Kpojemi 20:13 - Somi He Ɔ

¹³ Nɛ wo je ni gbogboehi nɛ ngɛ e mi ɔ ngɔ ha, nɛ gbenɔ kɛ gbeje je ni gbogboehi nɛ ngɛ a mi ɔ ngɔ ha; nɛ a kojo mɛ, nɔ tsuaa nɔ bɔ nɛ sa e ni tsumi ɔmɛ.

BAIBLO ALOO NGMAMI KLƆUKLƆU Ɔ

¹³ Kɛkɛ nɛ wo jé ni gbogboehi tsuo nɛ ngɛ e mi ɔ ngɔ ha. Gbenɔ, kɛ gbeje hu jé ni gbogboehi tsuo nɛ a kɛ to ɔ ngɔ ha. Nɛ a kojo mɛ ngɛ nɔ́ nɛ nɔ tsuaa nɔ pee ɔ he.

Kpojemi 20:13 ပူးပေါင်းရင်းမြစ်များ

Mateo 11:23

Nɛ mo Kapernaum, pi hiɔwe lokoo nɛ a wo o nɔ kɛ su? Gbeje lokoo a maa ba mo si kɛ maa ya; ejakaa he wami ni tsumihi nɛ a tsu ngɛ o mi ɔ, a na nɛ a tsu ngɛ Sodom jinɛ e maa si kɛ ba su mwɔ nɛ ɔ.

Mateo 16:27

Ejakaa nɔmlɔ Bi ɔ maa ba ngɛ e tsɛ nyami ɔ mi kɛ e bɔfo ɔmɛ; nɛ lɛ be ɔ mi ɔ, e maa wo nɔ tsuaa nɔ hiɔ ngɛ e ni tsumi nya.

1 Korintobi 15:26

Nyagbe henyɛlɔ nɛ a ma kpata e hɛ mi ji gbenɔ.

Kpojemi 1:18

kɛ hɛkalɔ. I gbo, nɛ oʼɛ, ye hɛ ngɛ kɛ yaa neneene kɛ neneene, nɛ i hɛɛ gbeje kɛ gbenɔ nya safe ɔmɛ.

Kpojemi 2:23

Ma gbe e bimɛ ɔmɛ, nɛ asafo ɔmɛ kulaa ma na maa le kaa imi ji nɔ nɛ leɔ juɛmi kɛ tsui mi susumihi, nɛ ma wo nyɛ ti nɔ tsuaa nɔ hiɔ bɔ nɛ e ni tsumi ɔmɛ ngɛ ɔ.

Kpojemi 20:12

Nɛ i na ni gbogboe ɔmɛ, ni tsɔwi kɛ ni nguahi nɛ a daa si ngɛ matsɛ sɛ ɔ hɛ mi. A bli womihi a nya, nɛ a bli womi kpa ko nɛ ji wami womi ɔ hu nya. Nɛ akojo ni gbogboe ɔmɛ, ni tsɔwi kɛ ni nguahi, ngɛ nihi nɛ a ngma ngɛ womi ɔmɛ a mi ɔ nya, bɔ nɛ sa a ni tsumi ɔmɛ.

Kpojemi 20:14

Nɛ gbenɔ kɛ gbeje lɛɛ, a sake mɛ ngɔ pue la taku ɔ mi. Enɛ ɔ ji gbenɔ nɛ ji enyɔ ɔ nɛ.

Kpojemi 21:4

Nɛ Mawu ma tsu a hɛ mi vo nyu kulaa, nɛ gbenɔ be si hie hu, nɛ kɔmɔ yemi ko kɛ ya fomi ko kɛ nɔ nami ko hu be si hie hu, ejakaa kekle ni ɔmɛ be kɛ ho.”

Kpojemi 6:8

I hyɛ, nɛ oʼɛ, okpɔngɔ lazu lazu; nɛ nɔ nɛ hii si ngɛ e nɔ ɔ biɛ ji Gbenɔ, nɛ Gbeje nyɛɛ e se; nɛ a ha mɛ he blɔ konɛ a kɛ klaate kɛ hwɔ kɛ gbenɔ hiɔ kɛ zugba a nɔ awi yemi lohewehi nɛ gbe zugba a mi dlami eywiɛ mi kake.