Kpojemi 2:13 - Somi He Ɔ

¹³ I le he nɛ o hii ɔ, he nɛ Satan matsɛ sɛ ɔ ngɛ ɔ. O hɛɛ ye biɛ ɔ mi, nɛ o kua we o hemi kɛ yemi ɔ ngɛ jamɛ a ligbi ɔmɛ a mi po, bene a gbe Antipa, ye o daseyelɔ anɔkualetsɛ ɔ ngɛ nyɛ kpɛti, he nɛ Satan hii ɔ.

BAIBLO ALOO NGMAMI KLƆUKLƆU Ɔ

¹³ I le o hi he ɔ kaa Abosiami matsɛ sɛ ɔ ngɛ lejɛ ɔ. Se o pɛtɛ ye biɛ he. Nɛ benɛ a gbe Antipa tete po ɔ, hemi kɛ yemi nɛ o ngɛ ngɛ ye mi ɔ, o ngmɛɛ we he. Niinɛ, Antipa ye ye he odase nɛ e ye mi anɔkuale. Nɛ sane kpakpa a nɛ e ngɛ fiɛe ɔ he je ɔ, a gbe lɛ ngɛ nyɛ kpɛti ngɛ he nɛ Abosiami ngɛ ɔ.

Kpojemi 2:13 ပူးပေါင်းရင်းမြစ်များ

Mateo 10:23

Se ke a ngɛ nyɛ yi mi wae ngɛ ma nɛ ɔ mi ɔ, nyɛɛ tu fo kɛ ya ekpa mi; se niinɛ, i ngɛ nyɛ dee ke: Nyɛ be Israel ma amɛ tsuo nya gbee loko Nɔmlɔ Bi ɔ maa ba.

Mateo 24:9

“Lɛ be ɔ mi ɔ, a ma je nyɛ ngɔ wo dengme mi, nɛ a maa gbe nyɛ; nɛ ye biɛ ɔ he ɔ majemaje tsuo maa nyɛ nyɛ.

Mateo 4:10

Kɛkɛ nɛ Yesu de lɛ ke: “Jee ye nɔ, Satan! ejakaa a ngma ke: ‘Nyɔmtsɛ, o Mawu ɔ, o ja, nɛ lɛ kɛkɛ o sɔmɔ!’ ”

Luka 21:17

nɛ nihi tsuo maa nyɛ nyɛ ngɛ ye biɛ ɔ he.

Ni Tsumi 22:20

nɛ benɛ a pue Stefano, o he odaseyelɔ ɔ, muɔ si ɔ, imi hu i daa si ngɛ lejɛ ɔ, nɛ ye bua jɔ e gbenɔ he, nɛ i bu nihi nɛ gbe lɛ ɔmɛ a bo ɔmɛ a he.’

Ni Tsumi 9:14

Nɛ hiɛ ɔ hu tete, e na he blɔ kɛ je osɔfo nikɔtɔma amɛ a ngɔ kaa e ba fi nihi tsuo nɛ tɛliɔ ngɛ o biɛ ɔ mi ɔ.”

1 Tesalonikabi 5:21

Nyɛɛ ka nihi kulaa hyɛ, nɛ nɔ́ nɛ hi ɔ, nyɛɛ pɛtɛ he.

1 Timoteo 5:8

Ke nɔ ko hyɛ we lɛ nitsɛ e nihi, titli ɔ, lɛ nitsɛ e we mi bimɛ ɔ, e kpa ngɛ hemi kɛ yemi ɔ se, nɛ afani nɔ nɛ he we yi ɔ ngɛ e he.

2 Timoteo 1:13

Pɛtɛ tsami munyu nɛ o nu kɛ je ye nya a nɔ hyɛmi nɔ́ ɔ he ngɛ hemi kɛ yemi kɛ suɔmi nɛ ngɛ Kristo Yesu mi ɔ mi.

2 Timoteo 2:12

Ke wa mia wa hɛ mi ngɛ nɔ nami mi ɔ, waa kɛ lɛ maa ye matsɛ hulɔ; Ke wa kpa ngɛ e se ɔ, lɛ hu e ma kpa ngɛ wa se.

Hebribi 10:23

Nyɛ ha waa pɛtɛ wa hɛ kɛ nɔ fɔmi nɛ wa jaje ɔ mi wawɛɛ, ejakaa nɔ nɛ wo si ɔ anɔkualetsɛ ji lɛ.

Hebribi 3:6

se Kristo ɔ e ye anɔkuale kaa bi ngɛ Mawu we ɔ nɔ; lɛ e we ji wɔ, ke wa hɛɛ hɛ kɛ nɔ fɔmi kã kɛ fiami ɔ mi kpɛii kɛ ya su nyagbe ɔ.

Yakobo 2:7

Anɛ pi mɛ nɔuu nɛ a gbee biɛ kpakpa nɛ a kɛ tsɛɔ nyɛ ɔ he guɛ ɔ lo?

Kpojemi 1:5

nɛ kɛ je Yesu Kristo, nɛ ji odaseyelɔ anɔkualetsɛ ɔ, ni gbogboehi a kpɛti kekleekle bi kɛ zugba a nɔ matsɛmɛ ɔmɛ a nɔyelɔ ɔ dɛ mi. Nɔ nɛ suɔ wɔ, nɛ e kɛ lɛ nitsɛ e muɔ tsukɔ wa he kɛ je wa he yayami ɔmɛ a mi,

Kpojemi 11:3

Nɛ ma ha ye odaseyeli enyɔ ɔ ma bu kpekpe nɛ a maa gba ligbihi akpe kɛ lafa enyɔ kɛ nyingmi ekpa.”

Kpojemi 12:11

Nɛ mɛɛ lɛɛ, Tobi ɔ muɔ ɔ kɛ mɛ nitsɛmɛ a odase yemi munyu ɔ, a kɛ ye e nɔ, nɛ a klɔɛ mɛ nitsɛmɛ a wami he kɛ ya su gbenɔ mi tete.

Kpojemi 13:2

Nɛ lohwe ɔ nɛ i na a ngɛ kaa ogbetee, nɛ e nanehi ngɛ kaa osisibliisii nanehi, nɛ e nya ngɛ kaa jata nya. Nɛ sinɔ ngua a ngɔ lɛ nitsɛ e he wami ɔ kɛ e matsɛ sɛ ɔ kɛ he blɔ ngua a ngɔ ha lɛ.

Kpojemi 14:12

Hiɛ ɔ klɔuklɔu bi ɔmɛ nɛ yeɔ Mawu kita amɛ kɛ Yesu nɔ hemi kɛ yemi ɔ nɔ ɔ a tsui si tomi ɔ ngɛ.

Kpojemi 17:14

Ni nɛ ɔmɛ kɛ Tobi ɔ maa huw ta, nɛ Tobi ɔ maa ye a nɔ, ejakaa lɛ ji nyɔmtsɛmɛ a Nyɔmtsɛ kɛ matsɛmɛ a Matsɛ, nɛ nihi nɛ a kɛ lɛ ngɛ ɔ ji ninɛmɛ nɛ a tsɛ kɛ ninɛmɛ nɛ a hia kɛ ninɛmɛ nɛ heɔ yeɔ ɔ.”

Kpojemi 17:6

Nɛ i na yo ɔ kaa klɔuklɔu bi ɔmɛ a muɔ ɔ kɛ Yesu he odase yeli ɔmɛ a muɔ ɔ de lɛ da. Benɛ i na lɛ ɔ ye nya kpɛ ye he wawɛɛ nitsɛ.

Kpojemi 2:2

I le o ni tsumi ɔmɛ kɛ o dengme gbomi ɔ, kɛ o tsui si tomi ɔ, kɛ bɔ nɛ o kplɛɛ we nimli yayami ɔmɛ a ni peepee ɔmɛ a nɔ, se ɛo ka nihi nɛ deɔ ke bɔfohi ji mɛ se a pi ja a, nɛ o na kaa lakpatsɛmɛ ji mɛ.

Kpojemi 3:11

Oʼɛ, i ma oya; pɛtɛ nɔ nɛ o ngɛ ɔ he nɛ wa, konɛ nɔ ko ko kpɔ o jlasi ɔ!

Kpojemi 3:3

Lɔɔ he ɔ kaii nɔ́ nɛ a tsɔɔ mo kɛ bɔ nɛ o nu ɔ nɛ o kɛ to, nɛ o tsake o tsui. Se jehanɛ ke o hɛ tsɛ́ ɔ, ma tua mo kaa juɔ, nɛ o be lee ngmlɛfia nɔ nɛ ma ba a kulaa.