Kpojemi 20:12 - Somi He Ɔ

¹² Nɛ i na ni gbogboe ɔmɛ, ni tsɔwi kɛ ni nguahi nɛ a daa si ngɛ matsɛ sɛ ɔ hɛ mi. A bli womihi a nya, nɛ a bli womi kpa ko nɛ ji wami womi ɔ hu nya. Nɛ akojo ni gbogboe ɔmɛ, ni tsɔwi kɛ ni nguahi, ngɛ nihi nɛ a ngma ngɛ womi ɔmɛ a mi ɔ nya, bɔ nɛ sa a ni tsumi ɔmɛ.

BAIBLO ALOO NGMAMI KLƆUKLƆU Ɔ

¹² Jehanɛ ɔ, i na nihi nɛ gbo ɔ tsuo nɛ daa si ngɛ matsɛ sɛ ɔ hɛ mi, ni nguahi, kɛ ni wawihi. A bli womihi a nya; womi nɛ ɔmɛ ɔ, níhi nɛ nimlihi tsuo pee ɔ, lɔ ɔmɛ a ngma kɛ wo mi. A bli womi kpa hu nya; nɛ enɛ ɔ lɛɛ nihi nɛ a hɛ ngɛ ɔ a biɛ nɛ a ngma kɛ wo mi. A kojo ni gbogboe ɔmɛ ngɛ níhi nɛ a pee ɔ a he kaa bɔ nɛ a ngma ngɔ wo womi ɔmɛ a mi ɔ.

Kpojemi 20:12 ပူးပေါင်းရင်းမြစ်များ

Mateo 11:22

Se i ngɛ nyɛ dee ke, e be wae ha Tiro kɛ Zidon ngɛ kojomi ligbi ɔ nɔ kaa nyɛ.

Mateo 16:27

Ejakaa nɔmlɔ Bi ɔ maa ba ngɛ e tsɛ nyami ɔ mi kɛ e bɔfo ɔmɛ; nɛ lɛ be ɔ mi ɔ, e maa wo nɔ tsuaa nɔ hiɔ ngɛ e ni tsumi nya.

Luka 10:20

Se kɛ ɔ, nyɛ ko na enɛ ɔ he buajɔmi kaa mumi ɔmɛ baa a he si ngɔ haa nyɛ ɔ, se mohu nyɛ na buajɔmi kaa a ngma nyɛ biɛ ngɛ hiɔwe.”

Ni Tsumi 24:15

I ngɛ Mawu nɔ hɛ kɛ nɔ fɔmi kaa ni gbogboehi a si temi maa ba, nɛ dali kɛ nihi nɛ dɛ́ kulaa maa te si, kɔlɔ ɔ nɔuu blɔ ni nɛ ɔmɛ hu ngɛ hyɛe.

Romabi 2:6

Ejakaa e maa wo nɔ tsuaa nɔ hiɔ bɔ nɛ sa e ni tsumi ɔmɛ:

1 Korintobi 4:5

Lɔ ɔ he ɔ nyɛ ko kojo nɔ ko loko e su be ɔ, kɛ yaa su be nɛ Nyɔmtsɛ ɔ maa ba, nɔ nɛ kɛ diblii mi nihi nɛ a kɛ laa a tete maa ba la hɛ mi nɛ e ma je tsuihi a mi juɛmi ɔmɛ a si ɔ. Lɔ ɔ mi ɔ, nɔ tsuaa nɔ ma na e yi jemi kɛ maa je Mawu dɛ mi.

2 Korintobi 5:10

Ejakaa ja wɔ kulaa wa pue paa ngɛ Kristo kojomi sɛ ɔ hɛ mi, konɛ nɔ tsuaa nɔ nɛ na nihi nɛ e pee ngɛ nɔmlɔ tso mi ɔ he hiɔwo, bɔ nɛ e pee ɔ, kpakpa ʼi jio, yaya ʼi jio.

Filipibi 4:3

Nɛ mo hu, i kpa mo pɛɛ, ye huɛ sɔmɔlɔ kpakpa, kaa o ye bua yi nɛ ɔmɛ nɛ kɛ mi tsu sane kpakpa a he ni ɔ, kɛ Klemente hu kɛ ye huɛmɛ ni tsuli kpahi nɛ a biɛ ngɛ wami womi ɔ mi ɔ.

Kpojemi 11:18

Nɛ majemaje li ɔmɛ a mi mi fu, Ejakaa o mi mi fumi be ɔ su Nɛ a maa kojo ni gbogboe ɔmɛ Nɛ a maa wo o sɔmɔli nɛ ji gbali ɔmɛ Kɛ klɔuklɔu bi ɔmɛ kɛ nihi nɛ yee mo gbeye ɔ hiɔ, nimli wawi kɛ nimli nguahi Nɛ yee o biɛ ɔ gbeye ɔ. Be su nɛ a ma puɛ nihi nɛ puɛɔ zugba a.”

Kpojemi 13:8

Nɛ nihi kulaa nɛ ngɛ zugba a nɔ ɔ ma ja lɛ, nihi nɛ a ngmɛ́ a biɛ ngɛ Tobi nɛ a gbe ɔ wami womi ɔ mi kɛ je je mi sisije ɔ.

Kpojemi 17:8

Lohwe ɔ nɛ o na a hi si hyɛ, se e be hu. E maa je muɔ voo ɔ mi kɛ je kpo kɛ ba be kɛ ho hɛ mi kpatami mi ya; nɛ nihi nɛ a ngɛ zugba a nɔ nɛ a ngmɛ́ a biɛ ngɛ wami womi ɔ mi kɛ je je mi sisije ɔ nya maa kpɛ a he, ke a na lohwe ɔ nɛ hi si hyɛ nɛ e be hu nɛ e maa ba a.

Kpojemi 19:5

Nɛ gbi ko je matsɛ sɛ ɔ mi de ke: “Nyɛ je wa Mawu ɔ yi, nyɛ nihi nɛ nyɛ ji e sɔmɔli ɔmɛ tsuo kɛ nyɛ nihi nɛ nyɛ yee lɛ gbeye ɔ, nimli tsɔwi kɛ nimli nguahi kulaa!”

Kpojemi 2:23

Ma gbe e bimɛ ɔmɛ, nɛ asafo ɔmɛ kulaa ma na maa le kaa imi ji nɔ nɛ leɔ juɛmi kɛ tsui mi susumihi, nɛ ma wo nyɛ ti nɔ tsuaa nɔ hiɔ bɔ nɛ e ni tsumi ɔmɛ ngɛ ɔ.

Kpojemi 20:11

Kɛkɛ nɛ i na matsɛ sɛ hiɔ ngua ko, kɛ nɔ nɛ hii si ngɛ nɔ ɔ, nɛ zugba kɛ hiɔwe tu fo ngɛ e hɛ mi, nɛ a nɛ blɔ ha mɛ.

Kpojemi 20:13

Nɛ wo je ni gbogboehi nɛ ngɛ e mi ɔ ngɔ ha, nɛ gbenɔ kɛ gbeje je ni gbogboehi nɛ ngɛ a mi ɔ ngɔ ha; nɛ a kojo mɛ, nɔ tsuaa nɔ bɔ nɛ sa e ni tsumi ɔmɛ.

Kpojemi 20:15

Nɛ ke nɔ ko ngɛ nɛ a nɛ́ kaa a ngma e biɛ ngɛ wami womi ɔ mi ɔ, a sakee lɛ ngɔ fɔɔ la taku ɔ mi.

Kpojemi 21:27

Nɛ nɔ́ ko nɛ he tsɔ we kɛ nɔ nɛ peɔ ninyɛ nihi kɛ nɔ nɛ yeɔ lakpa be mi sɛe kulaa, kaa ja ninɛmɛ nɛ a ngma a biɛ ngɛ Tobi ɔ wami womi ɔ mi ɔ?

Kpojemi 22:12

“Oʼɛ, i ma nɔuu, nɛ i hɛɛ ye hiɔwo ɔ kɛ ma, nɛ ma wo nɔ tsuaa nɔ hiɔ ngɛ e ni tsumi ɔ nya.

Kpojemi 3:5

Kunimi yelɔ ɔ, a maa wo lɛ tade hiɔ, nɛ i be e biɛ gbee ngɛ wami womi ɔ mi gblegbleegblee, nɛ ma wo e biɛ ta ngɛ Tsaatsɛ hɛ mi kɛ e bɔfo ɔmɛ a hɛ mi.