Kpojemi 19:7 - Somi He Ɔ

⁷ Nyɛ ha wa bua nɛ jɔ nɛ wa mi nɛ flii wɔ nɛ waa wo e hɛ mi nyami; ejakaa Tobi ɔ yokpeemi ɔ su, nɛ e yo ɔ dla e he ngɔ to.

BAIBLO ALOO NGMAMI KLƆUKLƆU Ɔ

⁷ Nyɛ ha nɛ wa bua nɛ jɔ, nɛ wa nya! Nyɛ ha nɛ wa je e yi, ejakaa e kle! Ejakaa be ɔ su nɛ To bi ɔ maa kpee yo, nɛ ayɛflo ɔ dla e he ngɔ to.

Kpojemi 19:7 ပူးပေါင်းရင်းမြစ်များ

Mateo 1:20

Se benɛ e ngɛ ni nɛ ɔmɛ kulaa a he susue ɔ, oʼɛ, Nyɔmtsɛ ɔ bɔfo je e he kpo ngɔ tsɔɔ lɛ ngɛ nlami mi, nɛ e de lɛ ke: “Yosef, David bi, koo ye o yo Maria a ngɔmi gbeye, se hɔ nɛ e hɛɛ nɛ ɔ ɔ, e je Mumi Klɔuklɔu ɔ mi;

Mateo 22:2

“Hiɔwe matsɛ yemi ɔ ngɛ kaa matsɛ ko nɛ ngmɛ yo kpeemi okplɔɔ ha e bi.

Luka 12:36

nɛ nyɛɛ pee kaa nihi nɛ ngɛ a nyɔmtsɛ blɔ hyɛe be mi nɛ e maa je yokpeemi ɔ kɛ ba a, konɛ ke e ba nɛ e ba si ɔ, kɛkɛ nɛ a bli lɛ amlɔ.

Yohane 3:29

Nɔ nɛ nɔ́ ji ayɛflo ɔ, lɛ ji ayɛflo huno; se ayɛflo huno ɔ huɛ nɛ daa si ngɛ lɛ tue bue ɔ, nya e nyaa ngɛ ayɛflo huno ɔ gbi he. Lɔ ɔ he ɔ ye kikɛmɛ a nyami nɛ ɔ ba mi.

2 Korintobi 11:2

Ejakaa i jee nyɛ he hunga haa Mawu; ejakaa i bi nyɛ si ha Kristo, konɛ ma ngɔ zangmayo nɛ he tsɔ ya ha nyumu kake.

Efesobi 5:23

Ejakaa huno ɔ ji yo ɔ yi, kaa bɔ nɛ Kristo hu ji asafo ɔ yi, nɛ lɛ nɔuu ji nɔmlɔ tso ɔ yi wami helɔ ɔ.

Efesobi 5:32

Kikɛmɛ a laami sane nɛ ɔ mi jiɔ, se imi lɛɛ i ngɛ enɛ ɔ dee kɛ ngɛ Kristo kɛ asafo ɔ he toe.

Filipibi 3:3

Ejakaa wɔ ninɛmɛ nɛ wa jaa Mawu ngɛ mumi nya, nɛ waa kɛ wa hɛ fɔɛ he lo nɔ, se Kristo Yesu nɔ mohu wa fiaa ngɔ fɔɔ ɔ, wɔ mohu ji ninɛmɛ nɛ a po mɛ ɔ nɛ.

Kpojemi 11:13

Nɛ lɛ ngmlɛfia a nɔ nɔuu ɔ, zugba mimiɛ wawɛɛ, nɛ ma a mi dlami nyɔngma mi kake hule, nɛ zugba mimiɛmi ɔ mi ɔ, a gbe nimli akpe kpaago. Ninɛmɛ nɛ piɛ ɔ ye gbeye, nɛ a ngɔ hɛ mi nyami ngɔ ha hiɔwe Mawu ɔ.

Kpojemi 19:9

Kɛkɛ nɛ hiɔwe bɔfo ɔ de mi ke: “Ngmaa: A gbaa nihi nɛ a tsɛ mɛ kɛ ba Tobi ɔ yo kpeemi okplɔɔɔ ɔ he ɔ.” Nɛ e de mi ke: “Mawu anɔkuale munyuhi ji nɛ ɔmɛ ɔ nɛ.”

Kpojemi 21:2

Nɛ imi Yohane i na ma klɔuklɔu ɔ nɛ ji Yerusalem he ɔ je Mawu ngɔ ngɛ hiɔwe kɛ ngɛ si kplee, nɛ a dla lɛ kaa ayɛflo nɛ a wo lɛ ni ha e huno.

Kpojemi 21:9

Nɛ hiɔwe bɔfohi kpaago nɛ hɛɛ tsinesa kpaago nɛ hyi tɔtɔɔtɔ kɛ nyagbe haomi kpaago ɔ a kpɛti nɔ kake ba ye ngɔ nɛ e kɛ mi ba tu munyu ke: “Ba, nɛ ma tsɔɔ mo ayɛflo ɔ nɛ ji Tobi ɔ yo ɔ.”