Kpojemi 13:11 - Somi He Ɔ

¹¹ Kɛkɛ nɛ i na lohwe kpa ko nɛ e ngɛ kpo jee kɛ ngɛ zugba a mi jee, nɛ e ngɛ koli enyɔ kaa to bi, nɛ e tuɔ munyu kaa sinɔ ngua.

BAIBLO ALOO NGMAMI KLƆUKLƆU Ɔ

¹¹ Jehanɛ ɔ, i na lohwe awi yelɔ kpa ko nɛ je zugba a mi. E ngɛ koli enyɔ; koli ɔmɛ ngɛ kaa to bi kolihi, nɛ lohwe ɔ tu munyu kaa bɔ nɛ sinɔ nguaa a tuɔ munyu.

Kpojemi 13:11 ပူးပေါင်းရင်းမြစ်များ

Mateo 7:15

“Nyɛɛ hyɛ saminya ngɛ osato gbali ɔmɛ a he, ejakaa a ngɔɔ to he womi ngɔ haa a he kɛ baa nyɛ ngɔ, se a mi mi je ɔ ogbetee ni hali ji mɛ.

Kpojemi 17:6

Nɛ i na yo ɔ kaa klɔuklɔu bi ɔmɛ a muɔ ɔ kɛ Yesu he odase yeli ɔmɛ a muɔ ɔ de lɛ da. Benɛ i na lɛ ɔ ye nya kpɛ ye he wawɛɛ nitsɛ.

Kpojemi 16:13

Kɛkɛ nɛ i na mumi yayami etɛ nɛ ngɛ kaa ovɔnɔhi loo kuɔwihi ngɛ kpo jee kɛ ngɛ sinɔ ngua a nya mi kɛ lohwe ɔ nya mi kɛ lakpa gbalɔ ɔ nya mi jee;

Kpojemi 13:17

Nɔ ko nɔ ko nyɛ we nɔ́ ko nɛ e he loo e jua, ja nɔ nɛ ngɛ okadi ɔ loo lohwe ɔ biɛ loo e biɛ ɔ yibɔ ɔ kɛkɛ.

Kpojemi 11:7

Nɛ ke a gbe a odaseyemi ɔ nya a, lohwe ɔ nɛ je muɔ voo ɔ mi ɔ kɛ mɛ maa hwu ta, nɛ e maa ye a nɔ, nɛ e maa gbe mɛ;

Romabi 16:18

Ejakaa nihi nɛ ngɛ kikɛ ɔ, pi wa Nyɔmtsɛ Yesu Kristo nɛ a sɔmɔɔ, se mohu mɛ nitsɛmɛ a muklii; nɛ a kɛ nya mi dɔkɔɔ kɛ sisimi munyuhi mlɔɔ nihi nɛ li yayami ɔmɛ a tsui.

Kpojemi 12:17

Kɛkɛ nɛ sinɔ ngua a mi mi fu yo ɔ, nɛ e pue nɔ kɛ ho konɛ e kɛ yo ɔ nina nɛ piɛ nɛ yeɔ Mawu kita amɛ a nɔ nɛ a hɛɛ Yesu Kristo he odase yemi ɔ mi ɔ ya hwu ta.

2 Tesalonikabi 2:4

nɔ nɛ maa wo e he nɔ nɛ e maa te si ngɔ si nɔ́ tsuaa nɔ́ nɛ a tsɛɛ mawu loo mawu jami ɔ, nɛ lɛ nitsɛ e ma ya hi Mawu we ɔ kaa mawu ko nɛ e ma tsɛ e he kaa lɛ ji Mawu ɔ.

Kpojemi 17:8

Lohwe ɔ nɛ o na a hi si hyɛ, se e be hu. E maa je muɔ voo ɔ mi kɛ je kpo kɛ ba be kɛ ho hɛ mi kpatami mi ya; nɛ nihi nɛ a ngɛ zugba a nɔ nɛ a ngmɛ́ a biɛ ngɛ wami womi ɔ mi kɛ je je mi sisije ɔ nya maa kpɛ a he, ke a na lohwe ɔ nɛ hi si hyɛ nɛ e be hu nɛ e maa ba a.

Kpojemi 13:1

Kɛkɛ nɛ i na lohwe ko nɛ e ngɛ kpo jee kɛ ngɛ wo ɔ mi jee kɛ ma, nɛ e ngɛ koli nyɔngma kɛ e yi kpaago, nɛ matsɛ pɛɛhi nyɔngma bu e koli ɔmɛ a nɔ, nɛ musubɔmi biɛhi ngɛ e yi ɔmɛ a nɔ.

Kpojemi 13:4

Nɛ ni ɔmɛ tsuo ja sinɔ ngua a nɛ ngɔ he blɔ ɔ ngɔ ha lohwe ɔ, nɛ a ke: “Mɛnɔ ngɛ kaa lohwe, ɔ nɛ mɛnɔ ma nyɛ nɛ e kɛ lɛ maa hwu ta?”