Kpojemi 20:10 - Somi He Ɔ

¹⁰ Nɛ Abosiami ɔ nɛ sisi mɛ ɔ, a ngɔ lɛ ngɔ wo la gligliigli taku ɔ mi, he nɛ lohwe ɔ kɛ lakpa gbalɔ ɔ hu ngɛ ɔ, nɛ a ma pii mɛ nyɔ kɛ pia kɛ maa ya neneene kɛ neneene.

BAIBLO ALOO NGMAMI KLƆUKLƆU Ɔ

¹⁰ Kɛkɛ nɛ a hɛ Abosiami ɔ nɛ sisi mɛ ɔ ngɔ fɔ taku kɛ e mi la nɛ ngɛ tsoe gegeege ɔ mi he nɛ lohwe awi yelɔ ɔ, kɛ lakpa gbalɔ ɔ ngɛ ɔ. Nɛ a ma pii mɛ nyɔ kɛ pia kɛ ya neneene.

Kpojemi 20:10 ပူးပေါင်းရင်းမြစ်များ

Mateo 25:41

“Kɛkɛ ɔ, e ma de ninɛmɛ nɛ ngɛ e muɔ nɔ hu ke: ‘Nyɛɛ je ye nɔ, nyɛ nihi nɛ a gbiɛ nyɛ, nyɛɛ ya neneene la a nɛ a dla to abosiami kɛ e bɔfo ɔmɛ ɔ mi!

Mateo 25:46

Nɛ ni nɛ ɔmɛ ɔ, a maa ya neneene he hiami mi; se dali ɔmɛ maa ya neneene wami mi.”

Mateo 7:15

“Nyɛɛ hyɛ saminya ngɛ osato gbali ɔmɛ a he, ejakaa a ngɔɔ to he womi ngɔ haa a he kɛ baa nyɛ ngɔ, se a mi mi je ɔ ogbetee ni hali ji mɛ.

Marko 9:44

he nɛ ‘a gɔgɔ ɔmɛ gbo we, nɛ a la a hu gbo we ngɛ’ ɔ.]

Kpojemi 16:13

Kɛkɛ nɛ i na mumi yayami etɛ nɛ ngɛ kaa ovɔnɔhi loo kuɔwihi ngɛ kpo jee kɛ ngɛ sinɔ ngua a nya mi kɛ lohwe ɔ nya mi kɛ lakpa gbalɔ ɔ nya mi jee;

Kpojemi 19:20

Nɛ a nu lohwe ɔ kɛ lakpa gbalɔ ɔ nɛ pee nyakpɛ nihi ngɛ e hɛ mi nɛ e kɛ sisi nihi nɛ he lohwe ɔ okadi ɔ kɛ nihi nɛ jaa e maga a. A ngɔ ni enyɔ nɛ ɔmɛ kulaa hɛ ngmengmle ngɔ wo la taku nɛ ngɛ tsoe gligliigli ɔ mi.

Kpojemi 20:8

nɛ e maa je kpo konɛ e ya sisi je mahi nɛ ngɛ zugba kɔ nya eywiɛ ɔmɛ a mi ɔ, Gog kɛ Magog, konɛ e bua a nya kɛ kpe nɛ a ya ta, nihi a hiemi nɛ ngɛ kaa wo nya zia a.

Kpojemi 9:17

Nɛ bɔ nɛ i na okpɔngɔ ɔmɛ kɛ a nɔ hili ɔmɛ ngɛ ni nami ɔ mi ji nɛ ɔ nɛ: A damahi nɛ a wo ɔ su ngɛ kaa la kɛ alamua yumu kɛ kungwɔ zɔ; nɛ okpɔngɔ ɔmɛ a yihi ngɛ kaa jatahi a yi, nɛ la kɛ lasuku kɛ suɔɔ ngɛ hiae kɛ ngɛ a nya mi jee.