Kpojemi 2:9 - Somi He Ɔ

⁹ I le o ni tsumi ɔmɛ kɛ o dengme gbomi ɔmɛ kɛ o hia a, — se kɛ ɔ niatsɛ ji mo — nɛ i le ni yayahi nɛ nihi nɛ deɔ ke Yudafohi ji mɛ se a pi ja se mohu a ji Satan kpe mi bimɛ ɔ deɔ ngɛ o he ɔ.

BAIBLO ALOO NGMAMI KLƆUKLƆU Ɔ

⁹ I le o haomi ɔmɛ! I le kaa nɔ́ ko be o dɛ lɛɛ, se kɛ̃ ɔ, niatsɛ ji mo. Nihi nɛ deɔ ke Yuda bi ji mɛ, pohu e be mi ja a, ní yayahi nɛ a deɔ ngɛ o he ɔ, i le lɛ tsuo. Abosiami jali a kuu ji mɛ!

Kpojemi 2:9 ပူးပေါင်းရင်းမြစ်များ

Kpojemi 3:9

Oʼɛ, i kɛ ni komɛ nɛ je Satan kpe he ɔ nɛ deɔ ke Yudafohi ji mɛ se e be mi ja, se mohu lakpa mohu a ngɛ yee ɔ maa ba o hɛ mi; oʼɛ, ma ha nɛ a ba nɛ a ba nu o nane nɛ a ja mo, konɛ a le kaa imi lɛɛ i suɔ mo.

2 Korintobi 8:9

Ejaka nyɛ le wa Nyɔmtsɛ Yesu Kristo dloomi ɔ, kaa lɛ nɛ ji niatsɛ ɔ, e plɛ ohiafo ngɛ nyɛ he, konɛ nyɛɛ gu e hia a nɔ kɛ plɛ niatsɛmɛ.

Romabi 9:6

Se pi kaa Mawu munyu ɔ pee yaka. Ejakaa tsa pi nihi nɛ je Israel mi ɔ tsuo ji Israel;

2 Korintobi 6:10

kaa kɔmɔ yeli, se wa bua jɔɔ daa; kaa ohiafohi, se wa tsakee nihi fuu ngɔ peɔ niatsɛmɛ; kaa nihi nɛ be nɔ́ ko, se kɛ̃ ɔ wa ngɛ nihi kulaa.

1 Timoteo 6:18

A pee kpakpa, nɛ a plɛ niatsɛmɛ ngɛ kpakpa peemi blɔfami, a suɔ nɔ hami, a ko pee kpɛle,

Luka 4:18

“Nyɔmtsɛ ɔ mumi ɔ ngɛ ye nɔ. Lɔ ɔ he ɔ, e pɔ mi nu konɛ ma fiɛ Sane Kpakpa a ngɔ tsɔɔ ohiafohi, Konɛ ma fiɛ he yemi ngɔ tsɔɔ nyɔgue ɔmɛ, Kɛ nɔ́ hyemi ha hɛyuyuili.

Kpojemi 2:2

I le o ni tsumi ɔmɛ kɛ o dengme gbomi ɔ, kɛ o tsui si tomi ɔ, kɛ bɔ nɛ o kplɛɛ we nimli yayami ɔmɛ a ni peepee ɔmɛ a nɔ, se ɛo ka nihi nɛ deɔ ke bɔfohi ji mɛ se a pi ja a, nɛ o na kaa lakpatsɛmɛ ji mɛ.

Luka 6:20

Kɛkɛ nɛ Yesu plɛ e hɛ ngɔ tsɔɔ e kaseli ɔmɛ nɛ e ke: “A gbaa nyɛ, ohiafo ɔmɛ; ejakaa nyɛ nɔ́ ji Mawu matsɛyemi ɔ nɛ.

Romabi 12:12

Nyɛ nya ngɛ hɛ kɛ nɔ fɔmi mi; nyɛ mia nyɛ hɛ mi ngɛ dengme gbomi mi; nyɛɛ hɛɛ sɔlemi mi daa.

Romabi 5:3

Pi enɛ ɔ kɛkɛ, se mohu wa fiaa ngɛ dengme gbomihi a mi hulɔ, ejakaa wa le kaa dengme gbomi ɔ tsɛɛ tsui si tomi kɛ baa,

1 Timoteo 1:13

imi nɛ kekle ɔ i ji musu bɔlɔ kɛ yi mi walɔ kɛ nɔ builɔ; se kɛ ɔ, a na mi mɔbɔ, ejakaa i li nɛ i pee, ngɛ hemi nɛ i he we yi ɔ he.

1 Tesalonikabi 3:4

Benɛ waa kɛ nyɛ ngɛ ɔ, wa de nyɛ ngɔ to ke wa maa na nɔ kaa bɔ nɛ e ba mi nɛ nyɛ le ɔ.

2 Korintobi 8:2

kaa nɔ nami ka babauu mi ɔ, a bua jɔmi ɔ be nɔ kɛ̃, nɛ a hia nɛ mi kuɔ ɔ hu be nɔ kɛ je e he kpo ngɛ mi mi himi ni hami mi,

Romabi 8:35

Mɛnɔ ma gba waa kɛ Kristo suɔmi ɔ mi? Amanehlu loo tsui pomi loo yi wami loo hwɔ loo he gu nyɛɛmi loo he gbeye womi loo klaate?

Kpojemi 7:14

Nɛ i de lɛ ke: “Ye Nyɔmtsɛ, mo lɛ o le.” Nɛ e de mi ke: “Nimli nɛ ɔmɛ ji nihi nɛ a je nɔ nami kpetekpleenyɛ ɔ mi ɔ nɛ; nɛ a fɔ a tade ɔmɛ a he, nɛ a ha a hiɛ futaa ngɛ Tobi ɔ muɔ ɔ mi.

Luka 22:65

Nɛ a de ni kpahi fuu kɛ bɔ musu ngɔ si lɛ.

Luka 12:21

Jã nɔ nɛ toɔ juetli ngɔ haa lɛ nitsɛ e he, se e pi niatsɛ ngɛ Mawu blɔfami ɔ ngɛ.”

Romabi 2:17

Se ke moo lɛɛ a tsɛɛ mo Yuda no, nɛ o hɛ ngɛ Mlaa a nɔ, nɛ o fiaa fɔɔ Mawu nɔ,

Ni Tsumi 26:11

Nɛ i pɔɔ mɛ yi mi wami ngɛ kpe he ɔmɛ kulaa, nɛ i waa mɛ yi mi kaa a tu musu bɔmi munyuhi, nɛ i nuu a he godo wawɛɛ nitsɛ, nɛ i waa mɛ yi mi kɛ yaa ma se mahi a mi tete.

Ni Tsumi 14:22

A kpale wo kaseli ɔmɛ a mumi mi wami ɔ he wami, nɛ a tu munyu tsɔɔ mɛ ke a hɛɛ hemi kɛ yemi ɔ mi, nɛ jeha nɛ ɔ hu e sa kaa wa guu dengme fuu mi kɛ sɛɛ Mawu matsɛ yemi ɔ mi.

Yohane 16:33

I de nyɛ ni nɛ ɔmɛ, konɛ nyɛɛ wo nyɛ bua ngɛ ye mi. Je nɛ ɔ mi ɔ he hiami nyɛ ma na, se kɛ ɔ, nyɛ tsui nɛ nɔ nyɛ mi. I ye je ɔ nɔ kunimi!”

Mateo 4:10

Kɛkɛ nɛ Yesu de lɛ ke: “Jee ye nɔ, Satan! ejakaa a ngma ke: ‘Nyɔmtsɛ, o Mawu ɔ, o ja, nɛ lɛ kɛkɛ o sɔmɔ!’ ”

Kpojemi 1:9

Imi Yohane nɛ ji nyɛ nyɛmi kɛ nyɛ huɛ ngɛ Yesu Kristo amanehlu ɔ kɛ e matsɛ yemi ɔ kɛ e tsui si tomi ɔ mi ɔ, i ngɛ zugba kpɔ nɛ wo bɔle lɛ nɛ a tsɛɛ lɛ Patmo ɔ nɔ ngɛ Mawu munyu ɔ kɛ Yesu Kristo he odase yemi he.

Kpojemi 2:13

I le he nɛ o hii ɔ, he nɛ Satan matsɛ sɛ ɔ ngɛ ɔ. O hɛɛ ye biɛ ɔ mi, nɛ o kua we o hemi kɛ yemi ɔ ngɛ jamɛ a ligbi ɔmɛ a mi po, bene a gbe Antipa, ye o daseyelɔ anɔkualetsɛ ɔ ngɛ nyɛ kpɛti, he nɛ Satan hii ɔ.

Kpojemi 2:24

“Se i ngɛ nyɛ dee, nyɛ nihi nɛ piɛ ngɛ Tiatira a, nihi abɔ nɛ hɛɛ we tsɔɔmi nɛ ɔ mi, nɛ li ‘Satan muɔhi nɛ a mi kuɔ ɔ’ (kaa bɔ nɛ a deɔ ɔ) I kɛ tlomi kpã ko be nyɛ nɔ fɔe.