Kpojemi 17:7 - Somi He Ɔ

⁷ Nɛ hiɔwe bɔfo ɔ de mi ke: “Mɛni he je o nya ngɛ o he kpɛe? Ma sɛɛ mo yo ɔ kɛ lohwe nɛ e hii si ngɛ nɔ nɛ ngɛ yi kpaago kɛ koli nyɔngma a he laami sane ɔ.

BAIBLO ALOO NGMAMI KLƆUKLƆU Ɔ

⁷ Bɔfo ɔ bi mi ke “Mɛni he je nɛ o nya kpɛ o he ɔ?” E ya nɔ nɛ e de mi ke, “Yo ɔ nɛ hii si ngɛ lohwe awi yelɔ ɔ nɛ ngɛ yi kpaago kɛ koli nyɔngma a nɔ ɔ, laami sane ɔ nɛ kɔɔ e he ɔ, ma je tsɔɔ mo.

Kpojemi 17:7 ပူးပေါင်းရင်းမြစ်များ

2 Tesalonikabi 2:7

Ejakaa mlaa kuami laami sane ɔ ngɛ ni tsue momo; se ja a je nɔ́ nɛ ngɛ nɔ ngɛ blɔ tsie ɔ kɛ je blɔ mi lolo.

Kpojemi 1:20

dodoehi kpaago nɛ o na ngɛ ye hiɛ ɔ nɔ ɔ laami sane ɔ, kɛ sika kane tsohi kpaago ɔ. Dodoehi kpaago ɔ ji asafohi kpaago ɔmɛ a bɔfohi, kɛ kane tsohi kpaago nɛ o na a ji asafohi kpaago ɔmɛ ɔ nɛ.”

Kpojemi 12:3

Nɛ a na okadi kpa ngɛ hiɔwe, nɛ oʼɛ, sinɔ ngua tsutsuutsu kpetekpleenyɛ nɛ ngɛ yi kpaago kɛ koli nyɔngma, nɛ matsɛ pɛɛ kpaago bu e yi ɔmɛ a nɔ.

Kpojemi 17:8

Lohwe ɔ nɛ o na a hi si hyɛ, se e be hu. E maa je muɔ voo ɔ mi kɛ je kpo kɛ ba be kɛ ho hɛ mi kpatami mi ya; nɛ nihi nɛ a ngɛ zugba a nɔ nɛ a ngmɛ́ a biɛ ngɛ wami womi ɔ mi kɛ je je mi sisije ɔ nya maa kpɛ a he, ke a na lohwe ɔ nɛ hi si hyɛ nɛ e be hu nɛ e maa ba a.

Kpojemi 18:1

Ni nɛ ɔmɛ a se ɔ, i na hiɔwe bɔfo kpa ko nɛ e ngɛ si kplee kɛ ngɛ hiɔwe jee, nɛ e ngɛ he blɔ ngua, nɛ e hɛ mi nyami ɔ hã je ɔ mi kulaa tsɔ.