Kpojemi 2:3 - Somi He Ɔ

³ Nɛ o hɛɛ mi, nɛ o toɔ o tsui si, nɛ ye biɛ ɔ he ɔ, o bɔɔ mɔde, nɛ pɔ tɔɛ mo.

BAIBLO ALOO NGMAMI KLƆUKLƆU Ɔ

³ O toɔ tsui si; o naa amanehlu ngɛ ye he nɛ pɔ tɔɛ mo.

Kpojemi 2:3 ပူးပေါင်းရင်းမြစ်များ

Marko 15:21

Nɛ aslaafo ɔmɛ nyɛ Simon Kireneno ko nɛ je ngmɔ si kɛ bee nɛ ji Aleksandro kɛ Rufo mɛ a tsɛ ɔ nɔ ke e wo Yesu sɛumi tso ɔ.

Luka 14:27

Nɛ nɔ tsuaa nɔ nɛ wo we e seumi tso ngɔ tloo kɛ nyɛɛ ye se ɔ, e be nyɛe ye kaselɔ peemi.

Luka 18:1

Nɛ Yesu bu mɛ abɛ ko kɛ tsɔɔ kaa e sa kaa a sɔlee daa nɛ e ko gbe nɔ nya.

Luka 21:19

Nyɛ tsui si tomi nyɛ ma kɛ he nyɛ klaa amɛ a yi wami.”

Luka 5:5

Simon de lɛ ke: “Nyɔmtsɛ, nyɔ nɛ ɔ mi tsuo ɔ wa tsu ni gbegbelii se wa nɛ nɔ́ ko; se kɛ ɔ, ngɛ o munyu ɔ nya a, ma fɔ̃ ya a.”

Luka 8:15

Se zugba kpakpa mi nɔ́ ɔ ji nihi nɛ benɛ a nu munyu ɔ, a kɛ toɔ tsui kpakpa mi, nɛ a kɛ tsui si tomi hɛɛ mi nɛ a woɔ yiblii.”

Yohane 15:21

A maa ngɔ enɛ ɔmɛ tsuo ngɔ pee nyɛ ngɛ ye biɛ ɔ he, mɛni he je ɔ, a li nɔ nɛ tsɔ mi ɔ.

Romabi 12:12

Nyɛ nya ngɛ hɛ kɛ nɔ fɔmi mi; nyɛ mia nyɛ hɛ mi ngɛ dengme gbomi mi; nyɛɛ hɛɛ sɔlemi mi daa.

Romabi 16:12

Nyɛ nga Trifaina kɛ Trifosa nɛ bɔɔ mɔde ngɛ Nyɔmtsɛ ɔ mi ɔ. Nyɛ nga Persi, nɔ nɛ a suɔ nɛ e tsu ni fuu ngɛ Nyɔmtsɛ ɔ mi ɔ.

Romabi 2:7

Nihi nɛ kɛ kpakpa peemi kɛ tsui si tomi hlaa hɛ mi nyami kɛ bu kɛ si himi nɛ puɛ we ɔ, Mawu ma ha mɛ neneene wami.

Romabi 8:25

Se ke nɔ́ nɛ wa nɛ́ ɔ nɔ wa hɛ ngɛ ɔ, lɛɛ wa kɛ tsui si tomi hyɛɛ lɛ blɔ.

1 Korintobi 13:7

Suɔmi maa e nya ngɛ nihi kulaa mi, e heɔ nihi kulaa yeɔ, e ngɛ hɛ kɛ nɔ fɔmi, e miaa e hɛ mi ngɛ nihi kulaa mi.

1 Korintobi 16:16

I kpa nyɛ pɛɛ konɛ nyɛ hu nyɛɛ ba nyɛ he si ha ni nɛ ɔmɛ, kɛ nɔ tsuaa nɔ nɛ kɛ mɛ tsuɔ ni nɛ e bɔɔ mɔde ɔ.

2 Korintobi 10:15

Wa fiɛ pe nine ngɛ ni kpahi a nitsumihi a he; se wa hɛ ngɛ nɔ kaa, ke nyɛ hemi kɛ yemi ɔ ngɛ wae ɔ, wa ma plɛ nimli nguahi ngɛ wɔ nitsɛmɛ wa ni tsumi nya, nɛ wa maa be nɔ tete,

2 Korintobi 11:23

Kristo sɔmɔli ji mɛ lo? — i ngɛ munyu tue kaa nɔ nɛ yi mi puɛ — i pe mɛ; ngɛ pɔtɔ ni tsumihi nɛ be nɔ mi, ngɛ ni fiamihi nɛ hiɛ tsɔ mi, ngɛ tsu mi womi babauu mi, ngɛ gbenɔ muɔ nya kpitikpiti.

2 Korintobi 4:1

Akɛnɛ wa hɛɛ kikɛmɛ a sɔmɔmi nɛ ɔ, kaa bɔ nɛ a na wɔ mɔbɔ ɔ, wa ji fɔ́,

2 Korintobi 4:16

Lɔ ɔ he nɛ wa tsui pui ɔ nɛ, se ke wa kpo nɔ blɔ nɔmlɔ ɔ puɛɔ kulaa tete po ɔ, kɛ̃ ɔ, wa mi nɔmlɔ ɔ plɛɔ ehe daa ligbi.

2 Korintobi 5:9

Lɔ ɔ he ɔ oti nɛ wa ngɔ ma wa hɛ mi ji kaa, we wa ngɛ jio, pe wa doma jio, nɛ waa sa e hɛ mi.

2 Korintobi 6:5

ngɛ ni fiamihi a mi, ngɛ pamitsɛmɛ a tsuhi a mi, ngɛ hoo peemihi a mi, ngɛ dengme gbomihi a mi, ngɛ nyɔ fɔmihi a mi, ngɛ hwɔ hamihi a mi,

Galatabi 6:2

Nyɛ tlomi ɔmɛ ɔ, nyɛɛ kpee nyɛ he kɛ tloo, nɛ lɔ ɔ loko nyɛ maa ye Kristo mlaa a nɔ.

Galatabi 6:9

Nyɛ ko ha nɛ pɔ nɛ tɔ nyɛ kɛ kpakpa peemi, ejakaa ke wa nine mi wui nyu ɔ, wa ma kpa hulɔ ngɛ be nɛ sa mi.

Filipibi 2:16

nɛ nyɛɛ hɛɛ wami munyu ɔ mi, konɛ e plɛ fiami nɔ ha mi ngɛ Kristo ligbi ɔ nɔ, kaa ye fotumi ɔ pee we yaka, nɛ ye dengme gbomi ɔ hu pee we gu.

Filipibi 4:3

Nɛ mo hu, i kpa mo pɛɛ, ye huɛ sɔmɔlɔ kpakpa, kaa o ye bua yi nɛ ɔmɛ nɛ kɛ mi tsu sane kpakpa a he ni ɔ, kɛ Klemente hu kɛ ye huɛmɛ ni tsuli kpahi nɛ a biɛ ngɛ wami womi ɔ mi ɔ.

Kolosebi 1:11

nɛ nyɛɛ ya nɔ ngɛ Mawu he ni lemi mi, nɛ a kɛ he wami tsuo nɛ wo nyɛ he wami ngɛ e hɛ mi nyami nyɛmi ɔ nya ngɛ tsui si tomi nɛ se kɛɛ ɔ kulaa mi.

1 Tesalonikabi 1:3

Wa kaii nyɛ hemi kɛ yemi ni tsumi ɔmɛ kɛ nyɛ suɔmi mɔde bɔmi ɔ kɛ wa Nyɔmtsɛ Yesu Kristo he hɛ kɛ nɔ fɔmi mi tsui si tomi ɔ ngɛ Mawu kɛ wa Tsɛ ɔ hɛ mi.

1 Tesalonikabi 2:9

Mamimɛ, nyɛ hɛ ngɛ wa pɔtɔ kɛ wa dengme gbomi ɔ nɔ, kaa benɛ pee nɛ wa ko pee tlomi ngɔ ha nyɛ ti nɔ ko he je ɔ, nyɔ kɛ pia tsuo wa ngɛ ni tsue, nɛ wa pa ngɛ Mawu sane kpakpa a jajee kɛ ngɛ nyɛ tsɔɔe.

1 Tesalonikabi 5:12

Se, mamimɛ, wa kpa nyɛ pɛɛ kaa znyɛɛ le nihi nɛ tsuɔ ni ngɛ nyɛ kpɛti nɛ a ji nyɛ hɛ mi nyɛɛli ngɛ Nyɔmtsɛ ɔ mi nɛ a tuɔ munyu tsɔɔ nyɛ ɔ,

2 Tesalonikabi 3:13

Mamimɛ, nyɛ ko ha pɔ nɛ tɔ nyɛ kɛ kpakpa peemi.

2 Tesalonikabi 3:5

Nyɔmtsɛ ɔ nɛ plɛ nyɛ tsui kɛ ya Mawu suɔmi kɛ Kristo tsui si tomi ɔ he.

2 Tesalonikabi 3:8

nɛ jehanɛ hu wa yi nɔ ko ku yaka, se mohu waa kɛ mɔde bɔmi kɛ pɔtɔ tsuɔ ni nyɔ kɛ pia, benɛ pee nɛ wa ko pee tlomi ngɔ ha nyɛ ti nɔ ko.

1 Timoteo 4:10

Enɛ ɔ he je nɛ wa gboɔ dengme nɛ wa haa a jɛɛ wɔ ɔ nɛ, ejakaa wa ngɔ wa hɛ ngɔ fɔ Mawu hɛ kalɔ ɔ nɔ, nɔ nɛ ji nimli kulaa a yi wami helɔ, titli ɔ, ninɛmɛ nɛ heɔ yeɔ ɔ.

1 Timoteo 5:17

Nikɔtɔmahi nɛ tsuɔ a ni saminya a, e sa kaa a ngɔ bu totoe enyɔ ngɔ ha mɛ, titli ɔ, ninɛmɛ nɛ bɔɔ munyu tumi kɛ tsɔɔmi he mɔde ɔ.

Hebribi 10:36

Tsui si tomi he hia nyɛ, konɛ nyɛɛ pee Mawu suɔmi nya ni, nɛ nyɛ nine nɛ e su siwomi ɔ nɔ.

Hebribi 12:1

Lɔ ɔ he ɔ, jehanɛ wɔ hu, be abɔ nɛ wa ngɛ odase yeli babauu nɛ mimla wɔ kaa bɔku nɛ ɔ, nyɛ ha wa je nɔ́ tsuaa nɔ́ nɛ tsiɔ wa nya kɛ yayami nɛ fi wɔ ɔ, nɛ waa kɛ hɛ mi miami nɛ tu fo nɛ fɔɔ si ngɛ wa hɛ mi ɔ,

Hebribi 13:13

Lɔ ɔ he ɔ, jeha nɛ, nyɛ ha waa je kpo kɛ ya e ngɔ ngɛ sada a se nɛ wa ya tloo e ahlua bɔmi ɔ.

Hebribi 6:10

Ejakaa Mawu pi nɔ nɛ yeɔ sane nɛ dɛ́ nɛ e hɛ maa je nyɛ ni tsumi ɔ nɔ kɛ suɔmi he dengme nɛ nyɛ gbo ngɛ e biɛ ɔ he, nɛ nyɛɛ kɛ sɔmɔ ni klɔuklɔu ɔmɛ, nɛ nyɛ pa kɛ ngɛ mɛ sɔmɔe kɛ mwɔ ɔ.

Hebribi 6:12

konɛ nyɛ ko pee hejɔ se mohu nyɛɛ kase ninɛmɛ nɛ guu hemi kɛ yemi kɛ tsui si tomi nɔ naa si womi ɔ.

Hebribi 6:15

Nɛ akɛnɛ Abraham to e tsui si he je ɔ, e nine su si womi ɔ nɔ.

2 Petro 1:6

nɛ ni lemi ɔ mi hu ɔ, hɛ si kami; nɛ hɛ si kami ɔ mi ɔ, tsui si tomi; nɛ tsui si tomi ɔ mi ɔ mawu jami;

Kpojemi 1:9

Imi Yohane nɛ ji nyɛ nyɛmi kɛ nyɛ huɛ ngɛ Yesu Kristo amanehlu ɔ kɛ e matsɛ yemi ɔ kɛ e tsui si tomi ɔ mi ɔ, i ngɛ zugba kpɔ nɛ wo bɔle lɛ nɛ a tsɛɛ lɛ Patmo ɔ nɔ ngɛ Mawu munyu ɔ kɛ Yesu Kristo he odase yemi he.

Kpojemi 3:10

Ejakaa o ye ye munyu nɛ deɔ ke o to o tsui si ɔ nɔ he je ɔ, ma baa o yi ngɛ ka ngmlɛfia nɛ maa ba je mluku ɔ kulaa nɔ nɛ a kɛ maa ka nihi nɛ ngɛ zugba a nɔ ɔ mi.