Kpojemi 12:7 - Somi He Ɔ

⁷ Nɛ ta te si ngɛ hiɔwe: Mikael kɛ e bɔfo ɔmɛ hia sinɔ ngua a yi nɔ ta. Nɛ sinɔ ngua a bɔfo ɔmɛ piɛ e he kɛ hwu,

BAIBLO ALOO NGMAMI KLƆUKLƆU Ɔ

⁷ Jehanɛ ɔ, ta ba te si ngɛ hiɔwe. Bɔfo nguaa a nɛ a tsɛɛ lɛ Mikael ɔ, kɛ e bɔfo ɔmɛ ya tua sinɔ nguaa a, nɛ sinɔ nguaa a, kɛ lɛ hu e bɔfo ɔmɛ kɛ mɛ hwu.

Kpojemi 12:7 ပူးပေါင်းရင်းမြစ်များ

Mateo 13:41

Nɔmlɔ Bi ɔ maa tsɔ e bɔfo ɔmɛ nɛ a ma bua nane kpatami nihi tsuo kɛ nihi nɛ tsuɔ mlaa kuami ni ɔmɛ a nya kɛ maa je e matsɛ yemi ɔ mi,

Mateo 16:27

Ejakaa nɔmlɔ Bi ɔ maa ba ngɛ e tsɛ nyami ɔ mi kɛ e bɔfo ɔmɛ; nɛ lɛ be ɔ mi ɔ, e maa wo nɔ tsuaa nɔ hiɔ ngɛ e ni tsumi nya.

Mateo 24:31

Nɛ e maa tsɔ e bɔfo ɔmɛ kɛ Titimati nɛ gbi nya wa, nɛ a ma bua e nihi nɛ a hla amɛ a nya kɛ maa je kɔɔhiɔ eywiɛ ɔ nɔ, kɛ maa je hiɔwe nyagbe he kake nɔ kɛ yaa su nyagbe he kpa nɔ.”

Mateo 25:41

“Kɛkɛ ɔ, e ma de ninɛmɛ nɛ ngɛ e muɔ nɔ hu ke: ‘Nyɛɛ je ye nɔ, nyɛ nihi nɛ a gbiɛ nyɛ, nyɛɛ ya neneene la a nɛ a dla to abosiami kɛ e bɔfo ɔmɛ ɔ mi!

Mateo 26:53

Aloo o susu kaa i be nyɛe Tsaatsɛ pɛɛ ma kpa nɛ amlɔ nɛ ɔ nɔuu e ma ha mi hiɔwe bɔfohi pe asafo nyɔnmga kɛ enyɔ nɛ a ba fã ye he?

2 Korintobi 12:7

Se benɛ pee nɛ ma ko wo ye he nɔ tsɔ ko ngɛ kpo jemihi nɛ kle saminya nɛ ɔmɛ a he ɔ, a ha mi mio ko ngɛ ye he womi mi, nɛ ji Satan bɔfo, konɛ e gba mi mahi, nɛ ma ko wo ye he nɔ tsɔ.

Efesobi 6:12

Ejakaa tsa pi he lo kɛ muɔ nɛ waa kɛ ngɛ ta hwue ɔ, se mohu waa kɛ nɔkɔtɔma yemihi kɛ he blɔhi kɛ je nɛ ɔ mi nɔ yemihi nɛ ngɛ mwɔnɔmwɔnɔ diblii ɔ mi ɔ, kɛ mumi yayami asafo nɛ ngɛ hiɔwe nihi a mi ɔ.

2 Tesalonikabi 1:7

nɛ nyɛ ninɛmɛ nɛ a ngɛ nyɛ haoe ɔ, e ma ha waa kɛ nyɛ tsuo he jɔɔmi, benɛ a ma je Mawetsɛ Yesu kpo kɛ maa je hiɔwe kɛ e he wami bɔfo ɔmɛ ɔ,

Hebribi 2:10

Ejakaa e sa lɛ, nɔ nɛ he nɛ nihi kulaa ngɛ kɛ nɔ nɛ nɔ nɛ a gu nɛ nihi kulaa ngɛ ɔ, nɔ nɛ ngɔɔ bimɛ babauu kɛ baa hɛ mi nyami mi ɔ, kaa e ha a yi wami hemi tatsɛ nɔkɔtɔma a nɛ gu amanehluhi a mi nɛ e hi kɛ pi si.

2 Petro 2:4

Ejakaa Mawu ngɔɛ bɔfohi nɛ pee yayami ɔmɛ a he ngɔ ki mɛ, se mohu e tsitsɛɛ mɛ wo gbeje muɔ mi, he nɛ a fi mɛ kɛ diblii kpa ngɔ to ha kojomi.

Yuda 1:9

Se bɔfo nɔkɔtɔma Mikael tete po, pee we enɛ. E kɛ abosiami pɛ nɛ e kɛ lɛ sa nya ngɛ Mose flu ɔ he. Mikael gbiɛ́ abosiami kɛ musu bɔmi munyu ko, se mohu e ke: “Nyɔmtsɛ ɔ nɛ kã o hɛ mi!”

Kpojemi 12:8

se a ye a nɔ, nɛ a nɛ blɔ ngɛ hiɔwe ha mɛ hu.

Kpojemi 12:9

Nɛ a sake sinɔ ngua kpetekpleenyɛ ɔ, nɔ nɛ ji blema sinɔ ɔ nɛ a tsɛɛ lɛ Nyapolɔ loo Abosiami nɛ sisiɔ je mluku ɔ tsuo ɔ, ngɔ fɔ zugba a nɔ, nɛ a sake e bɔfo ɔmɛ hu ngɔ fɔ zugba a nɔ ngɔ piɛ e he.

Kpojemi 13:7

Nɛ a ha lɛ he blɔ nɛ e kɛ klɔuklɔu bi ɔmɛ nɛ hwu ta nɛ e ye a nɔ, nɛ a ha lɛ he blɔ ngɛ wɛtso tsuaa wɛtso kɛ ma tsuaa ma kɛ mahi a nɔ gbihi tsuo kɛ je ma tsuaa je ma nɔ.

Kpojemi 20:2

Nɛ e nu sinɔ ngua a, blema sinɔ nɛ ji Abosiami loo Satan ɔ, nɛ e fi lɛ jeha akpe,