Kpojemi 16:9 - Somi He Ɔ

⁹ Nɛ e la dɔmi babauu ɔ sa nimli nɛ tu musu bɔmi munyuhi kɛ si Mawu nɛ ngɛ he wami ngɛ kikɛmɛ a haomi nɛ ɔmɛ a nɔ ɔ biɛ ɔ, se a tsakee we a tsui nɛ a wo e hɛ mi nyami.

BAIBLO ALOO NGMAMI KLƆUKLƆU Ɔ

⁹ Pu la nɛ nya wa a sãã mɛ saminya, nɛ a tu musu bɔmi munyuhi kɛ si Mawu, nɔ nɛ ngɛ he wami ngɛ kikɛmɛ a haomi nɛ ɔmɛ a nɔ ɔ. Se a tsakee we a tsui, konɛ a wo Mawu hɛ mi nyami.

Kpojemi 16:9 ပူးပေါင်းရင်းမြစ်များ

Kpojemi 16:21

Nɛ gbiɛ ngo ngu loo hiɔmi tɛ babauu nɛ kake jiɔmi maa pee sɛni mi tɛ jiɔmi pau lafa nɛ kɛ je hiɔwe ba pue nimli a nɔ; nɛ nimli ɔmɛ tu musu bɔmi munyuhi kɛ si Mawu ngɛ gbiɛ ngo ngu ɔmɛ a haomi ɔ he, ejakaaa a haomi ɔ nya wa tsɔ.

Kpojemi 11:13

Nɛ lɛ ngmlɛfia a nɔ nɔuu ɔ, zugba mimiɛ wawɛɛ, nɛ ma a mi dlami nyɔngma mi kake hule, nɛ zugba mimiɛmi ɔ mi ɔ, a gbe nimli akpe kpaago. Ninɛmɛ nɛ piɛ ɔ ye gbeye, nɛ a ngɔ hɛ mi nyami ngɔ ha hiɔwe Mawu ɔ.

Kpojemi 2:21

I ha lɛ be konɛ e kɛ tsake e tsui, se e sume nɛ e tsake kɛ je ajuama bɔmi ɔ mi.

Luka 13:5

Dɛbi, se mohu i ngɛ nyɛ dee ke, ke nyɛ tsakee we nyɛ blɔ ɔmɛ ɔ, nyɛ tsuo nyɛ hɛ mi ma kpata jã kɛ.”

Luka 13:3

Dɛbi, se mohu i ngɛ nyɛ dee ke, ke nyɛ tsakee we nyɛ blɔ ɔmɛ ɔ, nyɛ tsuo nyɛ hɛ mi ma kpata ja kɛ̃.

Kpojemi 14:7

“Nyɛɛ ye Mawu gbeye nɛ nyɛɛ kɛ hɛ mi nyami nɛ ha lɛ, ejakaa e kojomi ngmlɛfia a su. Nyɛ ja nɔ nɛ pee hiɔwe kɛ zugba kɛ wo kɛ nyu hɛngmɛhi nɛ baa a.”

Kpojemi 9:20

Nɛ nimli nɛ piɛ nɛ a gbi mɛ ngɛ kikɛmɛ a haomi nɛ ɔmɛ a mi ɔ, a tsakee we a tsui kɛ ji a nine nya ni tsumi ɔmɛ a he, konɛ a jɔɔ mumi yayamihi kɛ sika tsu kɛ sika hiɔ kɛ ayawa kɛ tɛ kɛ tso amagahi nɛ hyɛ we nɔ́ nɛ a nui nɔ́ nɛ a nyɛ we nɛ a nyɛɛ ɔ jami.

2 Korintobi 12:21

I ngɛ gbeye yee kaa ke i ba a, ye Mawu ɔ maa ba mi si ekohu ngɛ nyɛ he, nɛ ma ye kɔmɔ ha nihi nɛ pee yayami sa nɛ a tsakee we a tsui ɔmɛ a ti nihi fuu, ngɛ a mu nihi kɛ ajuama bɔmi kɛ ya homi ɔ he.