Kpojemi 19:14 - Somi He Ɔ

¹⁴ Nɛ tahi nɛ ngɛ hiɔwe ɔ hi okpɔngɔ hiɔhi a nɔ kɛ nyɛɛ e se, nɛ a wo kploba nɛ he tsɔ.

BAIBLO ALOO NGMAMI KLƆUKLƆU Ɔ

¹⁴ Hiɔwe ta buli ɔmɛ wo tade nɛ a kɛ kploba hiɔ ngmingmiingmi nɛ ngɛ kpɛe klaiklai kpɛ, nɛ a hi okpɔngɔ hiɔhi a nɔ kɛ nyɛɛ e se.

Kpojemi 19:14 ပူးပေါင်းရင်းမြစ်များ

Mateo 21:5

“Nyɛ de Zion biyo ɔ ke: Oʼɛ, o matsɛ ɔ ma o ngɔ, E he jɔ nɛ e hi teji nɔ Kɛ teji nɛ ji ni tsumi lohwe ɔ bi nɔ.”

Mateo 26:53

Aloo o susu kaa i be nyɛe Tsaatsɛ pɛɛ ma kpa nɛ amlɔ nɛ ɔ nɔuu e ma ha mi hiɔwe bɔfohi pe asafo nyɔnmga kɛ enyɔ nɛ a ba fã ye he?

Mateo 28:3

Nɛ e hɛ mi kpɛ kaa slaba la, nɛ e tade ɔ hu hiɛ futafuta kaa snoo.

2 Tesalonikabi 1:7

nɛ nyɛ ninɛmɛ nɛ a ngɛ nyɛ haoe ɔ, e ma ha waa kɛ nyɛ tsuo he jɔɔmi, benɛ a ma je Mawetsɛ Yesu kpo kɛ maa je hiɔwe kɛ e he wami bɔfo ɔmɛ ɔ,

Yuda 1:14

Nimli nɛ ɔmɛ a he nɛ Henok nɔ nɛ ji nɔ kapaago kɛ je Adam nɔ ɔ gba ngɛ ke: “Oʼɛ, Nyɔmtsɛ ɔ ma kɛ e klɔuklɔu bihi akpe nyɔngma nyɔngmahi abɔ,

Kpojemi 14:1

Kɛkɛ nɛ i hyɛ, nɛ oʼɛ, Tobi ɔ daa si ngɛ Zion yoku ɔ nɔ, nɛ nimli akpe lafa nyingmi eywiɛ kɛ eywiɛ nɛ a ngma e biɛ kɛ e Tsɛ biɛ ngɛ a hɛ nya a piɛ e he.

Kpojemi 14:20

Nɛ a naa wai ngami nɔ ɔ nɔ ngɛ ma a se, nɛ muɔ je wai ngami nɔ ɔ mi kɛ kuɔ kɛ ya su okpɔngɔhi a nya mi dade ɔmɛ a he maa pee si tomi lafa enyɔ.

Kpojemi 17:14

Ni nɛ ɔmɛ kɛ Tobi ɔ maa huw ta, nɛ Tobi ɔ maa ye a nɔ, ejakaa lɛ ji nyɔmtsɛmɛ a Nyɔmtsɛ kɛ matsɛmɛ a Matsɛ, nɛ nihi nɛ a kɛ lɛ ngɛ ɔ ji ninɛmɛ nɛ a tsɛ kɛ ninɛmɛ nɛ a hia kɛ ninɛmɛ nɛ heɔ yeɔ ɔ.”

Kpojemi 19:11

Kɛkɛ nɛ i na nɛ a bli hiɔwe nya, nɛ oʼɛ, okpɔngɔ hiɔ, nɛ nɔ nɛ hii si ngɛ nɔ ɔ, a tsɛɛ lɛ ke: Anɔkualetsɛ kɛ Dalɔ; dami nya e kojo ɔ nɛ e hwuɔ ta ngɛ.

Kpojemi 19:8

Nɛ a hã lɛ kploba nɛ he tsɔ nɛ ngɛ kpee nylamnylam konɛ e bu.” (Ejakaa kploba ji klɔuklɔu bi ɔmɛ a ni tsumi kpakpa amɛ ɔ nɛ.)

Kpojemi 3:4

Se kɛ ɔ, o ngɛ nihi bɔɔ ko ngɛ Sarde, nihi nɛ wui a tade ɔmɛ mu; a kɛ mi maa nyɛɛ ngɛ tade hiɔhi a mi, ejakaa a sa ja.

Kpojemi 4:4

Nɛ matsɛ sɛ ɔ he ɔ, matsɛ sɛhi nyingmi enyɔ kɛ eywiɛ bɔle lɛ kɛ kpe, nɛ nikɔtɔmahi nyingmi enyɔ kɛ eywiɛ hii si ngɛ sɛ ɔmɛ a nɔ; sa wo tade hiɔhi, nɛ sika jlasi fi a yi.

Kpojemi 7:9

Enɛ ɔ se ɔ i hyɛ, nɛ oʼɛ, nimli asafo nɛ nɔ ko nɔ ko be nyɛe maa kane nɛ je je mi ma tsuaa je mi ma kɛ wɛtsohi kɛ mahi kɛ mahi a nɔ gbihi a mi nɛ a daa si ngɛ matsɛ sɛ ɔ hɛ mi kɛ Tobi ɔ hɛ mi, nɛ a wo tade hiɔ, nɛ a hɛɛ tã kuɔmihi ngɛ a dɛ,