Kpojemi 13:1 - Somi He Ɔ

¹ Kɛkɛ nɛ i na lohwe ko nɛ e ngɛ kpo jee kɛ ngɛ wo ɔ mi jee kɛ ma, nɛ e ngɛ koli nyɔngma kɛ e yi kpaago, nɛ matsɛ pɛɛhi nyɔngma bu e koli ɔmɛ a nɔ, nɛ musubɔmi biɛhi ngɛ e yi ɔmɛ a nɔ.

BAIBLO ALOO NGMAMI KLƆUKLƆU Ɔ

¹ Jehanɛ ɔ, i na lohwe awi yelɔ ko nɛ je wo ɔ mi kɛ ma. E ngɛ koli nyɔngma, kɛ yi kpaago. Jlasi ngɛ koli tsuaa koli he, nɛ a ngma biɛ nɛ ji musu bɔmi munyuhi kɛ si Mawu ngɛ yi tsuaa yi he.

Kpojemi 13:1 ပူးပေါင်းရင်းမြစ်များ

Kpojemi 12:3

Nɛ a na okadi kpa ngɛ hiɔwe, nɛ oʼɛ, sinɔ ngua tsutsuutsu kpetekpleenyɛ nɛ ngɛ yi kpaago kɛ koli nyɔngma, nɛ matsɛ pɛɛ kpaago bu e yi ɔmɛ a nɔ.

Kpojemi 17:3

Nɛ e kpaka mi kɛ ho nga nɔ ya ngɛ mumi mi; nɛ i na yo ko nɛ hii si ngɛ lohwe nɛ tsuɔ kaa muɔ ko nɔ nɛ musu bɔmi biɛhi kpe e he, nɛ e ngɛ yi kpaago kɛ koli nyɔngma.

Kpojemi 11:7

Nɛ ke a gbe a odaseyemi ɔ nya a, lohwe ɔ nɛ je muɔ voo ɔ mi ɔ kɛ mɛ maa hwu ta, nɛ e maa ye a nɔ, nɛ e maa gbe mɛ;

Kpojemi 17:16

Nɛ koli nyɔngma nɛ o na a, kɛ lohwe ɔ, maa nyɛ ajuama a, nɛ a ma kpɔ e nihi kulaa nɛ e ngɛ ɔ, nɛ a ma kpa e he bo, nɛ a maa ye e he lo, nɛ a kɛ la maa sa lɛ.

Kpojemi 15:2

Kɛkɛ nɛ i na nɔ́ ko nɛ ngɛ kaa wo nɛ ngɛ kaa ahuhuɛ nɛ a kɛ la futu mi, nɛ ninɛmɛ nɛ ye lohwe ɔ kɛ e maga a kɛ e kadi ɔ kɛ e biɛ ɔ yibɔ ɔ nɔ kunimi ɔ daa si ngɛ wo nɛ ngɛ kaa ahuhuɛ ɔ nya, nɛ a hɛɛ Mawu saku ɔmɛ.

Kpojemi 17:5

nɛ a ngma biɛ ko ngɛ e hɛ nya nɛ ji laami sane ke: “Babilon ngua a, zugba a nɔ ajuama a kɛ ninye ni ɔmɛ a nyɛ.”

Kpojemi 13:11

Kɛkɛ nɛ i na lohwe kpa ko nɛ e ngɛ kpo jee kɛ ngɛ zugba a mi jee, nɛ e ngɛ koli enyɔ kaa to bi, nɛ e tuɔ munyu kaa sinɔ ngua.

Kpojemi 13:14

Nɛ e kɛ nyakpɛ nihi nɛ e na he blɔ kaa e pee ngɛ lohwe ɔ hɛ mi ɔ sisiɔ ninɛmɛ nɛ ngɛ zugba a nɔ ɔ, nɛ e deɔ nihi nɛ ngɛ zugba a nɔ ɔ ke, a pee amaga ngɔ ha lohwe ɔ nɛ a kɛ klaate plaa lɛ nɛ e hɛ ngɛ ɔ.

Kpojemi 13:15

Nɛ a ha lɛ he wami nɛ e kɛ mumi nɛ ha lohwe ɔ amaga a, konɛ lohwe ɔ amaga a nɛ tu munyu nɛ e ha a gbe nimli kulaa nɛ ja we lohwe ɔ amaga a.

Kpojemi 16:13

Kɛkɛ nɛ i na mumi yayami etɛ nɛ ngɛ kaa ovɔnɔhi loo kuɔwihi ngɛ kpo jee kɛ ngɛ sinɔ ngua a nya mi kɛ lohwe ɔ nya mi kɛ lakpa gbalɔ ɔ nya mi jee;

Kpojemi 19:19

Kɛkɛ nɛ i na lohwe ɔ kɛ zugba a nɔ matsɛmɛ ɔmɛ kɛ a ta nɛ a bua nya a, konɛ a kɛ nɔ nɛ hii si ngɛ okpɔngɔ ɔ nɔ ɔ kɛ e ta a ya hwu ta.