Kpojemi 14:14 - Somi He Ɔ

¹⁴ Kɛkɛ nɛ i hyɛ, nɛ oʼɛ, bɔku hiɔ, nɛ nɔ ko hii si ngɛ bɔku ɔ nɔ kaa Nɔmlɔbi ɔ, nɛ e kle e yi si kɛ sika jlasi, nɛ e hɛɛ ngma kpami ha nɛ nya ba ngɛ e dɛ mi.

BAIBLO ALOO NGMAMI KLƆUKLƆU Ɔ

¹⁴ Enɛ ɔ se ɔ, i hyɛ nɛ i na bɔku hiɔ, nɛ nɔ ko hii si ngɛ nɔ kaa Nɔmlɔ Bi ɔ. Sika tsu jlasi fi e yi, nɛ e hɛɛ ngma kpami ha nɛ nya ba ngɛ e dɛ mi.

Kpojemi 14:14 ပူးပေါင်းရင်းမြစ်များ

Mateo 13:30

Nyɛ ha enyɔ ɔ tsuo nɛ wa kɛ ya si ngma kpami be ɔ, nɛ ngma kpami be ɔ, ma de ngma kpali ɔmɛ ke: Nyɛ bua hu ɔ nya kekle, nɛ nyɛɛ fi konɛ a sã; se ngma a lɛɛ nyɛ bua nya ngɔ wo ye gba a mi.’ ”

Mateo 17:5

Benɛ a ngɛ munyu ɔ tue kɛ mwɔɔ ɔ, oʼɛ, bɔku hleii ko ba ha a nɔ, nɛ oʼɛ, gbi je bɔku ɔ mi de ke: “Nɔ nɛ ɔ ji ye suɔmi bi nɛ i naa e he tsui ɔ nɛ; nyɛɛ bu lɛ tue!”

Marko 4:29

Ke ngma a wa a, nyumu ɔ haa nɛ a kɛ ngma kpami ha a yaa, ejakaa ngma kpami be ɔ su.

Luka 21:27

Kɛkɛ ɔ, a maa na Nɔmlɔ Bi ɔ kaa e ma ngɛ bɔku mi kɛ hewami kɛ hɛ mi nyami babauu.

Hebribi 2:9

Se nɔ nɛ a ha nɛ piɛ bɔɔ nɛ e kɛ hiɔwe bɔfo ɔmɛ nɛ sɔ ɔ, wa na kaa Yesu ʼi, nɔ nɛ gbenɔ mi amanehlu ɔ he nɛ a kɛ hɛ mi nyami kɛ bu fi lɛ jlasi ɔ, benɛ pee nɛ Mawu dloomi nya a e sa e nya gbenɔ ha nɔ tsuaa nɔ.

Kpojemi 1:13

kɛ nɔ ko ngɛ kane tso kpaago ɔmɛ sa kpɛti nɛ ngɛ kaa Nɔmlɔ Bi, nɛ e wo tade klɔii nɛ e kɛ sika kpa fi e gugue;

Kpojemi 1:7

Oʼɛ, e ma kɛ bɔku ɔmɛ, nɛ hɛngmɛ tsuaa hɛngmɛ maa na lɛ kɛ nihi nɛ gbɔɔ lɛ ni ɔ hulɔ, nɛ zugba a nɔ weku ɔmɛ kulaa maa wo ya ngɛ e he. Ee, Amen.

Kpojemi 10:1

Kɛkɛ nɛ i na hiɔwe bɔfo kpa ko nɛ he wa nɛ e je hiɔwe kɛ ngɛ si kplee, nɛ e ha bɔku, nɛ alale ngɛ e yi kpɛti, nɛ e hɛ mi ngɛ kaa pu, nɛ e nanehi ngɛ kaa la titimahi.

Kpojemi 11:17

de ke: “Wa naa mo si, mo Nyɔmtsɛ Mawu Ope, Mo nɔ nɛ o ngɛ nɛ o hi si ɔ, Kaa o ngɔ o he wami kpetekpleenyɛ ɔ Nɛ o bɔni matsɛyemi,

Kpojemi 19:12

E hɛngmɛhi ngɛ kaa la lilɛhi, nɛ e bu matsɛ pɛɛhi fuu, nɛ a ngma e biɛ ko nɛ nɔ ko nɔ ko li ja lɛ nitsɛ kɛkɛ;

Kpojemi 20:11

Kɛkɛ nɛ i na matsɛ sɛ hiɔ ngua ko, kɛ nɔ nɛ hii si ngɛ nɔ ɔ, nɛ zugba kɛ hiɔwe tu fo ngɛ e hɛ mi, nɛ a nɛ blɔ ha mɛ.

Kpojemi 6:2

I hyɛ, nɛ oʼɛ, okpɔngɔ hiɔ nɛ nɔ nɛ hii si ngɛ e nɔ ɔ hɛɛ kɛɛ, nɛ a ha lɛ jlasi, nɛ e je kpo kaa kunimi yelɔ, konɛ e ya ye kunimi.