Kpojemi 15:7 - Somi He Ɔ

⁷ Nɛ hɛ kali eywiɛ ɔmɛ a ti nɔ kake ngɔ sika tsinesa kpaago nɛ a hyi tɔtɔɔtɔ kɛ Mawu nɛ hɛ ngɛ kɛ yaa neneene kɛ neneene ɔ mi mi la a ngɔ ha hiɔwe bɔfohi kpaago ɔ.

BAIBLO ALOO NGMAMI KLƆUKLƆU Ɔ

⁷ Kɛkɛ nɛ hɛ kali eywiɛ ɔmɛ a ti nɔ kake ha bɔfo kpaago ɔmɛ a ti nɔ tsuaa nɔ sika tsu kplu kake nɛ wai hyi lɛ tɔ. Wai kɛ kplu nɛ ɔ daa si ha Mawu nɛ ngɛ kɛ yaa neneene ɔ mi mi fumi ɔ.

Kpojemi 15:7 ပူးပေါင်းရင်းမြစ်များ

Kpojemi 16:2

Nɛ kekleekle nɔ ɔ pue nɔ kɛ ho, nɛ e ya plɛ e tsinesa a mi ni ɔmɛ ngɔ pue zugba a nɔ; nɛ ninɛmɛ nɛ lohwe ɔ okadi ɔ ngɛ a he ɔ kɛ ninɛmɛ nɛ jaa e maga a hia pa yayahi nɛ yee nɔ.

Kpojemi 10:6

nɛ e tsɛ nɔ nɛ hɛ ngɛ kɛ je neneene kɛ yaa neneene nɛ bɔ hiɔwe kɛ nihi nɛ ngɛ mi ɔ kɛ zugba kɛ nihi nɛ ngɛ mi ɔ kɛ wo kɛ nihi nɛ ngɛ mi ɔ nɛ e kɛ ka kita ke: “Be ko be ko be hu!

Kpojemi 5:8

Nɛ benɛ e ngɛ womi ɔ hee ɔ, hɛ kali eywiɛ ɔ kɛ nikɔtɔmahi nyingmi enyɔ kɛ eywiɛ ɔ bu si ngɛ Tobi ɔ hɛ mi, nɛ a ti nɔ tsuaa nɔ hɛɛ kpã saku kɛ sika tɔhi kɛ a mi tsopa kɛ e he via tɔtɔɔtɔ nɛ ji klɔuklɔu bi ɔmɛ a sɔlemi ɔmɛ.

Kpojemi 21:9

Nɛ hiɔwe bɔfohi kpaago nɛ hɛɛ tsinesa kpaago nɛ hyi tɔtɔɔtɔ kɛ nyagbe haomi kpaago ɔ a kpɛti nɔ kake ba ye ngɔ nɛ e kɛ mi ba tu munyu ke: “Ba, nɛ ma tsɔɔ mo ayɛflo ɔ nɛ ji Tobi ɔ yo ɔ.”

Kpojemi 15:1

Kɛkɛ nɛ i na okadi kpa ko ngɛ hiɔwe; e kle nɛ e ngɛ nyakpɛ: hiɔwe bɔfohi kpaago nɛ a hɛɛ haomi kpaago nɛ ji nyagbe ni ɔmɛ, ejakaa kɔlɔ ɔmɛ a kɛ maa gbe Mawu mi mi fumi ɔ nya.

1 Tesalonikabi 1:9

Ejakaa mɛ nitsɛmɛ a gbɛ wa slaami ɔ he munyu ɔ fia kɛ bɔ nɛ nyɛ kpale kɛ je amagahi a he kɛ ba Mawu ngɔ nɛ nyɛ ba sɔmɔ Mawu hɛ kalɔ ɔ,

Kpojemi 1:18

kɛ hɛkalɔ. I gbo, nɛ oʼɛ, ye hɛ ngɛ kɛ yaa neneene kɛ neneene, nɛ i hɛɛ gbeje kɛ gbenɔ nya safe ɔmɛ.

Kpojemi 4:10

nikɔtɔmahi nyingmi enyɔ kɛ eywiɛ ɔ buɔ si ngɛ nɔ nɛ hii si ngɛ matsɛ sɛ ɔ nɔ ɔ hɛ mi, nɛ a ngɛ nɔ nɛ hɛ ngɛ kɛ je neneene kɛ yaa neneene ɔ jae, nɛ a sakee a jlasi ɔmɛ ngɔ pueɔ matsɛ sɛ ɔ hɛ mi nɛ a deɔ ke:

Kpojemi 14:10

lɛ hu e maa nu Mawu cmi mi fumi da nɛ a tsa we mi nɛ ngɛ e mi mi fumi kplu ɔ mi ɔ eko, nɛ a ma pii lɛ ngɛ la gligliigli ɔ mi ngɛ hiɔwe bɔfo klɔuklɔu ɔmɛ a hɛ mi kɛ Tobi ɔ hɛ mi.

Kpojemi 17:1

Kɛkɛ nɛ hiɔwe bɔfohi kpaago ɔ nɛ a hɛɛ tsinesa kpaago ɔmɛ a ti nɔ kake ba nɛ e kɛ mi ba tu munyu ke: “Ba nɛ ma tsɔɔ mo ajuama kpanaaku ɔ nɛ hii si ngɛ nyu babauu ɔ nɔ ɔ kojomi ɔ,