Kpojemi 2:26 - Somi He Ɔ

²⁶ Nɛ kunimi yelɔ ɔ kɛ nɔ nɛ hɛɔ ye ni tsumi ɔmɛ a mi kɛ ya suu nyagbe ɔ, ma ha lɛ he wami ngɛ je ma amɛ a nɔ,

BAIBLO ALOO NGMAMI KLƆUKLƆU Ɔ

^26-28 Ni nɛmɛ nɛ maa ye kunimi, ni nɛmɛ nɛ maa ya nɔ maa pee ye suɔmi nya ní kɛ yaa si nyagbe ɔ, he blɔ nɛ Tsaatsɛ ngɔ ha mi ɔ, imi hu ma ha mɛ. Ma ha nɛ a maa ye je ma amɛ a nɔ kɛ kɔni si wami, nɛ a ma tsɔtslɔɔ a mi kaa buɛ nɛ ywia tsɔkɔtsɔkɔ. Nɛ ma ha mɛ dodoe nɛ a tsɛɛ nɔkɔ ɔ.

Kpojemi 2:26 ပူးပေါင်းရင်းမြစ်များ

Kpojemi 3:21

Kunimi yelɔ ɔ, ma ha lɛ blɔ nɛ e kɛ mi nɛ hi ye matsɛ sɛ ɔ nɔ, kaa bɔ nɛ imi hu i ye kunimi nɛ i kɛ Tsaatsɛ hii si ngɛ e matsɛ sɛ ɔ nɔ ɔ.

Kpojemi 20:4

Kɛkɛ nɛ i na matsɛ sɛhi kɛ nihi nɛ hii si ngɛ a nɔ ɔ; a ngɔ kojomi ngɔ ha mɛ. Nɛ i na nihi nɛ a po a yi ngɛ Yesu he odase yemi ɔ kɛ Mawu munyu ɔ he ɔ a klaa amɛ, kɛ ninɛmɛ nɛ ja we lohwe ɔ loo e maga a nɛ a he we e kadi ɔ ngɛ a hɛ nya loo a dɛ mi ɔ. A hɛ ngɛ, nɛ a kɛ Kristo ye matsɛ jeha akpe.

Kpojemi 2:7

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Nɔ nɛ yeɔ kunimi ɔ, ma ha lɛ wami tso ɔ nɛ ngɛ ye Mawu ɔ Paradeiso ɔ mi ɔ nɔ yiblii ɔ eko nɛ e ye.”

Kpojemi 22:5

Nɛ nyɔ be lejɛ ɔ hie, nɛ kane loo pu kpemi he be mɛ hiae, ejakaa Nyɔmtsɛ Mawu ɔ ma kpɛ ha mɛ, nɛ a maa ye matsɛ kɛ maa ya neneene kɛ neneene.

1 Yohane 5:5

Mɛnɔ ji nɔ nɛ yeɔ je ɔ nɔ kunimi ɔ, kaa ja nɔ nɛ heɔ yeɔ kaa Yesu ji Mawu Bi ɔ?

Yohane 6:29

Yesu he nɔ nɛ e de mɛ ke: “Mawu ni tsumi ɔ ji nɛ ɔ nɛ, kaa nyɛ he nɔ nɛ e tsɔ ɔ nɔ ngɔ ye.”

Mateo 24:13

Se nɔ nɛ hɛɛ mi kɛ pii si ɔ, lɛ e yiwami a ma he.

Kpojemi 2:11

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Kunimi yelɔ ɔ, a be lɛ nɔ ko yaya ko pee ngɛ gbenɔ nɛ ji enyɔ ɔ mi.”

Kpojemi 3:12

Kunim yelɔ ɔ, ma ngɔ lɛ ngɔ pee Titima ngɛ ye Mawu ɔ sɔlemi tsu ɔ mi, nɛ e be kpo jee hu, nɛ ma ngma ye Mawu ɔ biɛ, kɛ ye Mawu ɔ ma nɛ ji Yerusalem he nɛ jee ye Mawu ngɔ ɔ biɛ, kɛ mi nitsɛ ye biɛ he ɔ ngɛ e nɔ.

Kpojemi 2:17

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Nɔ nɛ yeɔ kunimi ɔ, ma ha lɛ mana nɛ a kɛ laa a eko nɛ e ye, nɛ ma ha lɛ tɛ hiɔ, nɛ tɛ ɔ nɔ ɔ, a ngma biɛ he nɛ nɔ ko li ja nɔ nɛ naa a.”

1 Yohane 3:23

Nɛ enɛ ji e kitaa a nɛ, kaa wa he e Bi Yesu Kristo biɛ ɔ nɔ ngɔ ye, nɛ waa suɔ wa sibi, kaa bɔ nɛ e wo wɔ kita a.

Yakobo 2:20

Oo, kuasia, o ngɛ hlaɔ nɛ o le kaa hemi kɛ yemi nɛ ni tsumihi be he ɔ, hemi kɛ yemi gbogboe ʼi lo?

Romabi 8:37

Se kɛ̃ ɔ, enɛ ɔmɛ kulaa mi ɔ, wa guu nɔ nɛ suɔ wɔ ɔ nɔ yeɔ kunimi babauu.

Romabi 2:7

Nihi nɛ kɛ kpakpa peemi kɛ tsui si tomi hlaa hɛ mi nyami kɛ bu kɛ si himi nɛ puɛ we ɔ, Mawu ma ha mɛ neneene wami.

Kpojemi 21:7

Kunimi yelɔ ɔ maa pee kikɛmɛ a ni nɛ ɔmɛ kulaa yelɔ, nɛ ma pee e Mawu, nɛ lɛ hu e maa pee ye bi.

Hebribi 3:6

se Kristo ɔ e ye anɔkuale kaa bi ngɛ Mawu we ɔ nɔ; lɛ e we ji wɔ, ke wa hɛɛ hɛ kɛ nɔ fɔmi kã kɛ fiami ɔ mi kpɛii kɛ ya su nyagbe ɔ.

Mateo 19:28

Se Yesu de mɛ ke: “Niinɛ, i ngɛ nyɛ dee ke; nyɛ nihi nɛ nyɛ nyɛɛ ye se nɛ ɔ ɔ, benɛ Nɔmlɔ Bi ɔ maa hi e nyami sɛ nɔ ngɛ je he ɔ mi ɔ, nyɛ hu nyɛ maa hi sɛ nyɔngma kɛ enyɔ nɔ, nɛ nyɛ maa kojo Israel wetso nyɔngma kɛ enyɔ ɔ.

Kpojemi 3:5

Kunimi yelɔ ɔ, a maa wo lɛ tade hiɔ, nɛ i be e biɛ gbee ngɛ wami womi ɔ mi gblegbleegblee, nɛ ma wo e biɛ ta ngɛ Tsaatsɛ hɛ mi kɛ e bɔfo ɔmɛ a hɛ mi.

1 Yohane 2:19

Wa kpɛti a je kɛ ho, se kɛ ɔ, pi wa ti ni komɛ ji mɛ, ejakaa wa ti ni komɛ ji mɛ jinɛ a kɛ wɔ ko hi si; se a je benɛ pee nɛ a je a he si kaa tsa pi mɛ tsuo ji wa kpɛti nihi.

1 Tesalonikabi 3:5

Enɛ ɔ he je nɛ imi hu, benɛ i nyɛ we hu ɔ, i tsɔ konɛ ma kɛ le nyɛ hemi kɛ yemi ɔ, kaa alinɔ nɔ kalɔ ɔ ba ka nyɛ nɛ e ha wa dengme nɛ wa gbo ɔ pee yaka lo?

Mateo 10:22

Nɛ nihi tsuo maa nyɛ nyɛ ngɛ ye biɛ ɔ he; se nɔ nɛ hɛɔ mi kɛ pii si ɔ, lɛ ji nɔ nɛ a ma he e yi wami?