Kpojemi 2:18 - Somi He Ɔ

¹⁸ “Nɛ Tiatira asafo ɔ bɔfo ɔ, ngmaa ya ha lɛ ke: “Nihi nɛ Mawu Bi ɔ nɛ e hɛngmɛ ngɛ kaa la lilɛ nɛ e nanehi ngɛ kaa ayawa nɛ kpɛɔ nylamnylam ɔ de ji nɛ ɔ nɛ.

BAIBLO ALOO NGMAMI KLƆUKLƆU Ɔ

¹⁸ “Bɔfo ɔ nɛ ngɛ asafo ɔ nya ngɛ Tiatira a, ngmaa womi nɛ ɔ ya ha lɛ ke, “Mawu Bi ɔ, nɔ nɛ e hɛngmɛ ngɛ kpɛe kaa la, nɛ e nane hu ngɛ kpɛe kaa ayawa nɛ a tsu he ɔ, sɛ gbi nɛ je e ngɔ ji nɛ ɔ nɛ.

Kpojemi 2:18 ပူးပေါင်းရင်းမြစ်များ

Kpojemi 1:11

nɛ de mi ke: “Ngmaa nɔ́ nɛ o ngɛ nae ɔ ngɔ wo womi mi, nɛ o kɛ mane asafohi kpaago nɛ ngɛ Efeso, kɛ Smirna, kɛ Pergami, kɛ Tiatira kɛ Sarde, kɛ kɛ Filadelfia, kɛ Laodikea a.

Yohane 1:14

Nɛ Munyu ɔ plɛ he lo, nɛ e ba hi wa kpɛti, nɛ wa na e hɛ mi nyami ɔ kaa Tsɛ ɔ Bi kaketoo ɔ hɛ mi nyami, nɛ dloomi kɛ anɔkuale hyi lɛ tɔtɔɔtɔ.

Mateo 3:17

Nɛ oʼɛ, gbi ko je hiɔwe ke: “Nɔ nɛ ɔ ji ye suɔmi bi nɛ i ngɛ e he tsui ɔ nɛ.”

Romabi 8:32

Mawu nɛ kamaa we wɔ elɛ nitsɛ e Bi ɔ, se mohu e ngɔ lɛ ngɔ ha ngɛ wɔ tsuo wa nane mi ɔ, anɛ e be nihi tsuo kulaa ngɔe ngɔ piɛ e he kɛ ke wɔ lo?

Romabi 1:4

nɔ nɛ ngɛ he tsɔmi mumi ɔ nya a, a gu ni gbogboehi a si temi nɔ je lɛ tsɔɔ ngɛ he wami mi kaa Mawu bi, Yesu Kristo, wa Nyɔmtsɛ ɔ.

Yohane 10:36

nyɛ ngɛ dee ngɛ nɔ nɛ Tsɛ ɔ pee lɛ klɔuklɔu nɛ e tsɔ lɛ kɛ ba je ɔ mi ɔ he ke: ‘O bɔ musu;’ mɛni he je ɔ, i de ke: Mawu bi ji mi ɔ lo?

Yohane 5:25

I ngɛ nyɛ dee anɔkuale mi ke: Ngmlɛfia a ma, nɛ e su ta, nɛ ni gbogboe ɔmɛ maa nu Mawu Bi ɔ gbi, nɛ nihi nɛ nuɔ ɔ yi ma na wa.

Yohane 3:18

Nɔ nɛ heɔ e nɔ yeɔ, a kojo we lɛ, se nɔ nɛ he we yi ɔ, a kojo lɛ momo, ejakaa e he we Mawu bi kake ɔ nɔ yi.

Yohane 3:16

Ejakaa Mawu suɔ je ɔ saminya, nɛ e ngɔ e bi kake ɔ ngɔ ha, konɛ nɔ tsuaa nɔ nɛ heɔ e nɔ yeɔ ɔ hɛ mi ko kpata, se mohu e na neneene wami.

Luka 1:35

Nɛ bɔfo ɔ ha lɛ heto ke: “Mumi Klɔuklɔu maa ba o nɔ, nɛ lɔ ɔ he ɔ jamɛ a bi klɔuklɔu ɔ hu nɛ o ma fɔ ɔ, a ma tsɛ lɛ Mawu bi.

Mateo 27:54

Se benɛ aslaafohi lafa a nyatsɛ ɔ kɛ nihi nɛ kɛ lɛ ngɛ Yesu he bue ɔ, na zugba mimiɛmi ɔ kɛ nihi nɛ a pee ɔ, a ye gbeye wawɛɛ, nɛ a ke: “Niinɛ, Mawu bi ji nɛ ɔ nɛ!”

Mateo 17:5

Benɛ a ngɛ munyu ɔ tue kɛ mwɔɔ ɔ, oʼɛ, bɔku hleii ko ba ha a nɔ, nɛ oʼɛ, gbi je bɔku ɔ mi de ke: “Nɔ nɛ ɔ ji ye suɔmi bi nɛ i naa e he tsui ɔ nɛ; nyɛɛ bu lɛ tue!”

Kpojemi 2:1

“Ngmaa ya ha Efeso asafo ɔ bɔfo ɔ, ke: “Nihi nɛ nɔ nɛ hɛɛ dodoehi kpaago ɔ ngɛ e hiɛ ɔ nine mi nɛ e nyɛɛ sika kane tso kpaago ɔmɛ a kpɛti ɔ de ji nɛ ɔ nɛ:

Yohane 1:49

Natanael he nɔ nɛ e de lɛ ke: “Rabi, mo ji Mawu Bi ɔ nɛ, mo ji Israel matsɛ ɔ nɛ!”

Ni Tsumi 8:36

Nɛ benɛ a ngɛ blɔ ɔ nɔ ɔ, a ba su nyu ko he, nɛ maa je sɔmɔlɔ nɔkɔtɔma a nyɛ a, e ke: “Oʼɛ nyu; mɛni tsiɔ ye baptisimi nya?” [

Ni Tsumi 16:14

Nɛ yo ko nɛ a tsɛɛ lɛ Lidia nɛ ji kɔjai jualɔ ko nɛ je Tiatira ma a mi nɛ yee Mawu gbeye ɔ hu nu. Nɛ Nyɔmtsɛ ɔ bli e tsui nya, kaa e bu nihi nɛ Paulo ngɛ dee ɔ tue.

Kpojemi 2:24

“Se i ngɛ nyɛ dee, nyɛ nihi nɛ piɛ ngɛ Tiatira a, nihi abɔ nɛ hɛɛ we tsɔɔmi nɛ ɔ mi, nɛ li ‘Satan muɔhi nɛ a mi kuɔ ɔ’ (kaa bɔ nɛ a deɔ ɔ) I kɛ tlomi kpã ko be nyɛ nɔ fɔe.