Kpojemi 2:17 - Somi He Ɔ

¹⁷ “Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Nɔ nɛ yeɔ kunimi ɔ, ma ha lɛ mana nɛ a kɛ laa a eko nɛ e ye, nɛ ma ha lɛ tɛ hiɔ, nɛ tɛ ɔ nɔ ɔ, a ngma biɛ he nɛ nɔ ko li ja nɔ nɛ naa a.”

BAIBLO ALOO NGMAMI KLƆUKLƆU Ɔ

¹⁷ “Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue! “Ni nɛmɛ nɛ maa ye kunimi ɔ, ma ha mɛ mana nɛ a kɛ laa a eko. Jehanɛ se hu, ma ha a ti nɔ tsuaa nɔ tɛ hiɔ nɛ a ngma biɛ he ngɛ nɔ. Biɛ nɛ ɔ, nɔ ko nɔ ko li, ja nɔ nɛ a ngɔ tɛ ɔ ngɔ ha lɛ ɔ pɛ.

Kpojemi 2:17 ပူးပေါင်းရင်းမြစ်များ

Mateo 13:11

Se e he nɔ nɛ e de mɛ ke: “Ejakaa nyɛɛ lɛɛ a ngɔ hiɔwe matsɛ yemi ɔ mi laami sane ɔmɛ ngɔ ha nyɛ ke nyɛɛ le, se mɛɛ lɛɛ a kɛ hi me.

Marko 7:16

Ke nɔ ko ngɛ tue nɛ e kɛ maa nu ɔ, e nu.]

Yohane 4:32

Se e de mɛ ke: “I ngɛ ngma nɛ i yeɔ nɛ nyɛ li.”

1 Korintobi 2:14

Se nɔmlɔ su nɛ a kɛ fɔ lɛ ɔ he we Mawu Mumi ɔ ni ɔmɛ; ejakaa e peɔ lɛ kaa kuasiahi a sane ʼi, nɛ e nɛ́ nya, ejaka mumi a kɛ hlaa nya.

Kolosebi 3:3

Ejakaa nyɛ gbo nɛ a ngɔ nyɛ wami ɔ kɛ Kristo tsuo ngɔ laa ngɛ Mawu mi.

Kpojemi 14:3

Nɛ a ngɛ Ta he ko lae ngɛ matsɛ sɛ ɔ hɛ mi kɛ hɛ kali eywiɛ kɛ nikɔtɔma amɛ a hɛ mi; nɛ nɔ ko nyɛ we la a nɛ e kase, ja nimli akpe lafa nyingmi eywiɛ kɛ eywiɛ ɔ nɛ a kpɔ kɛ je zugba a nɔ ɔ kɛkɛ.

Kpojemi 19:16

Nɛ a ngma biɛ ko ngɛ e tade kɛ e fiɔ he ke: “Matsɛmɛ a Matsɛ kɛ nyɔmtsɛmɛ a Nyɔmtsɛ.”

Kpojemi 2:11

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Kunimi yelɔ ɔ, a be lɛ nɔ ko yaya ko pee ngɛ gbenɔ nɛ ji enyɔ ɔ mi.”

Kpojemi 2:7

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Nɔ nɛ yeɔ kunimi ɔ, ma ha lɛ wami tso ɔ nɛ ngɛ ye Mawu ɔ Paradeiso ɔ mi ɔ nɔ yiblii ɔ eko nɛ e ye.”

Kpojemi 3:22

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee o.”

Kpojemi 3:6

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ deɔ ɔ.