Kpojemi 17:17 - Somi He Ɔ

¹⁷ Ejakaa Mawu kɛ wo a tsui mi konɛ a pee e yi mi tomi ni ɔmɛ, nɛ a hɛɛ juɛmi kake, nɛ a kɛ a matsɛ yemi ɔ nɛ ha lohwe ɔ kɛ ya su be nɛ a maa gbe nihi nɛ Mawu de ɔmɛ a nya.

BAIBLO ALOO NGMAMI KLƆUKLƆU Ɔ

¹⁷ Matsɛmɛ nyɔngma amɛ nɛ a maa pee enɛ ɔ, ejakaa Mawu ha nɛ a to a yi mi kaa a pee nɔ́ nɛ e to kaa a pee ɔ. Lɔ ɔ he ɔ, mɛ tsuo a maa kplɛɛ kaa a maa ngɔ a tsɛ yemi blɔ nya a kɛ ha lohwe awi yelɔ ɔ kɛ yaa si yi mi nɛ Mawu to ɔ maa ba mi.

Kpojemi 17:17 ပူးပေါင်းရင်းမြစ်များ

Luka 22:22

ejakaa Nɔmlɔ Bi ɔ yaa kaa bɔ nɛ a so ngɔ to momo ɔ lɛɛ, se musu tloo nɔ nɛ maa tsɔɔ e se blɔ ɔ!”

Luka 22:3

Kɛkɛ nɛ Abosiami ya sɛ Yuda, nɔ nɛ a tsɛɛ lɛ Iskariot nɛ ji ni nyɔngma kɛ enyɔ ɔmɛ a kpɛti nɔ kake ɔ mi.

Luka 22:37

Ejakaa i ngɛ nyɛ dee ke nɔ́ nɛ a ngma nɛ ɔ hu ja e ba mi ngɛ ye he ke: ‘Nɛ a bu lɛ ngɔ si mlaa tɔli ɔmɛ a nɔ;’ ejakaa ye he sane ɔmɛ ma mi.”

Yohane 10:35

Ke e tsɛ nihi nɛ Mawu munyu ɔ ba a ngɔ ɔ tete ke mawuhi, nɛ ngmami ɔ yi lakpa a,

Yohane 13:18

“Pi nyɛ tsuo nyɛ he munyu nɛ i ngɛ tue ɔ; imi lɛɛ i le nihi nɛ i hla; se mohu benɛ pee nɛ nɔ́ nɛ a ngma a nɛ ba mi ke: Nɔ nɛ yeɔ ye dɛ mi abolo ɔ, e wo e nane seja nɔ ngɔ si mi.

Yohane 13:2

Nɛ benɛ a ngɛ ni yee ɔ, blɔɔ abosiami ngɔ wo Yuda Iskariot, Simon bi ɔ, tsui mi momo kaa e tsɔɔ Yesu se blɔ.

Yohane 19:24

Lɔ ɔ he ɔ a de ngɛ a kpɛti ke: “Nyɛ ko ha nɛ wa gba kɔlɔ ɔ, se nyɛ ha waa fɔ nɔ sɔ, konɛ waa na nɔ nɛ nɔ́ nɛ e maa pee.” Benɛ pee nɛ ngmami ɔ nɛ de ke: ‘A dla ye tade ɔmɛ ngɔ ha a he, Nɛ ye he bo ɔ a fɔ́ nɔ sɔ’ ɔ nɛ ba mi. Enɛ ɔ ji nɔ́ nɛ aslaafo ɔmɛ pee ɔ nɛ.

Yohane 19:28

Nɛ enɛ ɔ se ɔ, akɛnɛ Yesu le kaa a gbe nihi kulaa nya momo ɔ, benɛ pee nɛ ngmami ɔ nɛ na ba mi ɔ, e ke: “Kuma ngɛ mi yee.”

2 Korintobi 8:16

Se sina ha Mawu, nɔ nɛ ngɔ nyɛ he mɔde bɔmi nɛ ɔ ngɔ wo Tito tsui mi ɔ.

Kpojemi 10:7

Se mohu ke hiɔwe bɔfo nɛ ji kpaago ɔ kpa e titimati ɔ, kɛkɛ lɛɛ a gbe Mawu laami sane ɔ hu nya, bɔ nɛ e jaje Sane Kpakpa a tsɔɔ lɛ nitsɛ e tsɔli nɛ ji gbali ɔmɛ ɔ.”

Kpojemi 15:1

Kɛkɛ nɛ i na okadi kpa ko ngɛ hiɔwe; e kle nɛ e ngɛ nyakpɛ: hiɔwe bɔfohi kpaago nɛ a hɛɛ haomi kpaago nɛ ji nyagbe ni ɔmɛ, ejakaa kɔlɔ ɔmɛ a kɛ maa gbe Mawu mi mi fumi ɔ nya.

Kpojemi 17:13

Nimli nɛ ɔmɛ hɛɛ juɛmi kake, nɛ a kɛ a he wami kɛ a blɔ nya a ha lohwe ɔ kulaa.

Kpojemi 19:9

Kɛkɛ nɛ hiɔwe bɔfo ɔ de mi ke: “Ngmaa: A gbaa nihi nɛ a tsɛ mɛ kɛ ba Tobi ɔ yo kpeemi okplɔɔɔ ɔ he ɔ.” Nɛ e de mi ke: “Mawu anɔkuale munyuhi ji nɛ ɔmɛ ɔ nɛ.”

Kpojemi 6:11

A hã a ti nɔ tsuaa nɔ tade hiɔ klɔii, nɛ a de mɛ ke a jɔɔ a he be bɔɔ ko lolo kɛ ya su be nɛ a nyɛmimɛ sɔmɔli ɔmɛ kɛ anyɛmimɛ ɔmɛ hu nɛ a maa gbe mɛ kaa bɔ nɛ a gbe mɛ nitsɛmɛ hu ɔ a hiemi maa sɔ.