Nɛ klaate nɛ nya ba ngɛ e nya mi jee konɛ e kɛ kɔlɔ ɔ nɛ fia majeli a bimɛ ɔmɛ ni; nɛ e kɛ dade tso nɛ kpaka mɛ. Nɛ lɛ nɔuu e maa naa Mawu Ope ɔ mi mi fumi nɛ nya wa a wai ngami nɔ ɔ nɔ.
“Tsaatsɛ tu nihi kulaa ngɔ wo ye dɛ mi; nɛ nɔ ko nɔ ko li Bi ɔ, kaa ja Tsɛ ɔ kɛkɛ; jeha nɛ ɔ, nɔ ko nɔ ko li Tsɛ ɔ, kaa ja Bi ɔ, kɛ nɔ nɛ Bi ɔ suɔ kaa e je lɛ kpo ngɔ tsɔɔ ɔ.
“Tsaatsɛ, nihi nɛ o ngɔ ha mi ɔ i suɔ kaa he nɛ i ngɛ ɔ mɛ hu a kɛ mi ba hi lejɛ ɔ, konɛ a na ye hɛ mi nyami nɛ o ngɔ ha mi ɔ, ejakaa o suɔ mi loko a to je ɔ sisi.