Kpojemi 13:15 - Somi He Ɔ

¹⁵ Nɛ a ha lɛ he wami nɛ e kɛ mumi nɛ ha lohwe ɔ amaga a, konɛ lohwe ɔ amaga a nɛ tu munyu nɛ e ha a gbe nimli kulaa nɛ ja we lohwe ɔ amaga a.

BAIBLO ALOO NGMAMI KLƆUKLƆU Ɔ

¹⁵ Mawu ha lohwe awi yelɔ enyɔne ɔ blɔ kaa e mu mumi kɛ wo amaga a mi, konɛ amaga a nɛ na wami, nɛ e tu munyu. Kɛkɛ ɔ, e ma ha nɛ a gbe nihi tsuo nɛ ja we lɛ ɔ.

Kpojemi 13:15 ပူးပေါင်းရင်းမြစ်များ

Kpojemi 20:4

Kɛkɛ nɛ i na matsɛ sɛhi kɛ nihi nɛ hii si ngɛ a nɔ ɔ; a ngɔ kojomi ngɔ ha mɛ. Nɛ i na nihi nɛ a po a yi ngɛ Yesu he odase yemi ɔ kɛ Mawu munyu ɔ he ɔ a klaa amɛ, kɛ ninɛmɛ nɛ ja we lohwe ɔ loo e maga a nɛ a he we e kadi ɔ ngɛ a hɛ nya loo a dɛ mi ɔ. A hɛ ngɛ, nɛ a kɛ Kristo ye matsɛ jeha akpe.

Kpojemi 19:20

Nɛ a nu lohwe ɔ kɛ lakpa gbalɔ ɔ nɛ pee nyakpɛ nihi ngɛ e hɛ mi nɛ e kɛ sisi nihi nɛ he lohwe ɔ okadi ɔ kɛ nihi nɛ jaa e maga a. A ngɔ ni enyɔ nɛ ɔmɛ kulaa hɛ ngmengmle ngɔ wo la taku nɛ ngɛ tsoe gligliigli ɔ mi.

Kpojemi 16:2

Nɛ kekleekle nɔ ɔ pue nɔ kɛ ho, nɛ e ya plɛ e tsinesa a mi ni ɔmɛ ngɔ pue zugba a nɔ; nɛ ninɛmɛ nɛ lohwe ɔ okadi ɔ ngɛ a he ɔ kɛ ninɛmɛ nɛ jaa e maga a hia pa yayahi nɛ yee nɔ.

Kpojemi 18:20

Mo hiɔwe, kɛ nyɛ klɔuklɔu bihi kɛ bɔfohi kɛ gbali, nyɛ nya ngɛ e butumi ɔ he, ejakaa Mawu kojo lɛ ha nyɛ.

Kpojemi 17:6

Nɛ i na yo ɔ kaa klɔuklɔu bi ɔmɛ a muɔ ɔ kɛ Yesu he odase yeli ɔmɛ a muɔ ɔ de lɛ da. Benɛ i na lɛ ɔ ye nya kpɛ ye he wawɛɛ nitsɛ.

Kpojemi 14:11

Nɛ a plaami ɔ lasuku ɔ tee si kɛ yaa neneene kɛ neneene; nɛ nihi nɛ ja lohwe ɔ kɛ e maga, a kɛ nɔ tsuaa nɔ nɛ he e biɛ ɔ okadi ɔ na we he jɔmi nyɔ kɛ pia.

Kpojemi 14:9

Nɛ hiɔwe bɔfo kpa nɛ ji etɛ nyɛɛ a se, nɛ e kɛ gbi ngua de ke: “Ke nɔ ko ja lohwe ɔ kɛ e maga a, nɛ e heɔ e kadi ɔ ngɛ e hɛ nya loo e nine nɔ ɔ,

Kpojemi 13:14

Nɛ e kɛ nyakpɛ nihi nɛ e na he blɔ kaa e pee ngɛ lohwe ɔ hɛ mi ɔ sisiɔ ninɛmɛ nɛ ngɛ zugba a nɔ ɔ, nɛ e deɔ nihi nɛ ngɛ zugba a nɔ ɔ ke, a pee amaga ngɔ ha lohwe ɔ nɛ a kɛ klaate plaa lɛ nɛ e hɛ ngɛ ɔ.

Kpojemi 18:24

Babilon mi a na gbali kɛ klɔuklɔu bihi kɛ nihi tsuo nɛ a gbe ngɛ zugba a nɔ ɔ a muɔ ɔ ngɛ.”

Kpojemi 17:17

Ejakaa Mawu kɛ wo a tsui mi konɛ a pee e yi mi tomi ni ɔmɛ, nɛ a hɛɛ juɛmi kake, nɛ a kɛ a matsɛ yemi ɔ nɛ ha lohwe ɔ kɛ ya su be nɛ a maa gbe nihi nɛ Mawu de ɔmɛ a nya.

Kpojemi 17:14

Ni nɛ ɔmɛ kɛ Tobi ɔ maa huw ta, nɛ Tobi ɔ maa ye a nɔ, ejakaa lɛ ji nyɔmtsɛmɛ a Nyɔmtsɛ kɛ matsɛmɛ a Matsɛ, nɛ nihi nɛ a kɛ lɛ ngɛ ɔ ji ninɛmɛ nɛ a tsɛ kɛ ninɛmɛ nɛ a hia kɛ ninɛmɛ nɛ heɔ yeɔ ɔ.”

Kpojemi 16:5

Nɛ i nu nɛ nyu ɔmɛ a nɔ bɔfo ɔ ngɛ dee ke: “Dalɔ ji mo, Nyɔmtsɛ, nɔ nɛ ngɛ kɛ nɔ nɛ hi si sa kɛ nɔ nɛ ji nɔ klɔuklɔu ɔ, ejakaa o nɔ da ngɛ o kojomi nɛ ɔmɛ a mi.

Yakobo 2:26

Ejakaa kaa bɔ nɛ nɔmlɔ tso nɛ mumi be mi ɔ ji gbogboe ɔ, ja nɔuu hemi kɛ yemi nɛ ni tsumihi be he ɔ ji hemi kɛ yemi gbogboe.

Kpojemi 13:1

Kɛkɛ nɛ i na lohwe ko nɛ e ngɛ kpo jee kɛ ngɛ wo ɔ mi jee kɛ ma, nɛ e ngɛ koli nyɔngma kɛ e yi kpaago, nɛ matsɛ pɛɛhi nyɔngma bu e koli ɔmɛ a nɔ, nɛ musubɔmi biɛhi ngɛ e yi ɔmɛ a nɔ.

Kpojemi 13:12

Nɛ e tsuɔ kekle lohwe ɔ he blɔ ɔmɛ kulaa he ni ngɛ e hɛ mi, nɛ e haa zugba a kɛ nihi nɛ ngɛ nɔ ɔ jaa kekle lohwe ɔ nɛ a tsa e gbenɔ plaami ɔ.