Kpojemi 2:11 - Somi He Ɔ

¹¹ “Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Kunimi yelɔ ɔ, a be lɛ nɔ ko yaya ko pee ngɛ gbenɔ nɛ ji enyɔ ɔ mi.”

BAIBLO ALOO NGMAMI KLƆUKLƆU Ɔ

¹¹ “Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue. “Ni nɛmɛ nɛ maa ye kunimi ɔ, gbenɔ enyɔne ɔ be mɛ nae.

Kpojemi 2:11 ပူးပေါင်းရင်းမြစ်များ

Mateo 11:15

Nɔ nɛ ngɛ tue nɛ e kɛ maa nu ɔ, e nu!

Mateo 13:9

Nɔ nɛ ngɛ tue ɔ, e nu.”

Marko 4:9

Nɛ Yesu de ke: “Nɔ nɛ ngɛ tue nɛ e kɛ maa nu ɔ, e nu.”

Marko 7:16

Ke nɔ ko ngɛ tue nɛ e kɛ maa nu ɔ, e nu.]

Luka 8:8

Nɛ eko hu ya nɔ zugba kpakpa nɔ, nɛ e puɛ, nɛ e wo yiblii totoe lafa.” Benɛ e de ni nɛ ɔmɛ ɔ, e wo e gbi nɔ nɛ e de ke: “Nɔ nɛ ngɛ tue nɛ e kɛ maa nu ɔ, e nu.”

Kpojemi 13:9

“Ke nɔ ko ngɛ tue ɔ, e nu!

Kpojemi 2:17

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Nɔ nɛ yeɔ kunimi ɔ, ma ha lɛ mana nɛ a kɛ laa a eko nɛ e ye, nɛ ma ha lɛ tɛ hiɔ, nɛ tɛ ɔ nɔ ɔ, a ngma biɛ he nɛ nɔ ko li ja nɔ nɛ naa a.”

Kpojemi 2:7

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Nɔ nɛ yeɔ kunimi ɔ, ma ha lɛ wami tso ɔ nɛ ngɛ ye Mawu ɔ Paradeiso ɔ mi ɔ nɔ yiblii ɔ eko nɛ e ye.”

Kpojemi 20:14

Nɛ gbenɔ kɛ gbeje lɛɛ, a sake mɛ ngɔ pue la taku ɔ mi. Enɛ ɔ ji gbenɔ nɛ ji enyɔ ɔ nɛ.

Kpojemi 20:6

Nɔ nɛ a gbaa kɛ nɔ klɔuklɔu ji nɔ nɛ ma na blɔ nya ngɛ kekleekle si temi ɔ mi; gbenɔ nɛ ji enyɔ ɔ be he wami ko ngɛ jamɛ a nimli ɔmɛ a nɔ; se mohu a ma plɛ Mawu kɛ Kristo osɔfohi, nɛ a kɛ lɛ maa ye matsɛ jeha akpe.

Kpojemi 21:7

Kunimi yelɔ ɔ maa pee kikɛmɛ a ni nɛ ɔmɛ kulaa yelɔ, nɛ ma pee e Mawu, nɛ lɛ hu e maa pee ye bi.

Kpojemi 21:8

Se ninɛmɛ nɛ ji sfɔli kɛ ninɛmɛ nɛ he we yi kɛ nihi nɛ peɔ ninyɛ nihi kɛ awi yeli kɛ ya holi kɛ nyuali kɛ wɔ jali kɛ lakpatsɛmɛ kulaa a, a ma na a blɔ nya ngɛ taku ɔ nɛ ngɛ tsoe kɛ la gligliigli ɔ mi, nɔ́ nɛ ji gbenɔ nɛ ji enyɔ ɔ.”

Kpojemi 3:12

Kunim yelɔ ɔ, ma ngɔ lɛ ngɔ pee Titima ngɛ ye Mawu ɔ sɔlemi tsu ɔ mi, nɛ e be kpo jee hu, nɛ ma ngma ye Mawu ɔ biɛ, kɛ ye Mawu ɔ ma nɛ ji Yerusalem he nɛ jee ye Mawu ngɔ ɔ biɛ, kɛ mi nitsɛ ye biɛ he ɔ ngɛ e nɔ.

Kpojemi 3:13

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ!”

Kpojemi 3:5

Kunimi yelɔ ɔ, a maa wo lɛ tade hiɔ, nɛ i be e biɛ gbee ngɛ wami womi ɔ mi gblegbleegblee, nɛ ma wo e biɛ ta ngɛ Tsaatsɛ hɛ mi kɛ e bɔfo ɔmɛ a hɛ mi.

Kpojemi 3:6

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ deɔ ɔ.