 3:29

Nɔ nɛ nɔ́ ji ayɛflo ɔ, lɛ ji ayɛflo huno; se ayɛflo huno ɔ huɛ nɛ daa si ngɛ lɛ tue bue ɔ, nya e nyaa ngɛ ayɛflo huno ɔ gbi he. Lɔ ɔ he ɔ ye kikɛmɛ a nyami nɛ ɔ ba mi.

2 Korintobi 11:2

Ejakaa i jee nyɛ he hunga haa Mawu; ejakaa i bi nyɛ si ha Kristo, konɛ ma ngɔ zangmayo nɛ he tsɔ ya ha nyumu kake.

Hebribi 11:10

ejakaa Abraham ngɛ ma nɛ ngɛ sisi tomi nɛ he wa nɛ e tolɔ kɛ e malɔ ji Mawu ɔ blɔ hyɛe.

Hebribi 11:16

Se jehanɛ, a ngɛ ma ko nɛ hi pe lɔ ɔ nɛ ji hiɔwe nɔ ɔ hlae. Lɔ ɔ he ɔ, e pee we Mawu zo kaa a ma tsɛ lɛ a Mawu, ejakaa e dla ma ngɔ to mɛ.

Hebribi 12:22

Se mohu, Zion yoku ɔ he nyɛ ba, kɛ Mawu hɛ kalɔ ma nɛ ji hiɔwe Yerusalem ɔ, kɛ hiɔwe bɔfohi akpe akpehi abɔ,

Hebribi 13:14

Ejakaa wa be ma nɛ ngɛ daa ngɛ hiɛ ɔ, se ma nɛ maa ba a mohu se blɔ wa ngɛ hlae.

Kpojemi 1:1

Yesu Kristo kpo jemi nɛ Mawu ngɔ ha lɛ nɛ e kɛ tsɔɔ e sɔmɔli ɔmɛ nihi nɛ sa kaa e ba mi ngɛ be kpiti mi, nɛ e kɛ tsɔ e bɔfo ɔ nɛ e kɛ ba tsɔɔ e sɔmɔlɔ Yohane,

Kpojemi 1:4

Yohane ngma ya ha asafohi kpaago nɛ ngɛ Asia a: Dloomi kɛ he jɔmi ha nyɛ, kɛ je nɔ nɛ ngɛ ɔ, kɛ nɔ nɛ hi si sa a, kɛ nɔ nɛ maa ba a dɛ mi, nɛ kɛ je mumihi kpaago nɛ ngɛ e matsɛ sɛ ɔ hɛ mi ɔ ngɔ,

Kpojemi 1:9

Imi Yohane nɛ ji nyɛ nyɛmi kɛ nyɛ huɛ ngɛ Yesu Kristo amanehlu ɔ kɛ e matsɛ yemi ɔ kɛ e tsui si tomi ɔ mi ɔ, i ngɛ zugba kpɔ nɛ wo bɔle lɛ nɛ a tsɛɛ lɛ Patmo ɔ nɔ ngɛ Mawu munyu ɔ kɛ Yesu Kristo he odase yemi he.

Kpojemi 11:2

se kpo nɛ ngɛ sɔlemi tsu ɔ agbo ɔ nya a, si kɔlɔ ɔ, nɛ o ko kale, ejakaa a kɛ ha majemaje li ɔmɛ konɛ a naa ma klɔuklɔu ɔ nɔ hlami nyingmi eywiɛ kɛ enyɔ.

Kpojemi 21:10

Nɛ e ngɔ mi ngɛ mumi mi kɛ ho yoku ngua ko nɛ ya hiɔwe nɔ ya, nɛ e tsɔɔ mi ma ngua a nɛ ji Yerusalem klɔuklɔu ɔ nɛ je Mawu ngɔ ngɛ hiɔwe kɛ ngɛ si kplee,

Kpojemi 21:9

Nɛ hiɔwe bɔfohi kpaago nɛ hɛɛ tsinesa kpaago nɛ hyi tɔtɔɔtɔ kɛ nyagbe haomi kpaago ɔ a kpɛti nɔ kake ba ye ngɔ nɛ e kɛ mi ba tu munyu ke: “Ba, nɛ ma tsɔɔ mo ayɛflo ɔ nɛ ji Tobi ɔ yo ɔ.”

Kpojemi 22:17

Mumi ɔ kɛ Ayɛflo ɔ ke: “Ba!” Nɛ nɔ nɛ nuɔ ɔ, e de ke: “Ba!” Nɔ nɛ kuma ngɛ lɛ tɔe ɔ, e ba, nɛ nɔ nɛ suɔ ɔ, e ba nɛ e ba yɛ wami nyu ɔ yaka gu.

Kpojemi 22:19

Nɛ ke nɔ ko je nɔ́ ko kɛ je kikɛmɛ a gbami womi nɛ mi munyu ɔmɛ a mi ɔ, Mawu ma je e blɔ nya kɛ maa je wami tso ɔ yiblii ɔ yemi kɛ ma klɔuklɔu ɔ kɛ nihi nɛ a ngma ngɛ womi nɛ mi ɔ mi.

Kpojemi 3:12

Kunim yelɔ ɔ, ma ngɔ lɛ ngɔ pee Titima ngɛ ye Mawu ɔ sɔlemi tsu ɔ mi, nɛ e be kpo jee hu, nɛ ma ngma ye Mawu ɔ biɛ, kɛ ye Mawu ɔ ma nɛ ji Yerusalem he nɛ jee ye Mawu ngɔ ɔ biɛ, kɛ mi nitsɛ ye biɛ he ɔ ngɛ e nɔ.