Kpojemi 2:21 - Somi He Ɔ

²¹ I ha lɛ be konɛ e kɛ tsake e tsui, se e sume nɛ e tsake kɛ je ajuama bɔmi ɔ mi.

BAIBLO ALOO NGMAMI KLƆUKLƆU Ɔ

²¹ I ha lɛ be, konɛ e kɛ tsake e tsui, se e sume kaa e ma kpa e yakayaka nyɛɛmi ɔ.

Kpojemi 2:21 ပူးပေါင်းရင်းမြစ်များ

2 Petro 3:9

Tsa pi kɛmi nɛ Nyɔmtsɛ ɔ ha e si womi ɔ se ngɛ kɛe, kaa bɔ nɛ ni komɛ buu kaa e se ngɛ kɛe ɔ, se mohu e tsui si e ngɛ toe kɛ ngɛ wɔ hae, ejakaa e sume kaa ni komɛ nɛ laa, se mohu kaa nihi tsuo a tsake a tsui.

Kpojemi 16:11

nɛ a tu musu bɔmi munyuhi kɛ si Mawu ngɛ hiɔwe ɔ ngɛ a nɔ nami kɛ a pa amɛ a he, se a tsakee we a tsui kɛ ji a ni tsumi ɔmɛ a mi.

Kpojemi 16:9

Nɛ e la dɔmi babauu ɔ sa nimli nɛ tu musu bɔmi munyuhi kɛ si Mawu nɛ ngɛ he wami ngɛ kikɛmɛ a haomi nɛ ɔmɛ a nɔ ɔ biɛ ɔ, se a tsakee we a tsui nɛ a wo e hɛ mi nyami.

2 Petro 3:15

Nyɛɛ bu wa Nyɔmtsɛ tsui si tomi ɔ kaa yi wami hemi, kaa bɔ nɛ wa suɔmi nyɛmi Paulo ɔ hu ngma nyɛ ngɛ ni lemi nɛ a kɛ ha lɛ ɔ nya a.

1 Petro 3:20

Nimli nɛ ɔmɛ ji nihi nɛ blema a, a bui Mawu tue benɛ e to e tsui si nɛ e mlɛ mɛ hluu ngɛ Noa be ɔmɛ a mi, benɛ a ngɛ daka ngua a kpɛe ɔ. Nihi bɔɔ nɛ ngɛ deka a mi — nihi kpaanyɔ — aklaahi a yi wami a he kɛ gu nyu mi.

Romabi 9:22

Se ke Mawu suɔ kaa e je e mi mi fumi kpo ngɔ tsɔɔ nɛ e ha a le e he wami ɔ, se kɛ̃ ɔ, e toɔ e tsui si babauu kɛ hɛɛ mi mi la womi nihi nɛ sa hɛ mi kpatami ɔ,