Kpojemi 14:6 - Somi He Ɔ

⁶ Kɛkɛ nɛ i na hiɔwe bɔfo kpa ko nɛ e ngɛ tee ngɛ kɔɔhiɔ mi, nɛ e hɛɛ neneene Sane Kpakpa nɛ e yaa jaje ngɔ tsɔɔ nihi nɛ ngɛ zugba a nɔ kɛ je ma tsuaa je ma kɛ wɛtso tsuaa wɛtso kɛ mahi a nɔ gbi slɔɔtohi kɛ ma tsuaa ma a, nɛ e kɛ gbi ngua de ke:

BAIBLO ALOO NGMAMI KLƆUKLƆU Ɔ

⁶ Jehanɛ ɔ, i na bɔfo kpa nɛ te ngɛ hiɔwe lokoo kɛ bee. E hɛɛ sɛ gbi ko nɛ ngɛ kɛ yaa neneene. Sɛ gbi ɔ kɔɔ sane kpakpa a he, nɛ e yaa nɛ e ya fiɛ sɛ gbi nɛ ɔ ha nihi tsuo nɛ ngɛ je ɔ mi, mahi kɛ wɛtsohi, kɛ gbihi kɛ nimli tsuo.

Kpojemi 14:6 ပူးပေါင်းရင်းမြစ်များ

Marko 16:15

Nɛ e de mɛ ke: “Nyɛɛ ya je ɔ tsuo kulaa mi nɛ nyɛ ya fiɛ Sane Kpakpa a ngɔ tsɔɔ nɔ tsuaa nɔ nɛ a bɔ ɔ.

Kpojemi 8:13

Nɛ i na, nɛ i nu kɔle ko he nɛ ngɛ tee ngɛ hiɔwe, nɛ e kɛ gbi wawɛɛ ngɛ dee ke: “Musu tloo, musu tloo, musu tloo nihi nɛ ngɛ zugba a nɔ,” benɛ hiɔwe bɔfohi etɛ nɛ piɛ ɔ ma kpa a titimati ɔmɛ ɔ.

Kpojemi 3:10

Ejakaa o ye ye munyu nɛ deɔ ke o to o tsui si ɔ nɔ he je ɔ, ma baa o yi ngɛ ka ngmlɛfia nɛ maa ba je mluku ɔ kulaa nɔ nɛ a kɛ maa ka nihi nɛ ngɛ zugba a nɔ ɔ mi.

Romabi 16:25

Se nɔ nɛ ma nyɛ ma ha nɛ nyɛ fi si wawɛɛ ngɛ Sane Kpakpa a kɛ Yesu Kristo fiɛmi ɔ nya, ngɛ laami sane nɛ a ngɔ laa kɛ je neneene lokoo ɔ kpo jemi nya a,

2 Tesalonikabi 2:16

Se lɛ wa Mawetsɛ Yesu Kristo ɔ nitsɛ, kɛ wa Tsɛ Mawu nɛ suɔ wɔ nɛ e kɛ neneene bua womi kɛ hɛ kɛ nɔ fɔmi kpakpa ha wɔ ngɛ dloomi nya a,

Kpojemi 13:7

Nɛ a ha lɛ he blɔ nɛ e kɛ klɔuklɔu bi ɔmɛ nɛ hwu ta nɛ e ye a nɔ, nɛ a ha lɛ he blɔ ngɛ wɛtso tsuaa wɛtso kɛ ma tsuaa ma kɛ mahi a nɔ gbihi tsuo kɛ je ma tsuaa je ma nɔ.

Hebribi 13:20

He jɔmi Mawu ɔ, nɔ nɛ je to ɔmɛ a hyɛlɔ ngua nɛ ji wa Nyɔmtsɛ Yesu kɛ je gbeje ngɛ neneene somi ɔ muɔ ɔ mi ɔ,

Kolosebi 1:23

Nyɛɛ hɛɛ hemi kɛ yemi ɔ mi nɛ nyɛɛ da si kpitikplii, nɛ nyɛ ko sã nyɛ he kɛ je sane kpakpa a nɛ nyɛ nu nɛ a fiɛ tsɔɔ bɔ nihi kulaa nɛ ngɛ hiɔwe sisi, nɛ imi Paulo hu i sɔmɔɔ ngɛ he ɔ hɛ kɛ nɔ fɔmi ɔ he.

Mateo 10:27

Nɔ́ nɛ i ngɛ nyɛ dee ngɛ diblii mi ɔ, nyɛ de ngɛ la hɛ mi; nɛ nɔ́ nɛ i woɔ nyɛ tue mi nɛ i deɔ nyɛ ɔ, nyɛɛ fiɛ ngɛ tsuhi a yi mi.

Kpojemi 10:11

Nɛ e de mi ke: “E sa kaa o gba ekohu ngɛ nimli kɛ majamaje kɛ mahi a nɔ gbihi kɛ matsɛmɛ fuu a he.”

1 Petro 1:25

Se Nyɔmtsɛ ɔ munyu ɔ hii si kɛ yaa neneene.” Enɛ ɔ ji munyu nɛ a jaje tsɔɔ nyɛ ke Sane Kpakpa a nɛ.

Kpojemi 5:9

Nɛ a la la he ko de ke: “Mo lɛ sa kaa o heɔ womi ɔ Nɛ o tsɔɔ e nya sɔumi ɔmɛ, Ejakaa a gbe mo, Nɛ o kɛ o muɔ ɔ kpɔ wɔ ha Mawu Kɛ je wetso tsuaa wetso kɛ munyu tsuaa munyu Kɛ ma tsuaa ma kɛ je ma tsuaa je ma mi.

Kpojemi 10:7

Se mohu ke hiɔwe bɔfo nɛ ji kpaago ɔ kpa e titimati ɔ, kɛkɛ lɛɛ a gbe Mawu laami sane ɔ hu nya, bɔ nɛ e jaje Sane Kpakpa a tsɔɔ lɛ nitsɛ e tsɔli nɛ ji gbali ɔmɛ ɔ.”