Kpojemi 2:23 - Somi He Ɔ

²³ Ma gbe e bimɛ ɔmɛ, nɛ asafo ɔmɛ kulaa ma na maa le kaa imi ji nɔ nɛ leɔ juɛmi kɛ tsui mi susumihi, nɛ ma wo nyɛ ti nɔ tsuaa nɔ hiɔ bɔ nɛ e ni tsumi ɔmɛ ngɛ ɔ.

BAIBLO ALOO NGMAMI KLƆUKLƆU Ɔ

²³ Ma gbe e se nyɛɛli ɔmɛ hulɔ. Kɛkɛ ɔ, asafo ɔmɛ tsuo maa na kaa imi ji nɔ nɛ le adesahi tsuo a juɛmi, kɛ a tsui mi. Ma wo nyɛ ti nɔ tsuaa nɔ hiɔ ngɛ nɔ́ nɛ e tsu ɔ he.

Kpojemi 2:23 ပူးပေါင်းရင်းမြစ်များ

Mateo 16:27

Ejakaa nɔmlɔ Bi ɔ maa ba ngɛ e tsɛ nyami ɔ mi kɛ e bɔfo ɔmɛ; nɛ lɛ be ɔ mi ɔ, e maa wo nɔ tsuaa nɔ hiɔ ngɛ e ni tsumi nya.

Romabi 8:27

Se Mawu nɛ hlaa tsuihi a mi ɔ le nɔ́ nɛ ji Mumi ɔ juɛmi ɔ, ejakaa e daa mi haa ni klɔuklɔu ɔmɛ bɔ nɛ sa Mawu hɛ mi.

Ni Tsumi 1:24

Nɛ a sɔle ke: “Mo, Nyɔmtsɛ nɛ o le nimli kulaa a tsui mi, tsɔɔ ni enyɔ nɛ ɔmɛ a ti nɔ nɛ o hla,

1 Petro 1:17

Nɛ ke nyɛ tsɛɔ nɔ nɛ hyɛ we nihi a hɛ mi se e kojoɔ ngɛ nɔ tsuaa nɔ ni tsumi nya a ke nyɛ tsɛ ɔ, nyɛɛ kɛ gbeye yemi nɛ ba nyɛ je mi ngɛ nyɛ wami be nɛ piɛ nɛ ɔ mi.

Kpojemi 20:12

Nɛ i na ni gbogboe ɔmɛ, ni tsɔwi kɛ ni nguahi nɛ a daa si ngɛ matsɛ sɛ ɔ hɛ mi. A bli womihi a nya, nɛ a bli womi kpa ko nɛ ji wami womi ɔ hu nya. Nɛ akojo ni gbogboe ɔmɛ, ni tsɔwi kɛ ni nguahi, ngɛ nihi nɛ a ngma ngɛ womi ɔmɛ a mi ɔ nya, bɔ nɛ sa a ni tsumi ɔmɛ.

Hebribi 4:13

A laa we bɔ nɔ́ ko ngɛ e hɛ mi, se nihi kulaa ngɛ paa nɛ a bli nɔ ngɛ lɛ nɔ nɛ waa kɛ ngɛ sane ɔ hɛngmɛ mi.

2 Korintobi 5:10

Ejakaa ja wɔ kulaa wa pue paa ngɛ Kristo kojomi sɛ ɔ hɛ mi, konɛ nɔ tsuaa nɔ nɛ na nihi nɛ e pee ngɛ nɔmlɔ tso mi ɔ he hiɔwo, bɔ nɛ e pee ɔ, kpakpa ʼi jio, yaya ʼi jio.

Kpojemi 2:11

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Kunimi yelɔ ɔ, a be lɛ nɔ ko yaya ko pee ngɛ gbenɔ nɛ ji enyɔ ɔ mi.”

Kpojemi 2:7

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Nɔ nɛ yeɔ kunimi ɔ, ma ha lɛ wami tso ɔ nɛ ngɛ ye Mawu ɔ Paradeiso ɔ mi ɔ nɔ yiblii ɔ eko nɛ e ye.”

Romabi 14:12

Lɛɛ lɔ ɔ he ɔ wa ti nɔ tsuaa nɔ maa bu lɛ nitsɛ e he akɔtaa ngɛ ha Mawu.

Yohane 21:17

Yesu bi lɛ nɔ́ nɛ ji si etɛ ke: “Simon, Yona bi, o suɔ mi lo?” E dɔ Petro kaa e bi lɛ si etɛ sɔuu ke: ‘O suɔ mo lo?’ ɔ; nɛ e de lɛ ke: “Mawetsɛ, o le nihi kulaa, o le kas i suɔ mo.” Yesu de lɛ ke: “Lɛɛ ye to omɛ!

Kpojemi 6:8

I hyɛ, nɛ oʼɛ, okpɔngɔ lazu lazu; nɛ nɔ nɛ hii si ngɛ e nɔ ɔ biɛ ji Gbenɔ, nɛ Gbeje nyɛɛ e se; nɛ a ha mɛ he blɔ konɛ a kɛ klaate kɛ hwɔ kɛ gbenɔ hiɔ kɛ zugba a nɔ awi yemi lohewehi nɛ gbe zugba a mi dlami eywiɛ mi kake.

Galatabi 6:5

Ejakaa nɔ tsuaa nɔ maa tloo lɛ nitsɛ e tlomi.

Luka 16:15

Nɛ Yesu de mɛ ke: “Nyɛ ji nihi nɛ nyɛ buu nyɛ he bemi ngɛ nimli a hɛ mi; se Mawu lɛɛ e le nyɛ tsuihi a mi, ejakaa nɔ nɛ ji gojoo ngɛ nimli a hɛ mi ɔ, eji nɔ ko nɛ Mawu nyɛɛ.

Kpojemi 20:13

Nɛ wo je ni gbogboehi nɛ ngɛ e mi ɔ ngɔ ha, nɛ gbenɔ kɛ gbeje je ni gbogboehi nɛ ngɛ a mi ɔ ngɔ ha; nɛ a kojo mɛ, nɔ tsuaa nɔ bɔ nɛ sa e ni tsumi ɔmɛ.

Kpojemi 22:12

“Oʼɛ, i ma nɔuu, nɛ i hɛɛ ye hiɔwo ɔ kɛ ma, nɛ ma wo nɔ tsuaa nɔ hiɔ ngɛ e ni tsumi ɔ nya.

Yohane 4:16

Yesu de lɛ ke: “Yaa nɛ o ya tsɛ o huno nɛ o kɛ lɛ nɛ ba hiɛ ɔ.”