Kpojemi 13:17 - Somi He Ɔ

¹⁷ Nɔ ko nɔ ko nyɛ we nɔ́ ko nɛ e he loo e jua, ja nɔ nɛ ngɛ okadi ɔ loo lohwe ɔ biɛ loo e biɛ ɔ yibɔ ɔ kɛkɛ.

BAIBLO ALOO NGMAMI KLƆUKLƆU Ɔ

¹⁷ Nɔ ko nɔ ko be nyɛe ma he ní, loo e maa jua ní, kaa ja a kadi lɛ kikɛ nɛ ɔ kɛ kekleekle lohwe awi yelɔ ɔ biɛ, loo yibɔ nɛ daa si ha biɛ ɔ.

Kpojemi 13:17 ပူးပေါင်းရင်းမြစ်များ

Kpojemi 15:2

Kɛkɛ nɛ i na nɔ́ ko nɛ ngɛ kaa wo nɛ ngɛ kaa ahuhuɛ nɛ a kɛ la futu mi, nɛ ninɛmɛ nɛ ye lohwe ɔ kɛ e maga a kɛ e kadi ɔ kɛ e biɛ ɔ yibɔ ɔ nɔ kunimi ɔ daa si ngɛ wo nɛ ngɛ kaa ahuhuɛ ɔ nya, nɛ a hɛɛ Mawu saku ɔmɛ.

Kpojemi 14:11

Nɛ a plaami ɔ lasuku ɔ tee si kɛ yaa neneene kɛ neneene; nɛ nihi nɛ ja lohwe ɔ kɛ e maga, a kɛ nɔ tsuaa nɔ nɛ he e biɛ ɔ okadi ɔ na we he jɔmi nyɔ kɛ pia.

Kpojemi 13:16

Nɛ e haa nimli tsuo, nimli tsɔwi kɛ nimli nguahi, niatsɛmɛ kɛ ohiafohi, odehehi kɛ nyɔguɛhi kplɛɔ nɛ a kadi mɛ ngɛ a hiɛ ɔ nine loo a hɛ̃ nya.

Kpojemi 22:4

nɛ a maa na e hɛ mi, nɛ e biɛ ɔ maa hi a hɛ nya.

Kpojemi 14:9

Nɛ hiɔwe bɔfo kpa nɛ ji etɛ nyɛɛ a se, nɛ e kɛ gbi ngua de ke: “Ke nɔ ko ja lohwe ɔ kɛ e maga a, nɛ e heɔ e kadi ɔ ngɛ e hɛ nya loo e nine nɔ ɔ,

Kpojemi 13:18

Hiɛ ɔ nilemi ɔ ngɛ. Nɔ nɛ ngɛ juɛmi ɔ, e bu lohwe ɔ yibɔ ɔ he akaɔtaa, ejakaa yibɔ ɔ daa si ha nɔmlɔ biɛ; nɛ yibɔ ɔ ji lafa ekpa kɛ nyingmi ekpa kɛ ekpa.

Kpojemi 3:12

Kunim yelɔ ɔ, ma ngɔ lɛ ngɔ pee Titima ngɛ ye Mawu ɔ sɔlemi tsu ɔ mi, nɛ e be kpo jee hu, nɛ ma ngma ye Mawu ɔ biɛ, kɛ ye Mawu ɔ ma nɛ ji Yerusalem he nɛ jee ye Mawu ngɔ ɔ biɛ, kɛ mi nitsɛ ye biɛ he ɔ ngɛ e nɔ.

Kpojemi 17:5

nɛ a ngma biɛ ko ngɛ e hɛ nya nɛ ji laami sane ke: “Babilon ngua a, zugba a nɔ ajuama a kɛ ninye ni ɔmɛ a nyɛ.”

Galatabi 6:17

Jehanɛ, nɔ ko ko doo ye nya hu; ejakaa i hɛɛ Nyɔmtsɛ Yesu plaami okadi ɔmɛ ngɛ ye nɔmlɔ tso ɔ he.

Kpojemi 7:3

ke: “Nyɛ ko pee zugba a loo wo ɔ loo tso ɔmɛ yayami ko kɛ maa su be nɛ waa kɛ nya sɔumi nɔ ma kadi wa Mawu ɔ sɔmɔli ɔmɛ a hɛ nya lolo.”

Kpojemi 20:4

Kɛkɛ nɛ i na matsɛ sɛhi kɛ nihi nɛ hii si ngɛ a nɔ ɔ; a ngɔ kojomi ngɔ ha mɛ. Nɛ i na nihi nɛ a po a yi ngɛ Yesu he odase yemi ɔ kɛ Mawu munyu ɔ he ɔ a klaa amɛ, kɛ ninɛmɛ nɛ ja we lohwe ɔ loo e maga a nɛ a he we e kadi ɔ ngɛ a hɛ nya loo a dɛ mi ɔ. A hɛ ngɛ, nɛ a kɛ Kristo ye matsɛ jeha akpe.