Kpojemi 19:6 - Somi He Ɔ

⁶ Nɛ i nu gbi ko kaa nimli asafo babauu gbi kɛ nyu babauu pɛmi kɛ hiɔwe simi nɛ nyɛ wa pɛmi nɛ ngɛ dee ke: “Haleluya! Ejakaa Nyɔmtsɛ, wa Mawu Ope ɔ, ngɛ matsɛ yee.

BAIBLO ALOO NGMAMI KLƆUKLƆU Ɔ

⁶ Jehanɛ ɔ, i nu nɛ nɔ́ ko ngɛ pɛe ngɛ hiɔwe kaa nihi babauu a gbi, loo pa nɛ hia kɛ bee, loo hiɔwe nɛ ngɛ sie wawɛɛ. I nu nɛ a ngɛ dee ke, “A je Mawu yi! Ejakaa Nyɔmtsɛ, wa Mawu Ope ɔ ngɛ matsɛ yee!

Kpojemi 19:6 ပူးပေါင်းရင်းမြစ်များ

Mateo 6:13

Nɛ o kɛ wɔ ko ya kami mi se je wɔ kɛ je nɔ yayami ɔ dɛ mi.’

Kpojemi 1:15

nɛ e nanehi ngɛ kaa ayawa klaiklai nɛ tsu ngɛ flɔnɔɔ mi, nɛ e gbi ngɛ kaa nyu babauu pɛmi.

Kpojemi 1:8

Nyɔmtsɛ Mawu ɔ nɛ ji nɔ nɛ ngɛ ɔ, kɛ nɔ nɛ hi si sa a, kɛ nɔ nɛ maa ba, nɛ ji ope ɔ, ke: “Ami ji Alfa a kɛ Omega a” (kekleekle nɔ kɛ nyagbe nɔ).

Kpojemi 12:10

Nɛ i nu gbi ngua ko ngɛ hiɔwe ke: “Jehanɛ yi wami hemi ɔ kɛ he wami ɔ kɛ matsɛ yemi ɔ plɛ wa Mawu ɔ nɔ, nɛ a kɛ he blɔ ɔ ha e Kristo (nɔ nɛ a pɔ lɛ nu) ɔ, ejakaa a sake wa nyɛmimɛ ɔmɛ a nya polɔ ɔ nɛ poo a nya ngɛ wa Mawu ɔ hɛ mi nyɔ kɛ pia a ngɔ fɔ he.

Kpojemi 14:2

Nɛ i nu gbi ko kɛ je hiɔwe kaa nyu babauu pɛmi, nɛ jehanɛ hu kaa hiɔwe simi wawɛɛ pɛmi. Gbi nɛ i nu ɔ ngɛ kaa sakufiali nɛ hɛɛ a sakuhi nɛ a ngɛ fiae ɔ a gbi.

Kpojemi 19:1

Ni nɛ ɔmɛ a se ɔ, i nu gbi ngua nɛ ngɛ kaa nimli asafo babauu gbi ngɛ hiɔwe nɛ ngɛ dee ke: “Haleluya! Yi wami hemi kɛ hɛ mi nyami kɛ agboje kɛ he wami ɔ ji Nyɔmtsɛ wa Mawu ɔ nɔ!

Kpojemi 19:4

Nɛ nikɔtɔmahi nyingmi enyɔ kɛ eywiɛ ɔ kɛ hɛ kali eywiɛ ɔ bu si nɛ a ja Mawu nɛ hii si ngɛ matsɛ sɛ ɔ nɔ ɔ, nɛ a ke: “Amen, Haleluya!”

Kpojemi 21:22

I nɛ sɔlemi tsu ko ngɛ ma a mi, ejakaa Nyɔmtsɛ Mawu Ope ɔ kɛ Tobi ɔ ji e sɔlemi tsu.

Kpojemi 4:5

Nɛ oslaba gbami kɛ gbi kɛ hiɔwe simi je matsɛ sɛ ɔ mi, nɛ la hahi kpaago nɛ ngɛ tsoe nɛ ji Mawu mumihi kpaago ɔ ngɛ matsɛ sɛ ɔ hɛ mi.

Kpojemi 6:1

Kɛkɛ nɛ i na kaa Tobi ɔ tsɔ nya sɔumi kpaago ɔ kake; nɛ i nu kaa hɛ kali eywiɛ ɔmɛ a kpɛti nɔ kake kɛ gbi nɛ ngɛ kaa hiɔwe simi de ke: “Ba nɛ o ba hyɛ!”

Kpojemi 8:5

Nɛ hiɔwe bɔfo ɔ wo tsopa kɛ e he via sami nɔ́ ɔ, nɛ e je bɔ sami latɛ ɔ nɔ la a eko ngɔ wo mi tɔtɔɔtɔ, nɛ e ngɔ hɛ pue zugba a nɔ, nɛ hiɔwe simi kɛ gbihi kɛ oslaba gbami kɛ zugba mimiɛmi ba.