Kpojemi 16:14 - Somi He Ɔ

¹⁴ ejakaa mumi yayamihi a mumi ji mɛ, nɛ a peɔ nyakpɛ nihi, nɛ a yaa matsɛmɛ nɛ ngɛ je mluku ɔ kulaa mi ɔ ngɔ, konɛ a ya bua a nya kɛ ya Mawu Ope ɔ ligbi ngua a nɔ ta a.

BAIBLO ALOO NGMAMI KLƆUKLƆU Ɔ

¹⁴ Abosiami mumi nɛ tsuɔ nyakpɛ ní ji mɛ. Mumi yayami etɛ nɛ ɔmɛ yaa je nɛ ɔ mi matsɛmɛ ɔmɛ tsuo a ngɔ, konɛ a ya bua a nya kɛ ha ta nɛ maa ba ligbi nguaa a nɛ Mawu Ope ɔ maa kojo je ɔ.

Kpojemi 16:14 ပူးပေါင်းရင်းမြစ်များ

Mateo 24:14

Nɛ a maa fiɛ matsɛ yemi ɔ Sane Kpakpa nɔ ngɔ tsɔɔ je ɔ tsuo, nɛ a kɛ ye majemaje ɔ tsuo odase; nɛ kɔlɔ ɔ loko nyagbe ɔ maa ba.”

Mateo 24:24

Ejakaa lakpa kristohi kɛ lakpa gbali maa te si nɛ a maa pee okadi nguahi kɛ nyakpɛ nihi kɛ maa tsɔɔ, nɛ kaa e maa hi jinɛ a maa mlɔɔ nihi na a hla amɛ tete.

Marko 13:22

Ejakaa lakpa kristohi kɛ lakpa gbali maa te si nɛ a maa pee okadihi kɛ nyakpɛ nihi, konɛ, ke e maa hi ɔ, a mlɔɔ ninɛmɛ nɛ a hla a tete.

Luka 2:1

Jamɛ a be ɔ mi ɔ, e ba mi kaa hiɔngɔ ko je Kaisare Augusto ngɔ ba ke a kane je ɔ tsuo nɛ a ngma.

Yohane 8:44

Nyɛɛ lɛɛ, nyɛ tsɛ nɛ nyɛ je e mi ji abosiami, nɛ nyɛ tsɛ ɔ tsui nya ni nyɛ suɔ kaa nyɛɛ pee. Lɛɛ nɔ gbelɔ ji lɛ kɛ je blema, nɛ e hi si ngɛ anɔkuale ɔ mi, ejakaa anɔkuale be e mi. Ke e ngɛ lakpa yee ɔ, lɛ nitsɛ e nihi a he munyu e tuɔ, ejakaa lakpatsɛ kɛ nya ngɔli a tsɛ ji lɛ.

Romabi 1:8

Kekleekle ɔ, i ngɛ Yesu Kristo nɔ gue kɛ ngɛ ye Mawu ɔ si nae ngɛ nyɛ kulaa nyɛ he, ejakaa a gbaa nyɛ hemi kɛ yemi ɔ he sane ngɛ je ɔ mi tsuo.

2 Tesalonikabi 2:9

Dikalɔ ɔ maa be kɛ Satan ni tsumi nɛ mi wa ngɛ lakpa he wami kɛ okadihi kɛ nyakpɛ nihi tsuo mi,

1 Timoteo 4:1

Mumi ɔ deɔ paa ke, nyagbe ligbi ɔmɛ a mi ɔ, ni komɛ ma kua hemi kɛ yemi ɔ, nɛ a ma ya nyɛɛ sisimi mumihi kɛ mumi yayamihi a tsɔɔmihi a se,

Yakobo 3:15

Kikɛmɛ a ni lemi nɛ ɔ, pi hiɔwe nɛ e je, se mohu zugba nɛ ɔ nɔ nɔ́ ʼi, he lo nya nɔ́ ʼi, mumi yayamihi a nɔ́ ʼi.

1 Yohane 5:19

Wa le kaa wa je Mawu mi nɛ je mluku ɔ tsuo ngɛ nɔ yayami ɔ sisi.

Kpojemi 12:9

Nɛ a sake sinɔ ngua kpetekpleenyɛ ɔ, nɔ nɛ ji blema sinɔ ɔ nɛ a tsɛɛ lɛ Nyapolɔ loo Abosiami nɛ sisiɔ je mluku ɔ tsuo ɔ, ngɔ fɔ zugba a nɔ, nɛ a sake e bɔfo ɔmɛ hu ngɔ fɔ zugba a nɔ ngɔ piɛ e he.

Kpojemi 13:3

Nɛ i na e yi ɔmɛ a kpɛti kake nɛ ngɛ kaa nɔ nɛ a plaa lɛ gbenɔ plaami, se a tsa e gbenɔ plaami ɔ, nɛ je mluku ɔ kulaa nya kpɛ a he ngɛ lohwe ɔ he.

Kpojemi 16:16

Kɛkɛ nɛ mumi yayami ɔmɛ bua matsɛmɛ ɔmɛ a nya kɛ ho he ko nɛ a tsɛɛ lejɛ ɔ ngɛ Hebri gbi mi ke Harmagedon ɔ ya.

Kpojemi 16:7

Kɛkɛ nɛ i nu nɛ bɔ sami latɛ ɔ ngɛ dee ke: “Ee, Nyɔmtsɛ Mawu Ope, anɔkuale kɛ dami ji o kojomi ɔmɛ ɔ nɛ.”

Kpojemi 17:14

Ni nɛ ɔmɛ kɛ Tobi ɔ maa huw ta, nɛ Tobi ɔ maa ye a nɔ, ejakaa lɛ ji nyɔmtsɛmɛ a Nyɔmtsɛ kɛ matsɛmɛ a Matsɛ, nɛ nihi nɛ a kɛ lɛ ngɛ ɔ ji ninɛmɛ nɛ a tsɛ kɛ ninɛmɛ nɛ a hia kɛ ninɛmɛ nɛ heɔ yeɔ ɔ.”

Kpojemi 20:8

nɛ e maa je kpo konɛ e ya sisi je mahi nɛ ngɛ zugba kɔ nya eywiɛ ɔmɛ a mi ɔ, Gog kɛ Magog, konɛ e bua a nya kɛ kpe nɛ a ya ta, nihi a hiemi nɛ ngɛ kaa wo nya zia a.

Kpojemi 3:10

Ejakaa o ye ye munyu nɛ deɔ ke o to o tsui si ɔ nɔ he je ɔ, ma baa o yi ngɛ ka ngmlɛfia nɛ maa ba je mluku ɔ kulaa nɔ nɛ a kɛ maa ka nihi nɛ ngɛ zugba a nɔ ɔ mi.

Kpojemi 6:17

Ejakaa e mi mi fumi ligbi ngua a su, nɛ mɛnɔ ma nyɛ si maa da?”