Kpojemi 20:6 - Somi He Ɔ

⁶ Nɔ nɛ a gbaa kɛ nɔ klɔuklɔu ji nɔ nɛ ma na blɔ nya ngɛ kekleekle si temi ɔ mi; gbenɔ nɛ ji enyɔ ɔ be he wami ko ngɛ jamɛ a nimli ɔmɛ a nɔ; se mohu a ma plɛ Mawu kɛ Kristo osɔfohi, nɛ a kɛ lɛ maa ye matsɛ jeha akpe.

BAIBLO ALOO NGMAMI KLƆUKLƆU Ɔ

⁶ Nihi nɛ a bu mɛ ngɔ piɛ ni nɛmɛ nɛ a ma tle mɛ si be nɛ ɔ mi a he ɔ, Mawu gbaa mɛ, nɛ e pee mɛ klɔuklɔu. Gbenɔ enyɔne ɔ be he wami ngɛ a nɔ, se mohu a maa ye osɔfo, nɛ a ma sɔmɔ Mawu kɛ Kristo; nɛ a kɛ Kristo maa ye matsɛ jeha akpe.

Kpojemi 20:6 ပူးပေါင်းရင်းမြစ်များ

Luka 14:15

Nɛ benɛ nihi nɛ kɛ lɛ hii si ngɛ niyeni si ɔ a ti nɔ kake nu ni nɛ ɔmɛ ɔ, e de Yesu ke: “A gbaa nɔ nɛ yeɔ abolo ngɛ Mawu matsɛ yemi ɔ mi!”

Romabi 12:1

Lɔ ɔ he ɔ, mamimɛ, i kɛ Mawu mɔbɔ nami ngɛ nyɛ pɛɛ kpae, kaa nyɛɛ ngɔ nyɛ nɔmlɔ tso ɔmɛ ngɔ da si kaa bɔ klɔuklɔu nɛ hɛ ngɛ nɛ he tsɔ nɛ sa Mawu hɛ mi nɛ nyɛ jami ɔ nɛ pee mumi mi jami.

Romabi 8:17

Nɛ ke bimɛ ji wɔ ɔ, lɛɛ we ni yeli hu ji wɔ, Mawu we ni yeli kɛ Kristo nyɛmimɛ we ni yeli, ke e ngɛ mi kaa waa kɛ lɛ naa amanehlu ɔ, konɛ a wo waa kɛ lɛ hɛ mi nyami hulɔ.

2 Timoteo 2:12

Ke wa mia wa hɛ mi ngɛ nɔ nami mi ɔ, waa kɛ lɛ maa ye matsɛ hulɔ; Ke wa kpa ngɛ e se ɔ, lɛ hu e ma kpa ngɛ wa se.

1 Petro 2:5

nɛ nyɛ hu, nyɛ ha a ngɔ nyɛ kaa tɛ nɛ hɛ ngɛ nɛ a kɛ fia mumi mi sɔlemi tsu nɛ nyɛɛ pee osɔfohi a weku konɛ nyɛɛ sã mumi mi bɔ nɛ sa Mawu hɛ mi kɛ gu Yesu Kristo nɔ.

1 Petro 2:9

Se nyɛɛ lɛɛ, weku nɛ a hla ji nyɛ, matsɛmɛ nɛ yeɔ osɔlohi, je ma klɔuklɔu, ma nɛ e ngɔ pee e nɔ, konɛ nyɛɛ jaje nɔ nɛ tsɛ nyɛ kɛ je diblii ɔ mi kɛ ba lɛ nitsɛ e nyakpɛ la a he ɔ agbo jemi ɔ.

Kpojemi 1:6

nɛ e ngɔ wɔ pee matsɛmɛ a weku [kɛ] osɔfohi ngɔ ha e Tsɛ Mawu ɔ, lɛ a ngɔ hɛ mi nyami kɛ nɔ yemi ɔ ngɔ ha kɛ ya neneene kɛ neneene! Amen.

Kpojemi 14:13

Nɛ i nu gbi kɛ je hiɔwe ngɛ dee ke: “Ngmaa: A gbaa ni gbogboehi nɛ gboɔ ngɛ Nyɔmtsɛ ɔ mi ɔ, kɛ je mwɔnɛ kɛ yaa nɛ ɔ. Ee, Mumi ɔ ke, konɛ a jɔɔ a he kɛ je a haomi ɔmɛ a mi; se a ni tsumi ɔmɛ nyɛɛ a se.”

Kpojemi 2:11

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Kunimi yelɔ ɔ, a be lɛ nɔ ko yaya ko pee ngɛ gbenɔ nɛ ji enyɔ ɔ mi.”

Kpojemi 20:14

Nɛ gbenɔ kɛ gbeje lɛɛ, a sake mɛ ngɔ pue la taku ɔ mi. Enɛ ɔ ji gbenɔ nɛ ji enyɔ ɔ nɛ.

Kpojemi 21:8

Se ninɛmɛ nɛ ji sfɔli kɛ ninɛmɛ nɛ he we yi kɛ nihi nɛ peɔ ninyɛ nihi kɛ awi yeli kɛ ya holi kɛ nyuali kɛ wɔ jali kɛ lakpatsɛmɛ kulaa a, a ma na a blɔ nya ngɛ taku ɔ nɛ ngɛ tsoe kɛ la gligliigli ɔ mi, nɔ́ nɛ ji gbenɔ nɛ ji enyɔ ɔ.”

Kpojemi 22:5

Nɛ nyɔ be lejɛ ɔ hie, nɛ kane loo pu kpemi he be mɛ hiae, ejakaa Nyɔmtsɛ Mawu ɔ ma kpɛ ha mɛ, nɛ a maa ye matsɛ kɛ maa ya neneene kɛ neneene.

Kpojemi 22:7

“Oʼɛ i ma nɔuu. A gbaa nɔ nɛ kɛ kikɛmɛ a womi nɛ mi gbami munyu ɔmɛ toɔ ɔ.”

Kpojemi 3:21

Kunimi yelɔ ɔ, ma ha lɛ blɔ nɛ e kɛ mi nɛ hi ye matsɛ sɛ ɔ nɔ, kaa bɔ nɛ imi hu i ye kunimi nɛ i kɛ Tsaatsɛ hii si ngɛ e matsɛ sɛ ɔ nɔ ɔ.

Kpojemi 5:10

Nɛ ɔ ngɔ wɔ ngɔ pee matsɛmɛ kɛ osɔfohi Ha wa Mawu ɔ, Nɛ wa maa ye matsɛ ngɛ zugba a nɔ.”