Kpojemi 20:8 - Somi He Ɔ

⁸ nɛ e maa je kpo konɛ e ya sisi je mahi nɛ ngɛ zugba kɔ nya eywiɛ ɔmɛ a mi ɔ, Gog kɛ Magog, konɛ e bua a nya kɛ kpe nɛ a ya ta, nihi a hiemi nɛ ngɛ kaa wo nya zia a.

BAIBLO ALOO NGMAMI KLƆUKLƆU Ɔ

⁸ nɛ e ma ya sisi je ma amɛ nɛ gbɛ fĩa je ɔ mi tsuo ɔ. A tsɛɛ je ma nɛ ɔmɛ ke Gog, kɛ Magog. Satan ma bua mɛ tsuo a nya kɛ ba nɛ a ba hwu ta. A hiɛ babauu kaa wo nya zia.

Kpojemi 20:8 ပူးပေါင်းရင်းမြစ်များ

Kpojemi 16:14

ejakaa mumi yayamihi a mumi ji mɛ, nɛ a peɔ nyakpɛ nihi, nɛ a yaa matsɛmɛ nɛ ngɛ je mluku ɔ kulaa mi ɔ ngɔ, konɛ a ya bua a nya kɛ ya Mawu Ope ɔ ligbi ngua a nɔ ta a.

Kpojemi 20:10

Nɛ Abosiami ɔ nɛ sisi mɛ ɔ, a ngɔ lɛ ngɔ wo la gligliigli taku ɔ mi, he nɛ lohwe ɔ kɛ lakpa gbalɔ ɔ hu ngɛ ɔ, nɛ a ma pii mɛ nyɔ kɛ pia kɛ maa ya neneene kɛ neneene.

Kpojemi 20:3

nɛ e ngɔ lɛ ngɔ wo muɔ voo ɔ mi, nɛ e nga e yi nɛ e sɔu nya, konɛ e ko sisi je mi ma amɛ hu kɛ yaa su be nɛ a maa gbe jeha akpe ɔ nya. Lɔ ɔ se ɔ ja a pɛne lɛ be bɔɔ ko.

Hebribi 11:12

Lɔ ɔ he hulɔ nɛ a je nɔ kake nɛ ngɛ kaa nɔ nɛ gbo mo ɔ mi nɛ a fɔ nihi nɛ hiɛ babauu kaa hiɔwe dodoehi loo wo nya zia nɛ a be nyɛe maa kane ɔ nɛ.

Kpojemi 7:1

Enɛ ɔ se ɔ, i na hiɔwe bɔfohi eywiɛ nɛ a daa si ngɛ zugba kɔ nya eywiɛ ɔmɛ a nɔ, nɛ a hɛɛ zugba a nɔ kɔɔhiɔ eywiɛ ɔ mi, konɛ kɔɔhiɔ ɔ ko fia ngɛ zugba a nɔ loo wo nɔ loo tso ko nɔ.

Kpojemi 12:9

Nɛ a sake sinɔ ngua kpetekpleenyɛ ɔ, nɔ nɛ ji blema sinɔ ɔ nɛ a tsɛɛ lɛ Nyapolɔ loo Abosiami nɛ sisiɔ je mluku ɔ tsuo ɔ, ngɔ fɔ zugba a nɔ, nɛ a sake e bɔfo ɔmɛ hu ngɔ fɔ zugba a nɔ ngɔ piɛ e he.