Kpojemi 14:11 - Somi He Ɔ

¹¹ Nɛ a plaami ɔ lasuku ɔ tee si kɛ yaa neneene kɛ neneene; nɛ nihi nɛ ja lohwe ɔ kɛ e maga, a kɛ nɔ tsuaa nɔ nɛ he e biɛ ɔ okadi ɔ na we he jɔmi nyɔ kɛ pia.

BAIBLO ALOO NGMAMI KLƆUKLƆU Ɔ

¹¹ La a nɛ a ma pii mɛ ngɛ mi ɔ maa tso gegeege kɛ maa ya neneene. He jɔmi ko be ha nihi nɛ jaa lohwe awi yelɔ ɔ kɛ e we amaga a, loo ni nɛmɛ nɛ a kɛ e biɛ kadi mɛ ɔ; a maa na nɔ́ nyɔ kɛ pia tsuo.”

Kpojemi 14:11 ပူးပေါင်းရင်းမြစ်များ

Mateo 11:28

“Nyɛɛ ba ye ngɔ, nyɛ nihi tsuo nɛ pɔ tɔ nyɛ nɛ nyɛ tlomihi pã nyɛ ɔ, nɛ ma ha nyɛ he jɔmi?

Mateo 25:41

“Kɛkɛ ɔ, e ma de ninɛmɛ nɛ ngɛ e muɔ nɔ hu ke: ‘Nyɛɛ je ye nɔ, nyɛ nihi nɛ a gbiɛ nyɛ, nyɛɛ ya neneene la a nɛ a dla to abosiami kɛ e bɔfo ɔmɛ ɔ mi!

Mateo 25:46

Nɛ ni nɛ ɔmɛ ɔ, a maa ya neneene he hiami mi; se dali ɔmɛ maa ya neneene wami mi.”

Hebribi 1:8

Se Bi ɔ lɛɛ e de ngɛ e he ke: “Oo Mawu, o matsɛ sɛ ɔ maa si kɛ yaa neneene kɛ neneene Nɛ o matsɛ yemi tso ɔ, dami matsɛ yemi tso ʼi,

Kpojemi 11:15

Kɛkɛ nɛ hiɔwe bɔfo nɛ ji kpaago ɔ kpa e titimati ɔ, nɛ a nu gbi nguahi ngɛ hiɔwe ke: “Je nɛ mi matsɛ yemi ɔ plɛ wa Nyɔmtsɛ ɔ kɛ e Kristo ɔ nɔ, nɛ e maa ye matsɛ kɛ maa ya neneene kɛ neneene!”

Kpojemi 13:12

Nɛ e tsuɔ kekle lohwe ɔ he blɔ ɔmɛ kulaa he ni ngɛ e hɛ mi, nɛ e haa zugba a kɛ nihi nɛ ngɛ nɔ ɔ jaa kekle lohwe ɔ nɛ a tsa e gbenɔ plaami ɔ.

Kpojemi 13:15

Nɛ a ha lɛ he wami nɛ e kɛ mumi nɛ ha lohwe ɔ amaga a, konɛ lohwe ɔ amaga a nɛ tu munyu nɛ e ha a gbe nimli kulaa nɛ ja we lohwe ɔ amaga a.

Kpojemi 13:17

Nɔ ko nɔ ko nyɛ we nɔ́ ko nɛ e he loo e jua, ja nɔ nɛ ngɛ okadi ɔ loo lohwe ɔ biɛ loo e biɛ ɔ yibɔ ɔ kɛkɛ.

Kpojemi 14:9

Nɛ hiɔwe bɔfo kpa nɛ ji etɛ nyɛɛ a se, nɛ e kɛ gbi ngua de ke: “Ke nɔ ko ja lohwe ɔ kɛ e maga a, nɛ e heɔ e kadi ɔ ngɛ e hɛ nya loo e nine nɔ ɔ,

Kpojemi 18:18

nɛ benɛ a na e sami ɔ lasuku ɔ, a kpa ngmlaa ke: “Te ma nɛ ngɛ kaa ma kpetekpleenyɛ nɛ ɔ nɛɛ?”

Kpojemi 18:9

Nɛ zugba a nɔ matsɛmɛ ɔmɛ nɛ a kɛ lɛ bɔ ajuama nɛ a kɛ lɛ ho ya a ma fo lɛ, nɛ a maa wo ya ngɛ e he, benɛ a maa na e sami ɔ lasuku ɔ.

Kpojemi 19:3

Nɛ a kpa ngmlaa nɔ́ nɛ ji si enyɔ ke: “Haleluya! E lasuku ɔ tee si kɛ yaa neneene kɛ neneene.”

Kpojemi 20:10

Nɛ Abosiami ɔ nɛ sisi mɛ ɔ, a ngɔ lɛ ngɔ wo la gligliigli taku ɔ mi, he nɛ lohwe ɔ kɛ lakpa gbalɔ ɔ hu ngɛ ɔ, nɛ a ma pii mɛ nyɔ kɛ pia kɛ maa ya neneene kɛ neneene.

Kpojemi 22:5

Nɛ nyɔ be lejɛ ɔ hie, nɛ kane loo pu kpemi he be mɛ hiae, ejakaa Nyɔmtsɛ Mawu ɔ ma kpɛ ha mɛ, nɛ a maa ye matsɛ kɛ maa ya neneene kɛ neneene.

Kpojemi 7:12

ke: “Amen! Gbaami kɛ hɛ mi nyami kɛ ni lemi kɛ sina kɛ agboje kɛ he wami kɛ nyami ha wa Mawu ɔ kɛ je neneene kɛ ya neneene! Amen!”