Kpojemi 13:12 - Somi He Ɔ

¹² Nɛ e tsuɔ kekle lohwe ɔ he blɔ ɔmɛ kulaa he ni ngɛ e hɛ mi, nɛ e haa zugba a kɛ nihi nɛ ngɛ nɔ ɔ jaa kekle lohwe ɔ nɛ a tsa e gbenɔ plaami ɔ.

BAIBLO ALOO NGMAMI KLƆUKLƆU Ɔ

¹² E ngɔ jamɛ a he wami kpetekpleenyɛ ɔ nɛ lohwe awi yelɔ kake ɔ ngɛ ɔ, nɛ e kɛ tsu ní ja nɔuu ngɛ kekleekle nɔ́ ɔ nane mi. E nyɛ nihi tsuo nɛ ngɛ je ɔ mi ɔ a nɔ nɛ a ja kekleekle lohwe awi yelɔ ɔ nɛ e pa a gbo ɔ.

Kpojemi 13:12 ပူးပေါင်းရင်းမြစ်များ

Kpojemi 19:20

Nɛ a nu lohwe ɔ kɛ lakpa gbalɔ ɔ nɛ pee nyakpɛ nihi ngɛ e hɛ mi nɛ e kɛ sisi nihi nɛ he lohwe ɔ okadi ɔ kɛ nihi nɛ jaa e maga a. A ngɔ ni enyɔ nɛ ɔmɛ kulaa hɛ ngmengmle ngɔ wo la taku nɛ ngɛ tsoe gligliigli ɔ mi.

Kpojemi 14:11

Nɛ a plaami ɔ lasuku ɔ tee si kɛ yaa neneene kɛ neneene; nɛ nihi nɛ ja lohwe ɔ kɛ e maga, a kɛ nɔ tsuaa nɔ nɛ he e biɛ ɔ okadi ɔ na we he jɔmi nyɔ kɛ pia.

Kpojemi 14:9

Nɛ hiɔwe bɔfo kpa nɛ ji etɛ nyɛɛ a se, nɛ e kɛ gbi ngua de ke: “Ke nɔ ko ja lohwe ɔ kɛ e maga a, nɛ e heɔ e kadi ɔ ngɛ e hɛ nya loo e nine nɔ ɔ,

2 Tesalonikabi 2:4

nɔ nɛ maa wo e he nɔ nɛ e maa te si ngɔ si nɔ́ tsuaa nɔ́ nɛ a tsɛɛ mawu loo mawu jami ɔ, nɛ lɛ nitsɛ e ma ya hi Mawu we ɔ kaa mawu ko nɛ e ma tsɛ e he kaa lɛ ji Mawu ɔ.

Kpojemi 13:2

Nɛ lohwe ɔ nɛ i na a ngɛ kaa ogbetee, nɛ e nanehi ngɛ kaa osisibliisii nanehi, nɛ e nya ngɛ kaa jata nya. Nɛ sinɔ ngua a ngɔ lɛ nitsɛ e he wami ɔ kɛ e matsɛ sɛ ɔ kɛ he blɔ ngua a ngɔ ha lɛ.

Kpojemi 13:8

Nɛ nihi kulaa nɛ ngɛ zugba a nɔ ɔ ma ja lɛ, nihi nɛ a ngmɛ́ a biɛ ngɛ Tobi nɛ a gbe ɔ wami womi ɔ mi kɛ je je mi sisije ɔ.

Kpojemi 16:2

Nɛ kekleekle nɔ ɔ pue nɔ kɛ ho, nɛ e ya plɛ e tsinesa a mi ni ɔmɛ ngɔ pue zugba a nɔ; nɛ ninɛmɛ nɛ lohwe ɔ okadi ɔ ngɛ a he ɔ kɛ ninɛmɛ nɛ jaa e maga a hia pa yayahi nɛ yee nɔ.

Kpojemi 17:8

Lohwe ɔ nɛ o na a hi si hyɛ, se e be hu. E maa je muɔ voo ɔ mi kɛ je kpo kɛ ba be kɛ ho hɛ mi kpatami mi ya; nɛ nihi nɛ a ngɛ zugba a nɔ nɛ a ngmɛ́ a biɛ ngɛ wami womi ɔ mi kɛ je je mi sisije ɔ nya maa kpɛ a he, ke a na lohwe ɔ nɛ hi si hyɛ nɛ e be hu nɛ e maa ba a.

Kpojemi 20:4

Kɛkɛ nɛ i na matsɛ sɛhi kɛ nihi nɛ hii si ngɛ a nɔ ɔ; a ngɔ kojomi ngɔ ha mɛ. Nɛ i na nihi nɛ a po a yi ngɛ Yesu he odase yemi ɔ kɛ Mawu munyu ɔ he ɔ a klaa amɛ, kɛ ninɛmɛ nɛ ja we lohwe ɔ loo e maga a nɛ a he we e kadi ɔ ngɛ a hɛ nya loo a dɛ mi ɔ. A hɛ ngɛ, nɛ a kɛ Kristo ye matsɛ jeha akpe.