Kpojemi 14:10 - Somi He Ɔ

¹⁰ lɛ hu e maa nu Mawu cmi mi fumi da nɛ a tsa we mi nɛ ngɛ e mi mi fumi kplu ɔ mi ɔ eko, nɛ a ma pii lɛ ngɛ la gligliigli ɔ mi ngɛ hiɔwe bɔfo klɔuklɔu ɔmɛ a hɛ mi kɛ Tobi ɔ hɛ mi.

Kpojemi 14:10 ပူးပေါင်းရင်းမြစ်များ

Mateo 20:22

Se Yesu he nɔ ke: “Nyɛ li nɔ nɛ nyɛ ngɛ bie ɔ. Anɛ nyɛ ma nyɛ kplu nɛ ma nu ɔ maa nu?” A de lɛ ke: “Wa ma nyɛ.”

Mateo 25:41

“Kɛkɛ ɔ, e ma de ninɛmɛ nɛ ngɛ e muɔ nɔ hu ke: ‘Nyɛɛ je ye nɔ, nyɛ nihi nɛ a gbiɛ nyɛ, nyɛɛ ya neneene la a nɛ a dla to abosiami kɛ e bɔfo ɔmɛ ɔ mi!

Mateo 26:39

Nɛ e ya e hɛ mi bɔɔ nɛ e ngɔ e hɛ mi ngɔ bu si, nɛ e sɔle ke: “Tsaatsɛ, ke e maa hi ɔ, ha nɛ kplu nɛ ɔ be ye he kɛ ho; se kɛ̃ ɔ, pi bɔ nɛ imi i suɔ, se mohu bɔ nɛ mo o suɔ.”

Marko 8:38

Nɔ tsuaa nɔ nɛ imi kɛ ye munyu ɔmɛ a he peɔ lɛ zo ngɛ yi nɔ bi gba puɛli kɛ yayami peeli nɛ ɔmɛ a kpɛti ɔ, lɛ hu e he maa pee Nɔmlɔ Bi ɔ zo be mi nɛ e maa ba ngɛ e tsɛ nyami ɔ mi kɛ bɔfo klɔuklɔu ɔmɛ ɔ.

Marko 9:44

he nɛ ‘a gɔgɔ ɔmɛ gbo we, nɛ a la a hu gbo we ngɛ’ ɔ.]

Ni Tsumi 10:22

Nɛ a ke: “Asafoatsɛ Kornelio, nɛ ji nyumu dalɔ kɛ Mawu gbeye yelɔ nɛ Yudafohi a ma mluku ɔ kulaa tuɔ e he munyu kpakpa a, lɛ hiɔwe bɔfo klɔuklɔu ko de lɛ ke e tsɔ nɛ a ba kpee mo kɛ ba e we ɔ mi, konɛ e bu o nya munyu tue.”

2 Tesalonikabi 1:7

nɛ nyɛ ninɛmɛ nɛ a ngɛ nyɛ haoe ɔ, e ma ha waa kɛ nyɛ tsuo he jɔɔmi, benɛ a ma je Mawetsɛ Yesu kpo kɛ maa je hiɔwe kɛ e he wami bɔfo ɔmɛ ɔ,

Yuda 1:7

Nyɛ kai Sodoma kɛ Gomora kɛ mahi nɛ bɔle mɛ nɛ a bɔ ajuama nɛ a nyɛɛ he lo se hluu kaa bɔfo ɔmɛ nɔuu ɔ; a neneene la ami hiɔwo nɛ a naa a ngɛ kaa okadi ko kɛ ha nihi tsuo.

Kpojemi 15:7

Nɛ hɛ kali eywiɛ ɔmɛ a ti nɔ kake ngɔ sika tsinesa kpaago nɛ a hyi tɔtɔɔtɔ kɛ Mawu nɛ hɛ ngɛ kɛ yaa neneene kɛ neneene ɔ mi mi la a ngɔ ha hiɔwe bɔfohi kpaago ɔ.

Kpojemi 16:19

Nɛ ma ngua a mi gba etɛ, nɛ maje li ɔmɛ a ma amɛ hule, nɛ a kai Babilon kpetekpleenyɛ ɔ ngɛ Mawu hɛ mi, konɛ a ngɔ e mi mi fumi nɛ nya wa a kplu ɔ mi da a ngɔ ha lɛ.

Kpojemi 18:3

Ejakaa e ha je ma amɛ kulaa nu e ajuama bɔmi he mi mi fumi da a eko, nɛ zugba a nɔ matsɛmɛ ɔmɛ kɛ lɛ bɔ ajuama, nɛ zugba a nɔ jua yeli ɔmɛ plɛ niatsɛmɛ ngɛ e ya homi ɔ he wami ɔ mi.”

Kpojemi 18:6

Nyɛɛ wo lɛ hiɔ kaa bɔ nɛ lɛ hu e wo nyɛ hiɔ ɔ, Nɛ nyɛɛ ku ngɔ bɔ he totoe enyɔ ha lɛ. Kaa bɔ nɛ sa e ni tsumi ɔmɛ; Kplu ɔ nɛ e futu ha nyɛ ɔ, Nyɛ futu lɛ totoe enyɔ ngɔ ha lɛ.

Kpojemi 19:15

Nɛ klaate nɛ nya ba ngɛ e nya mi jee konɛ e kɛ kɔlɔ ɔ nɛ fia majeli a bimɛ ɔmɛ ni; nɛ e kɛ dade tso nɛ kpaka mɛ. Nɛ lɛ nɔuu e maa naa Mawu Ope ɔ mi mi fumi nɛ nya wa a wai ngami nɔ ɔ nɔ.

Kpojemi 19:20

Nɛ a nu lohwe ɔ kɛ lakpa gbalɔ ɔ nɛ pee nyakpɛ nihi ngɛ e hɛ mi nɛ e kɛ sisi nihi nɛ he lohwe ɔ okadi ɔ kɛ nihi nɛ jaa e maga a. A ngɔ ni enyɔ nɛ ɔmɛ kulaa hɛ ngmengmle ngɔ wo la taku nɛ ngɛ tsoe gligliigli ɔ mi.

Kpojemi 20:10

Nɛ Abosiami ɔ nɛ sisi mɛ ɔ, a ngɔ lɛ ngɔ wo la gligliigli taku ɔ mi, he nɛ lohwe ɔ kɛ lakpa gbalɔ ɔ hu ngɛ ɔ, nɛ a ma pii mɛ nyɔ kɛ pia kɛ maa ya neneene kɛ neneene.

Kpojemi 20:14

Nɛ gbenɔ kɛ gbeje lɛɛ, a sake mɛ ngɔ pue la taku ɔ mi. Enɛ ɔ ji gbenɔ nɛ ji enyɔ ɔ nɛ.

Kpojemi 21:8

Se ninɛmɛ nɛ ji sfɔli kɛ ninɛmɛ nɛ he we yi kɛ nihi nɛ peɔ ninyɛ nihi kɛ awi yeli kɛ ya holi kɛ nyuali kɛ wɔ jali kɛ lakpatsɛmɛ kulaa a, a ma na a blɔ nya ngɛ taku ɔ nɛ ngɛ tsoe kɛ la gligliigli ɔ mi, nɔ́ nɛ ji gbenɔ nɛ ji enyɔ ɔ.”