Kpojemi 18:24 - Somi He Ɔ

²⁴ Babilon mi a na gbali kɛ klɔuklɔu bihi kɛ nihi tsuo nɛ a gbe ngɛ zugba a nɔ ɔ a muɔ ɔ ngɛ.”

BAIBLO ALOO NGMAMI KLƆUKLƆU Ɔ

²⁴ Babilon yeɔ fɔ kaa e gbe gbali ɔmɛ, kɛ ni klɔuklɔu ɔmɛ. Ee, Babilon pue ni kpahi babauu hu a muɔ si ngɛ je ɔ mi.

Kpojemi 18:24 ပူးပေါင်းရင်းမြစ်များ

Mateo 23:27

“Musu tloo nyɛ mlaa tsɔɔli kɛ Farisifohi osatotsɛmɛ, ejakaa nyɛ ngɛ kaa yɔkɔhi nɛ a sa he nɛ a he pee fɛu mohu, sɛ a mi hyi tɔtɔɔtɔ kɛ ni gbogboehi a wuhi kɛ mu slɔɔtohi tsuo.

Mateo 23:35

Benɛ pee nɛ dali a muɔ tsuo nɛ a pue si ngɛ zugba a nɔ kɛ je Abel, dalɔ ɔ, muɔ ɔ nɔ kɛ ba su Zakaria, Barakia bi ɔ, nɛ nyɛ gbe ngɛ sɔlemi tsu ɔ kɛ bɔ sami latɛ ɔ kpɛti ɔ, muɔ ɔ nɛ ba nyɛ nɔ.

Ni Tsumi 7:52

Gbali ɔmɛ a ti mɛnɔ nyɛ tsɛmɛ ɔmɛ wɛ́ lɛ yi mi hyɛ? Nɛ a gbe nihi nɛ gba sa ngɛ dalɔ ɔ bami ɔ he ɔ, nɔ nɛ jeha nɛ ɔ nyɛ plɛ e se blɔ tsɔɔli kɛ awi yeli ɔ,

1 Tesalonikabi 2:15

nihi nɛ gbe Nyɔmtsɛ Yesu kɛ mɛ nitsɛmɛ a gbali ɔmɛ hulɔ, nɛ a waa wɔ hu yi mi, nɛ a sɛ́ Mawu hɛ mi, nɛ a kɛ nimli tsuo yi,

Kpojemi 11:7

Nɛ ke a gbe a odaseyemi ɔ nya a, lohwe ɔ nɛ je muɔ voo ɔ mi ɔ kɛ mɛ maa hwu ta, nɛ e maa ye a nɔ, nɛ e maa gbe mɛ;

Kpojemi 16:6

A pue klɔuklɔu bi ɔmɛ kɛ gbali ɔmɛ a muɔ si, nɛ lɔ ɔ he ɔ muɔ nɔuu o ha mɛ nɛ a nu, ejakaa e sa mɛ ja.”

Kpojemi 17:6

Nɛ i na yo ɔ kaa klɔuklɔu bi ɔmɛ a muɔ ɔ kɛ Yesu he odase yeli ɔmɛ a muɔ ɔ de lɛ da. Benɛ i na lɛ ɔ ye nya kpɛ ye he wawɛɛ nitsɛ.

Kpojemi 19:2

Ejakaa zanɔkuale kɛ dami ji e kojomi ɔmɛ, akɛnɛ e kojo ajuama kpanaaku ɔ nɛ kɛ e juama bɔmi ɔ puɛ zugba a, nɛ Mawu ye e sɔmɔli ɔmɛ a muɔ ɔ he lue.”